PILIPƏ 4:19 - Bibəl ta Sar̄

¹⁹ Ba Nə́ɓā yāḿ a adə̄sí yá̰a̰ malang ń ndoōn rāāsí ní, kə gō yá̰a̰ kal̄ loo yānneé ō, a adə̄sí i kadə̄ kə́ majə ngá̰ý kə ta kūl̄ Jeju Kərist ō.

Bible sar

¹⁹ Ba Nə́ɓā yāḿ a adə̄sí yá̰a̰ malang ń ndoōn rāāsí ní, kə gō yá̰a̰ kal̄ loo yānneé ō, a adə̄sí i kadə̄ kə́ majə ngá̰ý kə ta kūl̄ Jeju *Kərist ō.

PILIPƏ 4:19 Referans Kwoze

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

MISE 7:7

Banī mā m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́, m̄-ngóō Nə́ɓā ń a ajəm̄ ní. Ni Nə́ɓā yāḿ, a oōm̄.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

NEHEMI 9:15

Ādə̄də́ yá̰a̰ kəsa kə́ ḭḭ dɔ rā̰ tə́ adə̄ əsan̄ adə̄ tɔ̄l̄ ɓōdə́ ō, ī-rāā ādə̄ man̄ teē tū mbal̄ tə́ adə̄ a̰ȳn̄ adə̄ gān̄g kəndā ń rāādə́ ní ō. Ə́dádə́ na kə reē kə taān̄ ɓē ń ɔ́y jīí kə̄ dɔɔ́ ī-túbəń ə́da na ā ādə̄də́ ní.

2 SAMUEL 22:7

Dan ń wur kɔl kə́ ngá̰ý əsō dɔḿ tə́ ní, m̄-ɓāŕ Kɔ́ɔ̄ɓē, m̄-ɓāŕ Nə́ɓā yāḿ. Anī ni-ndi kem kújə yān tə́ oō ndūḿ. Kɔŕ yāḿ əsō mbīn tə́.

PĀ GƏ̄ 36:8

Nə́ɓā, kem majə yāí i yá̰á̰ kə́ majə ngá̰ý! De gə̄ sāān̄ loo ɓɔ̄ɔ̄ rɔ̄ yādə́ i gír bɔ̄gīí tə́.

KOLOSƏ 1:27

Tɔdɔ̄ Nə́ɓā gḛy kɔjədə́ najə̄ yā yá̰á̰ kə́ to kɔsə gɔn kə́ to loo mundə̄ tə́ ń ni-rāā kə ta kūl̄ Kərist tām̄ yājí tə́ ní, kadə̄ gerə̄n̄. Dan de gə̄ ń nin̄ i Jipə aĺ gə̄ tə́ ní, yá̰á̰ kə́ to loo mundə̄ tə́ ngeé ń toō i Kərist. J-əndāī kemjí dɔ kɔsə gɔn yā Nə́ɓā tə́ i kə ta kūl̄neé.

EPEJƏ 3:16

Ādə̄ ni ń kɔsə gɔn yān al̄ naā páráńg ní, adə̄sí tɔ́gə kə ta kūl̄ Ndílneé.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Makətūbə̄ ń Pol ndang adə̄ Rom gə̄ ní 8:18

Tɔdɔ̄ m̄-gír̄ kadə̄ yá̰á̰ kə́ tōr̄ gə̄ ń j-əngeī ngɔlaā ní, i yá̰á̰ kə́ karī kadə kɔsə gɔn kə́ to loo mundə̄ tə́ kemjí tə́ ń a ɔjə rɔ̄n kə̄ ndágá wáńg ɓáý ní.

EPEJƏ 1:7

Ngōnən gān̄g dɔjí kə mósəneé ō, j-əngeī mā̰ȳ rɔ̄ i kə ta kūl̄neé ō.

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

Makətūbə̄ ń Pol ndang adə̄ Rom gə̄ ní 9:23

Nə́ɓā gḛy i kɔjə kɔsə gɔn yān kə́ to ɓōĺ ngá̰ý tām̄ yājí jḭḭ̄ ń kumən o̰o̰n sejí ō, jḭḭ̄ ń nəkɔ́ əndājí dɔ jīn kadə̄ j-udiī kem kɔsə gɔn yān tə́ ní ō.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

PĀ GƏ̄ 130:7

Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

PĀ GƏ̄ 104:24

Kɔ́ɔ̄ɓē, kəla rāāí gə̄ i ngá̰ý! Ḭ̄ ī-rāādə́ malang i kə kum kedēé, yá̰a̰ gə̄ ń ə̄ndādə́ ní taān̄ loo dɔ nang tə́ malang.

