PILIPƏ 4:15 - Bibəl ta Sar̄

¹⁵ Sḭḭ̄ kɔ́ gə̄ de kə́ Pilipə tə́ gə̄, ī-gerī majə kadə̄ dan ń ta kəla gír kɔjə Najə̄ kə́ Majə tə́ á m-ə́ya̰ gō nang kə́ Masedəwan ní, Egəlijə kógə̄ḿ kə́ rāā seḿ adə̄ adə̄m̄ yá̰a̰, aké taā yá̰a̰ jīḿ tə́ ní gətóo, ba i Egəlijə yāsí sḭḭ̄ ngóy.

Bible sar

¹⁵ Sḭḭ̄ kɔ́ gə̄ de kə́ Pilipə tə́ gə̄, ī-gerī majə kadə̄ dan ń ta kəla gír kɔjə Najə̄ kə́ Majə tə́ á m-ə́ya̰ gō nang kə́ Masedəwan ní, Egəlijə kógə̄ḿ kə́ rāā seḿ adə̄ adə̄m̄ yá̰a̰, aké taā yá̰a̰ jīḿ tə́ ní gətóo, ba i Egəlijə yāsí sḭḭ̄ ngóy.

PILIPƏ 4:15 Referans Kwoze

PILIPƏ 1:5

Tɔdɔ̄ sḭḭ̄ ī-ɓooī naā sejí dɔ kəla kɔjə Najə̄ kə́ Majə tə́. Ə́laī gír i ndɔ̄ kə́ ta kəga dɔ tə́ bátə́ ɓōólaā.

KƏLA RĀĀ 16:40

Dan ń Pol nin̄ kə Silas teēn̄ kújə dəngáyá anī, aw̄n̄ ɓē Lidə. Nin̄-a̰a̰n̄ ngákó̰ó̰də́ gə̄ ō, ɔjə̄n̄də́ ō, tá kadə̄ aw̄n̄ ɓáý.

2 MBAN̄G 5:20

Geaji nge kəla yā Elije əda kə̄ kemən tə́ na: Kɔ́ɔ̄ḿ əya̰ Naaman ń i Aram deē ń, adə̄ aw̄ kanjə̄ taā yá̰a̰ ndējə̄ gə̄ ń reēń ní jīn tə́. Tītə̄ ń Kɔ́ɔ̄ɓē ndiń kə kumneé noō, m-ā m̄-ngɔ̄də̄ gōn kadə̄ m-āw̄ m-ə́nge yá̰á̰ kógə̄ḿ jīn tə́!

2 MBAN̄G 5:16

Banī Elije tél ədan na: Tītə̄ ń Kɔ́ɔ̄ɓē ń mā i nge kəla yān ní ndiń kə kumneé noō, m-ā m̄-taā yá̰á̰ kógə̄ḿ jīí tə́ alé. Naaman rāān ɓɔ́ kadə̄ ndigə, ba ni ɔdə alé.

Makətūbə̄ ń Pol ndang adə̄ Rom gə̄ ní 15:26

Tɔdɔ̄ ngé taā kem kə́ Masedəwan tə́ gə̄ ō kə́ Akayi tə́ gə̄ ō, ndigən̄ kɔsə dɔ yá̰a̰ naā tə́ tām̄ yā ngé ndoō gə̄ kə́ dan de gə̄ yā Nə́ɓā kə́ Jerusalem tə́.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

PILIPƏ 1:12

Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

PILIPƏ 1:16

Ngé gə̄ ń toō rāān̄ yá̰a̰ i kə tárá, tɔdɔ̄ nin̄-gerə̄n̄ kadə̄ Nə́ɓā əla kəla rɔ̄ɔ̄ dɔ Najə̄ kə́ Majə tə́ i gír̄ jīḿ mā tə́.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.