PILIPƏ 4:7 - Bibəl ta Sar̄

⁷ Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju Kərist.

Bible sar

⁷ Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju *Kərist.

PILIPƏ 4:7 Referans Kwoze

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

IJAI 26:3

Ni əya̰ yá̰á̰ kógə̄ḿ adə̄ nujə kemən alé. Kɔ́ɔ̄ɓē, ḭ̄ ādə̄n lɔm, tām̄ ni ənī kemən adī.

2 TESALONIK 3:16

Ādə̄ Kɔ́ɔ̄ɓē kə́ nge kem sɔl̄ lɔm sɔl̄ kemsí ngándáńg ō, kə ta róbə́ kə́ tayā tayā gə̄ ō. Ādə̄ Kɔ́ɔ̄ɓē i naā tə́ sesí malang.

KOLOSƏ 3:15

Ādə̄ kem sɔl̄ yā Kərist o̰o̰ ɓē kemsí tə́, tɔdɔ̄ Nə́ɓā ɓāŕsí kadə̄ ī-téliī de kə́ kógə̄ḿ beē gə̄. Ī-téliī ngé ndadə̄ Nə́ɓā gə̄.

PĀ GƏ̄ 29:11

Kɔ́ɔ̄ɓē a adə̄ gír deē yān gə̄ tɔ́gə. Ni a rāā sedə́ kadə̄ ndin̄ kə lápə́yaá.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā Ndíĺ kə́ Táĺ.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

Makətūbə̄ ń Pol ndang adə̄ Rom gə̄ ní 8:6

Yá̰á̰ ń dā̰ rɔ̄ ndigə ní a ojə i yo, ba yá̰á̰ ń Ndíĺ kə́ Táĺ ndigə ní, a ojə i ndi kə kumuú ō, kem sɔl̄ lɔm ō.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.

IJAI 48:18

Ha̰, loo kə́ beē tə́ ə̄ndā i kumií gíŕ yá̰a̰ gə̄ ń m-ɔ́sə sesí ta rāā ní anī, ndi lɔm yāí a to i tītə̄ bā beé ō, ndi majə yāí a to i tītə̄ bəngál bā bo beé ō.

Makətūbə̄ yā Job 22:21

I beé ní, ī-tél ə̄ndā najə̄ yāí naā tə́ kə Nə́ɓāá ō, ī-rāā ādə̄ lɔm to mbo̰ō̰sí tə́ seneé ō. I beé n ā ī-téləń yā ndi majə gogə́ ní.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ Ndíĺ kə́ Táĺ adə̄ ní.

IJAI 48:22

Kɔ́ɔ̄ɓē əda na: Ndi majə kə́ tām̄ yā de kə́ majaĺ gə̄ tə́ gətóo.

JEJU TEĒ KUM JA̰A̰ 1:4

I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,

Najə̄ kə́ Majə yā Jeju ń Luk ndang ní 1:79

Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

TƏ́DA 6:26

Ādə̄ Kɔ́ɔ̄ɓē əndā kumən gōsí tə́ ō, sɔl̄ kemsí ō.

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

PĀ GƏ̄ 85:8

Kɔ́ɔ̄ɓē, ɔ́jə́jí kem majə yāí ō, ájə́jí ō.

PILIPƏ 4:9

Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

Gōsə̄ najə̄ gə̄ 6:22

Kə dɔ kawí gə̄ ō, kə dɔ télí gə̄ ō ní, nin̄ a ɔjənī ta róbə ō, a ngɔ̄mənī dɔ tə̄rā toí tə́ ō. Dan ń ī-ndól̄ dɔ ɓīī tə́ anī nin̄ a adə̄nī kɔjə̄.

IJAI 26:12

Kɔ́ɔ̄ɓē, ḭ̄ ādə̄jí lɔm, yá̰a̰ malang ń j-əla gír rāā ní, i ḭ̄ n i nge rāā kadə̄ reē udə gíŕ kə́ rɔ̄ tə́ ādə̄jí ní.

Gōsə̄ najə̄ gə̄ 4:6

Ə́ya̰ kum kedə̄ kɔ̄ɔ́ alé, anī ni a ngɔ̄mī. Ī-tárn, anī ni a ɔgə̄ kadə̄ yá̰á̰ kə́ majaĺ rāāī.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

Gōsə̄ najə̄ gə̄ 2:11

kəndā ma̰ȳ yá̰a̰ a ngɔ̄mī ta yá̰á̰ kə́ majaĺ tə́ ō, ger̄ yá̰a̰ a a̰a̰ gōí majə ō.

NEHEMI 8:10

Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

PILIPƏ 1:2

Ādə̄ bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

JEREMI 32:16

Gō tə́ dan ń m̄-ɓɔ̄ɔ̄ Baruk ngōn̄ Neriya makətūbə̄ mang naā ndɔr̄ ní gír gān̄g anī, m̄-rāā Kɔ́ɔ̄ɓē ɓɔ́ m-ə́da na:

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta Kərist.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

PILIPƏ 4:19

Ba Nə́ɓā yāḿ a adə̄sí yá̰a̰ malang ń ndoōn rāāsí ní, kə gō yá̰a̰ kal̄ loo yānneé ō, a adə̄sí i kadə̄ kə́ majə ngá̰ý kə ta kūl̄ Jeju Kərist ō.

PILIPƏ 4:21

De gə̄ yā Nə́ɓā gə̄ ń ɓoon̄ naā kə Jeju Kərist ní, ī-rāāīdə́ lápə́ya kógə̄ḿ kógə̄ḿ malang. Ngákó̰ó̰jí gə̄ ń seḿ laā ní, rāān̄sí lápə́ya.