EPEJƏ 1:18

Ādə̄ ni teē kumsí ādə̄ á̰a̰ī loo kə́ unjə̄ kow yān, yā kadə̄ ī-gerīneé yá̰á̰ ń ni ɓāŕsí kadə̄ ə̄ndāī kemsí dɔ tə́ ní ō, yā kadə̄ ī-gerīneé yá̰a̰ kənge kə́ to kɔsə gɔn yān ō, yá̰a̰ ndəbā ń ni-adə̄ ngé yān gə̄ ní ō,

EPEJƏ 2:7

Kem majə kə́ ngá̰ý ń ni-rāā sejí kə ta kūl̄ Jeju Kərist ní, ni sāań i kɔjə kadə̄ kem ɓāl̄ gə̄ ń a reēn̄ tə́ ní, nge kə́ tītə̄ yān gətóo.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

2 YÁ̰A̰ GƏ̄ 18:13

Banī Mise tél ədan na: Tītə̄ ń Kɔ́ɔ̄ɓē na ndiń kə kumneé noō ní, na i yá̰á̰ ń Nə́ɓā yān na a əda ní n na n-a n-əda ní.

TA KƏLA 48:15

Israel tɔ́r̄ tan dɔ Jəjep tə́, əda na: Kadə̄ Nə́ɓā ń kaan Abəraham nin̄ kə bɔbə̄n Isaaká njə̄rān̄ kə̄ non tə́ ní, kadə̄ Nə́ɓā ń ngɔ̄mən bátə́ ɓōólaā ní,

DANIEL 6:22

Daniel tél ədan̄ na: Kɔ́ɔ̄ ɓē gə̄ adə̄ dɔí ngan̄g májə́ májə́!

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

1 TESALONIK 2:12

J-ɔjə̄sí ō, jə-sɔl̄ kemsí ō, jə-rāāsí ɓɔ́ kadə̄ háĺsí ndetə naā kə ɓāŕ ń Nə́ɓā ɓāŕsí kadə̄ údiī kem Ɓē ko̰o̰ yān tə́ ō, kɔsə gɔn yān tə́ ō ní.

Makətūbə̄ ń Pol ndang adə̄ Rom gə̄ ní 1:8

Yá̰á̰ kə́ ta kəga dɔ ní, m̄-ndadə̄ Nə́ɓā yāḿ kə ta kūl̄ Jeju Kərist tām̄ yāsí tə́ malang. Tɔdɔ̄ kə gō dɔ nang malang ní najə̄ taā kem yāsí ɓār̄ ngá̰ý.

JA̰A̰ 20:27

Gō tə́ anī ni-tél əda Toma na: Əla ta ngōn̄ jīí kə̄ laā ō, á̰a̰ jīḿ gə̄ ō. Ī-reē kə jīí kə̄ kété laā ə́la kadəḿ tə́. Ī-lōō gír taā kem aĺ tə́ ba ī-taā kem.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

PILEMO̰ 1:4

Dan ń m̄-ndɔ̄ȳ Nə́ɓā anī əga kemḿ dɔí tə́, adə̄ m̄-ndadə̄ Nə́ɓā yāḿ ngándáńg tām̄ yāí tə́.

2 KORḚNTƏ 12:21

m̄-ɓōĺ najə̄ kadə̄ ré gogə́ m̄-teē loosí anī, Nə́ɓā əla rɔ̄sɔl̄ dɔḿ tə́ ta kumsí tə́, kadə̄ m̄-nōō tām̄ yā de kə́rēý gə̄ kə́ rāān̄ yá̰á̰ kə́ majaĺ kété, ba lōōn̄ gíŕ háĺ rāā yá̰á̰ kə́ to yḛr kum gə̄ tə́ aĺ ō, lōōn̄ gíŕ sāā naā loo kaya tə́ aĺ ō, lōōn̄ gíŕ háĺdə́ kə́ majaĺ tə́ aĺ ō tə́.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

MATIYE 6:32

Yá̰a̰ gə̄ ń noō malang ní, i de gə̄ kə́ nin̄ i Jipə aĺ gə̄ n i ngé sāā gō kanjə̄ taā koō ní. Ba Bɔbə̄sí ń ndi dɔ rā̰ tə́ ní ger̄ kadə̄ ndoō yá̰a̰ gə̄ ń noō rāāsí.

PILIPƏ 4:7

Anī kem sɔl̄ lɔm yā Nə́ɓā ń tɔȳ yá̰a̰ malang ń deē asə ger̄ ní, a ngɔ̄m̄ ngarān̄g kemsí ō, gír̄ yāsí ō, loo ɓoo naā yāsí tə́ kə Jeju Kərist.

2 YÁ̰A̰ GƏ̄ 31:8

Dan ń Ejekias nin̄ kə de kə́ bo gēé reē a̰a̰n̄ dɔ dūbə̄ yá̰á̰ kə́ kán̄ gə̄ ní anī, ndadə̄n̄ Kɔ́ɔ̄ɓē ō, Israel gə̄ ń i gír deē yān gə̄ ní ō.