PILIPƏ 4:14 - Bibəl ta Sar̄

¹⁴ Ɓá tā ba wursí ń ɔlsí seḿ ní, ī-rāāī i yá̰á̰ kə́ majə.

Bible sar

¹⁴ Ɓá tā ba wursí ń ɔlsí seḿ ní, ī-rāāī i yá̰á̰ kə́ majə.

PILIPƏ 4:14 Referans Kwoze

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

HEBƏRO 10:34

Tɔdɔ̄ sḭḭ̄ á̰a̰ī tápə̄ naā tə́ kə ngé gə̄ n əhɔn̄də́ dəngáyá ní. Ba dan ń táān̄ yá̰a̰ kənge yāsí gə̄ jīsí tə́ kɔ̄ɔ́ ní, rɔ̄sí nel̄sí, tām̄ ī-gerī kadə̄ yá̰á̰ ń sḭḭ̄ ə́ngeī ní, i yá̰á̰ kə́ majə tɔȳ kə́ a to ngándáńg.

GALATƏ 6:6

Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

1 MBAN̄G GƏ̄ 8:18

Banī Kɔ́ɔ̄ɓē əda bɔbə́ḿ Dabid na gír̄ ń na gír̄ kemən tə́ yā rāā kújə tām̄ yā rīn ni Kɔ́ɔ̄ɓē tə́ ní, na majə ngá̰ý.

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

Makətūbə̄ ń Pol ndang adə̄ Rom gə̄ ní 15:27

I nin̄ kɔ́ gə̄ n ndigən̄ rāā tītə̄ ń noō kə gō kemdə́ ní, ba mandang ɓáa i yá̰á̰ kə́ sɔɔ̄ kadə̄ nin̄-rāān̄. Tɔdɔ̄ Jipə kə́ ngé taā kem Kərist gə̄, kēgə̄n̄ yá̰á̰ yādə́ kə́ gō róbə yā ndíĺ tə́ adə̄n̄ ngé gə̄ ń nin̄ i Jipə aĺ gə̄ ní. Adə̄ majə kadə̄ ngé gə̄ ń nin̄ i Jipə aĺ gə̄ ní, rāān̄ sedə́ kə yá̰á̰ kə́ jīdə́ tə́ ō.

2 YÁ̰A̰ GƏ̄ 6:8

Banī Kɔ́ɔ̄ɓē ədan na gír̄ rāā kújə́ kə́ tām̄ yān ni Kɔ́ɔ̄ɓē tə́ ń na aw̄ń kemən tə́ ní na i gír̄ kə́ majə ngá̰ý.

JEJU TEĒ KUM JA̰A̰ 1:9

Mā ngōkó̰ó̰sí Ja̰a̰ ń mā i sesí kum yá̰á̰ kə́ tōr̄ tə́ ō, kem Ɓē ko̰o̰ tə́ ō, loo kəhɔ rɔ̄ tɔgə tə́ gō Jeju tə́ ō ní, m̄-ndi dor̄ ń rīn na i Patəmos ní tə́ i tām̄ najə̄ yā Nə́ɓā tə́ ō, najə̄ kə́ kum tə́ kə́ m-ə́da tām̄ yā Jeju tə́ ō.

HEBƏRO 10:33

Kə́rēý gə̄ ɓáa tájə̄n̄sí ō, rāān̄sí yá̰á̰ kə́ tōr̄ ta kum de gə̄ tə́ malang ō. Kə́rēý gə̄ anī sḭḭ̄ ī-rāāī kə ngé gə̄ ń a rāān̄də́ yá̰á̰ kə́ beé gə̄ ní ō.