PILIPƏ 4:3 - Bibəl ta Sar̄

³ Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

Bible sar

³ Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

PILIPƏ 4:3 Referans Kwoze

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

JEJU TEĒ KUM JA̰A̰ 3:5

Adə̄ deē ń tetə rɔ̄ɔ̄ ní, a əlan̄ kūbə̄ kə́ ndaa rɔ̄n tə́ ō, m-ā m̄-kūsə́ rīn kɔ̄ɔ́ kem makətūbə̄ ndi kə kumuú tə́ aĺ ō, m-ā m-ə́da ta kum Bɔbə́ḿ nin̄ kə deē yān gə̄ kə́ dɔ rā̰ tə́ gə̄ tə́ na ni i deē yāḿ ō.

Najə̄ kə́ Majə yā Jeju ń Luk ndang ní 10:20

Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

JEJU TEĒ KUM JA̰A̰ 17:8

Dā̰ ń na m-á̰a̰n ní na ndi kété, ba ń toō ɓáa na gətóo kɔ̄ɔ́. Ni a teē bəlo kə́ ngɔ́nən gətóó tə́ yā kaw̄ loo kə́ tan a tḭ̄ḭ̄ kɔ̄ɔ́ tū tə́ tə́. Ba de kə́ dɔ nang tə́ gə̄ ń kété ta kəla gír kəndā dɔ rā̰ ō dɔ nang ō tə́, ndangən̄ rīdə́ kem makətūbə̄ ndi kə kumuú tə́ alé ní, dan ń nin̄ a a̰a̰n̄ dā̰ ní anī, a ɔr kumdə́ ngá̰ý. Tām̄ dā̰ ní ndi kété ō, gətóo kɔ̄ɔ́ ō, banī a tél yā reē ɓáý ō.

PILIPƏ 4:2

Ebodi ō, Sḛntisə ō, m̄-rāāsí ɓɔ́, ādī gír̄ yāsí i kógə̄ḿ beē tītə̄ ngákó̰o̰ naā kə́ dəyá̰ gə̄ kə́ ɓoon̄ naā kə Kɔ́ɔ̄ɓēé.

Makətūbə̄ ń Pol ndang adə̄ Rom gə̄ ní 16:12

Ī-rāāī Təripen ō Teripojə ō lápə́ya ādə̄mī. Nin̄ i dəyá̰ gə̄ kə́ ɔrən̄ ta kəla yā Kɔ́ɔ̄ɓē tə́ aĺ ō. Ī-rāāī Persis lápə́ya ādə̄mī ō. Ni i kó tár yāḿ kə́ rāā kəla ngá̰ý tām̄ yā Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 16:9

Ī-rāāī Urbḛ lápə́ya ādə̄mī ō. Ni i madə̄ kəlají loo kɔjə najə̄ yā Kərist tə́. Ī-rāāī kó tár yāḿ Sətakis lápə́ya ō.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

PĀ GƏ̄ 69:28

Yá̰á̰ kə́ gōtə́ aĺ gə̄ malang ń nin̄ rāān̄ ní ī-ndang ō, ī-ndigədə́ nin̄ aĺ ō.

Teē Ngán Israel gə̄ 32:32

Ba na n-rāān ɓɔ́, kə mā̰ȳ rɔ̄n dɔdə́ tə́. Ré na mā̰ȳ rɔ̄n dɔdə́ tə́ aĺ anī, kə kūsə́ rīn ń na ndang kem makətūbūú ní kɔ̄ɔ́.

JEJU TEĒ KUM JA̰A̰ 20:12

Anī m-á̰á̰ de kə́ koy gə̄, kə́ tɔgə gə̄ ō, kə́ dūú gə̄ ō, ran̄ kə njadə́ dɔɔ́ ta kōr̄ kāgə̄ mbang ní tə́. Teēn̄ kem makətūbə̄ gə̄, banī makətūbə̄ kə́ rang ń i makətūbə̄ ndi kə kumuú ní, i kə́ teē kem ō. Ba gāngə̄n̄ sarya dɔ de kə́ koy gə̄ tə́ sɔɔ̄ń kəla rāādə́ gə̄, kə gō yá̰a̰ gə̄ ń ndangən̄ kem makətūbə̄ gə̄ tə́ ní.

KOLOSƏ 1:7

I Epapəras kó tár yājí kə́ nge kəla madə̄jí n ndóōsí yá̰a̰ ngeé ń toō ní. Ni-rāā kəla yāsí i kə́ loo de kə́ bo kə́ nge ra dɔ ndūn tə́ yā Kərist tə́.

DANIEL 12:1

Dan ngeé noō tə́ ní Misel i ngār yā de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

EJEKIEL 13:9

Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.

IJAI 4:3

Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.

PILIPƏ 1:5

Tɔdɔ̄ sḭḭ̄ ī-ɓooī naā sejí dɔ kəla kɔjə Najə̄ kə́ Majə tə́. Ə́laī gír i ndɔ̄ kə́ ta kəga dɔ tə́ bátə́ ɓōólaā.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

PILIPƏ 1:12

Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

PILIPƏ 1:16

Ngé gə̄ ń toō rāān̄ yá̰a̰ i kə tárá, tɔdɔ̄ nin̄-gerə̄n̄ kadə̄ Nə́ɓā əla kəla rɔ̄ɔ̄ dɔ Najə̄ kə́ Majə tə́ i gír̄ jīḿ mā tə́.