PILIPƏ 4:6 - Bibəl ta Sar̄

⁶ Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

Bible sar

⁶ Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

PILIPƏ 4:6 Referans Kwoze

1 PIYER 5:7

Yá̰a̰ gə̄ malang ń rāān̄sí adə̄ ī-ndiī kə sōlōó kekəre ní, ɔ̄rī dɔsí gíŕdə́ tə́ ba ī-ɓōkíīdə́ dɔn tə́, tɔdɔ̄ i ni n i nge ka̰a̰ gōsí ní.

PĀ GƏ̄ 55:22

Najə̄ kə́ tan tə́ lúndə̄ tītə̄ tejə beé, banī kemən i rɔ̄ɔ̄. Najə̄ kə́ tan tə́ sɔl̄ lɔ́ḿ lɔ́ḿ tɔȳ yibə̄, banī i kəyā rɔ̄ɔ̄.

MATIYE 6:8

I beé ní ī-lōōī ndájə̄də́, tām̄ yá̰á̰ ń ndoōn rāāsí ní Bɔbə̄sí ger̄ kété tá kadə̄ ī-dəjeniī ɓáý.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

Gōsə̄ najə̄ gə̄ 16:3

Ɔ́jə́ Kɔ́ɔ̄ɓē yá̰a̰ rāāí gə̄, anī yá̰a̰ gə̄ ń ɔ́jə rāādə́ ní a udən̄ gírí.

PĀ GƏ̄ 62:8

Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.

KOLOSƏ 4:2

Ī-na̰yḭḭ̄ kə̄ loo ndɔ̄ȳ tə́, ī-ndiīń já̰já̰ loo ndadə̄ Nə́ɓā tə́.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

Najə̄ kə́ Majə yā Jeju ń Luk ndang ní 18:1

Jeju ədadə́ kūjə́ najə̄ kógə̄ḿ kə́ dɔ ndɔ̄ȳ kə́ majə kadə̄ nin̄ a ndɔ̄ȳn̄ ngándáńg tə́ kanjə̄ kɔr ta tə́,

Najə̄ kə́ Majə yā Jeju ń Luk ndang ní 12:22

Gō tə́ anī Jeju əda ngé ndóō yá̰a̰ yān gə̄ na: I tām̄ najə̄ ń noō tə́ n m-ə́dásí na kə ī-lōōī sōl̄ najə̄ yā yá̰á̰ kə́ kadə̄ ə́saī tə́ tá kadə̄ ī-ndiīneé kə kumsí ō, najə̄ yā kūbə̄ kə́ yā kadə̄ ō̰ō̰ī tə́ ō ní.

PĀ GƏ̄ 51:15

Ngé mān̄ dɔ ndū najə̄ yāí gə̄ ní, m-ā m̄-ndóōdə́ gō róbə yāí gə̄. Loo ń noō tə́ ngé rāā majaĺ gə̄ a télən̄ yā reē gogə́ rɔ̄í tə́.

KOLOSƏ 3:15

Ādə̄ kem sɔl̄ yā Kərist o̰o̰ ɓē kemsí tə́, tɔdɔ̄ Nə́ɓā ɓāŕsí kadə̄ ī-téliī de kə́ kógə̄ḿ beē gə̄. Ī-téliī ngé ndadə̄ Nə́ɓā gə̄.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

EPEJƏ 5:20

Ī-ndadī Bɔbə̄jí Nə́ɓā ngándáńg tām̄ yā yá̰a̰ gə̄ tə́ malang kə rī Kɔ́ɔ̄ɓē yājí Jeju Kərist.

PĀ GƏ̄ 55:17

Mā m̄-nōō kə̄ dɔ Nə́ɓā tə́ kadə̄ rāā seḿ, adə̄ Kɔ́ɔ̄ɓē a ajəm̄.

Najə̄ kə́ Majə yā Jeju ń Luk ndang ní 10:41

Banī Kɔ́ɔ̄ɓē tél ədan na: Martə, Martə, ḭ̄ ī-sōl̄ ō, ī-ndebə jak jak ō tām̄ yā yá̰á̰ kə́ gíŕdə́ i kósə́ ngá̰ý gə̄ tə́.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

MATIYE 10:19

Loo ń a əlan̄sí jī de gə̄ tə́ anī, ī-lōōī sōl̄ kəda na ké ā ə́daī na i rí ō, ké loo kədan i ba̰ý ō wa. Tɔdɔ̄ Nə́ɓā a ədasí najə̄ i kum mbang nəkɔ́ ń noō tə́ kadə̄ ā ə́daīdə́.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

Najə̄ kə́ Majə yā Jeju ń Luk ndang ní 12:29

I beé ní sḭḭ̄, ī-lōōī sāā yá̰á̰ ń kadə̄ ə́saī ní ō, kadə̄ ā̰yī ní ō, ī-lōōī ka̰a̰ woy woy najə̄n tə́ ō.

1 SAMUEL 1:15

Ana tél ədan na: Kɔ́ɔ̄ḿ, mā i dəyá̰ kə́ wurəḿ ɔlə̄m̄ ngá̰ý. M-ā̰ȳ kasə nduú aĺ ō, m-ā̰ȳ yá̰á̰ kógə̄ḿ kə́ rāā deē kasə tə́ aĺ ō, ba m-ɔ́jə i Kɔ́ɔ̄ɓē yá̰á̰ kə́ kemḿ tə́.

