PILIPƏ 4:18 - Bibəl ta Sar̄

¹⁸ Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

Bible sar

¹⁸ Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ *yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ *yá̰a̰ tun̄ kə́ Nə́ɓā ndigə ō, nel̄ kemən ō beé.

PILIPƏ 4:18 Referans Kwoze

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

PILIPƏ 4:12

m̄-ger̄ ndi dan ndoō tə́ ō, m̄-ger̄ ndi dan yá̰a̰ kal̄ loo tə́ ō. Dan yá̰a̰ gə̄ tə́ malang ō, kə ta róbə́ kə́ tayā tayā gə̄ malang ō ní, m̄-ndóō loo ndi kə ndānāá ō, loo ndi kə ɓōó ō. m̄-ndóō ndi dan yá̰a̰ kal̄ loo tə́ ō, dan ndoō tə́ ō.

2 KORḚNTƏ 9:12

Tɔdɔ̄ kəla ń toō ń ī-rāāī ní, a rāā kadə̄ de gə̄ yā Nə́ɓā əngen̄ yá̰á̰ ń ndoōn rāādə́ ní ngóy alé, ba a rāā kadə̄ de gə̄ ngá̰ý a ndadə̄n̄ Nə́ɓā.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

2 TESALONIK 1:3

Ngákó̰ó̰jí gə̄, majə kadə̄ jə-ndadə̄ Nə́ɓā ngándáńg tām̄ yāsí tə́. Nge ń noō i gō tə́, tɔdɔ̄ taā kem yāsí aw̄ kum kə̄ kété kété kə ngangāá ngá̰ý ō, tár yāsí kə́ tām̄ yā naā tə́ a aw̄ i kum kə̄ kété kété ō.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

Teē Ngán Israel gə̄ 29:18

Ā ī-róō horoó malang dɔ*lo tun̄ yá̰á̰ tə́. Nge ń noō i yá̰a̰ tun̄ kə́ róō horoó tām̄ yā Kɔ́ɔ̄ɓē tə́ kə́ sēēn nelə̄n.

TƏ́DA 15:3

ba ā ī-róōī dā̰ horoó yā kadə̄m̄, aláa ā ī-tunī dā̰ kənī ndū, aláa dā̰ kə́ kə gō kem ndigə yāsí, aláa dā̰ kə́ ndɔ̄ rāā nāā tə́ yā kadə̄m̄ anī, ā ī-gērāī i man̄g, aláa i batə̄, aláa i bə̄yā̰ n ā ī-tunī yā kadə̄ sēēn nel̄ Kɔ́ɔ̄ɓē ní.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

2 KORḚNTƏ 11:8

m̄-taā yá̰a̰ i jī de gə̄ kə́ kem Egəlijə kə́ rang gə̄ tə́, i yá̰a̰ gə̄ ń nin̄-adə̄n̄ kadə̄ m-ə́sá tá m̄-rāań kəla m-ādə̄sí ní.