2 KORḚNTƏ 1:11

Sḭḭ̄ kɔ́ gə̄ ā ī-ndɔ̄yī tām̄ yājí tə́ ō. Adə̄ Nə́ɓā a oō ndɔ̄ȳ yā de kə́ ngá̰ý gə̄ kə́ tām̄ yājí tə́ yā rāań kem majə sejí. Loo ń noō tə́ de gə̄ ngá̰ý a télən̄ yā ndadə̄n tām̄ yājí tə́.

1 KORḚNTƏ 7:32

m̄-gḛy kadə̄ ī-ndiī kanjə̄ sōl̄ yá̰á̰ kógə̄ḿ. Deē ń taā dəyá̰ aĺ ní a gír̄ i dɔ yá̰a̰ yā Kɔ́ɔ̄ɓē tə́, ni a sāā i kadə̄ nel̄ Kɔ́ɔ̄ɓē seneé.

1 PIYER 4:7

Ta ngóý yá̰a̰ malang dɔ i ngɔr. I beé ní ādə̄ sḭḭ̄ i de kə́ ngé kum kedə̄ gə̄ ō, ngé kəhɔ rɔ̄də́ dɔ yá̰á̰ tə́ gə̄ ō, yā kadə̄ sḭḭ̄ ásiīneé ndɔ̄ȳ Nə́ɓā.

MATIYE 13:22

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

DANIEL 3:16

Sadərak ō Mesak ō Abed Nego ō tūr̄ ədan̄ mban̄g na: Kɔ́ɔ̄ ɓē gə̄, yá̰á̰ kə́ kadə̄ j-ədaī dɔ nge ń noō tə́ gətóo.

2 YÁ̰A̰ GƏ̄ 32:20

Loo ń noō tə́ mban̄g Ejekias nin̄ kə Ijai nge koō ta kə́ ngōn̄ Amots ndɔ̄ȳn̄ tām̄ yā najə̄ ń noō tə́ ō, əgan̄ kɔŕ kə̄ dɔɔ́ dɔ rā̰ tə́ ō.

1 SAMUEL 7:12

Samuel un mbal̄ kógə̄ḿ udə kə nja dɔɔ́ dɔ dán ɓē kə́ Misəpa kə Hasen tə́ ba əndā rī mbal̄ ní na i Eben Ejer. Kumən na i mbal̄ dḭḭ̄. Tɔdɔ̄ əda na: Kɔ́ɔ̄ɓē dḭḭ̄jí bátə́ ugə̄ sejí loo ń toō tə́.

PĀ KƏ́ MAJƏ 2:14

Dér dum yāḿ kə́ ɓɔ̄ɔ̄ rɔ̄n mbo̰ō̰ mbal̄ gə̄ tə́, ādə̄ m-á̰a̰ ta kumií, ādə̄ m-ōō ndūí. Tɔdɔ̄ ndūí ɓār̄ majə ō, ta kumií nelə̄m̄ ō.

1 KORḚNTƏ 7:21

Dan ń Nə́ɓā ɓāríī ní ḭ̄ i ɓəlo a, ī-lōō sōl̄ tāmən tə́. Ká ré ásəń teē ɓəloó gə̄gē anī, ādə̄ i yá̰á̰ kə́ kadə̄ teē majə tām̄ yāí tə́ tá ī-rāā.

1 MBAN̄G GƏ̄ 8:28

Ɓɔ́ Kɔ́ɔ̄ɓē Nə́ɓā yāḿ ī-nēl̄ mbīí ōoń ndɔ̄ȳ yā nge kəla yāí ń rāāī ɓɔ́ ní. Ōō nōō ń nge kəla yāí nōō kə̄ dɔí tə́ ɓōólaā ní ō, ōō ndɔ̄ȳ ń nge kəla yāí ndɔ̄yī ɓōólaā ní ō.

JEREMI 32:16

Gō tə́ dan ń m̄-ɓɔ̄ɔ̄ Baruk ngōn̄ Neriya makətūbə̄ mang naā ndɔr̄ ní gír gān̄g anī, m̄-rāā Kɔ́ɔ̄ɓē ɓɔ́ m-ə́da na:

DANIEL 6:10

Loo ń noō tə́ mban̄g Darius ndang ndū najə̄ ní ō, yá̰á̰ ń ɔgə̄n̄ de gə̄ rāā ní ō.

MATIYE 6:34

I beé ní ī-lōōī sōl̄ tām̄ yā ndɔ̄ kə́ bírí tə́: Ndɔ̄ kə́ bírí a sōl̄ tām̄ yān nəkɔ́ tə́. Tápə̄ kə́ tām̄ yā ndɔ̄ kə́ ɓōólaā tə́ asə ta ndɔ̄ kə́ ɓōólaā tə́.

1 TIMOTE 2:1

Adə̄ kété no yá̰á̰ gə̄ tə́ malang ní, ādə̄ de gə̄ dəjen̄ Nə́ɓā yá̰a̰ ō, ndɔ̄ȳnən̄ ō, rāānən̄ ɓɔ́ ō, ndadə̄ adə̄nən̄ ō, tām̄ yā de gə̄ tə́ malang.

1 TIMOTE 5:5

Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.