PILIPƏ 4:12 - Bibəl ta Sar̄

¹² m̄-ger̄ ndi dan ndoō tə́ ō, m̄-ger̄ ndi dan yá̰a̰ kal̄ loo tə́ ō. Dan yá̰a̰ gə̄ tə́ malang ō, kə ta róbə́ kə́ tayā tayā gə̄ malang ō ní, m̄-ndóō loo ndi kə ndānāá ō, loo ndi kə ɓōó ō. m̄-ndóō ndi dan yá̰a̰ kal̄ loo tə́ ō, dan ndoō tə́ ō.

Bible sar

¹² m̄-ger̄ ndi dan ndoō tə́ ō, m̄-ger̄ ndi dan yá̰a̰ kal̄ loo tə́ ō. Dan yá̰a̰ gə̄ tə́ malang ō, kə ta róbə́ kə́ tayā tayā gə̄ malang ō ní, m̄-ndóō loo ndi kə ndānāá ō, loo ndi kə ɓōó ō. m̄-ndóō ndi dan yá̰a̰ kal̄ loo tə́ ō, dan ndoō tə́ ō.

PILIPƏ 4:12 Referans Kwoze

MATIYE 11:29

Úniī njúkə yāḿ ə̄nīī kɔ́ɔ́sí tə́ ba ī-téliī ngé ndóō yá̰a̰ yāḿ gə̄. Tɔdɔ̄ mā i de kə́ sɔl̄ lɔ́ḿ ō, m-ɔ́jə rɔ̄ḿ aĺ ō, loo ń noō tə́ ā ɔ̄rī koō.

2 KORḚNTƏ 11:27

m̄-rāā kəla kə́ ngan̄g gə̄ adə̄ kɔr rāām̄ ō, yá̰a̰ nāā kə́ ngan̄g gə̄ nāāmə̄n̄ ō, m-ə̄nā ɓīī kumḿ tə́ aĺ nja i ngá̰ý ō. Ɓō rāām̄ ō, kəndā rāām̄ ō. M-ə́sá yá̰a̰ aĺ nja i ngá̰ý ō. Kūl̄ o̰o̰m̄ ō, m̄-nal̄ kūbə̄ ko̰ō̰ ō.

2 KORḚNTƏ 11:9

Ba dan ń m̄-ndi dansí tə́ á ndoō rāām̄ ní, m-ɔ̄ȳ deē kógə̄ḿ alé. Tɔdɔ̄ ngákó̰ó̰jí gə̄ ń ḭḭn̄ dɔ nang kə́ Masedəwan tə́ reēn̄ ní, adə̄mə̄n̄ yá̰a̰ malang ń ndoōn rāām̄ ní. Mā m̄-mbātə́ kɔȳsí ō, m̄-na̰y kə̄ loo mbātə́ tə́ ɓáý ō.

NDŪ NAJƏ̄ 32:10

Kɔ́ɔ̄ɓē ənge gír deē yān gə̄ i kem dəla loo tə́, loo kə́ tal̄ gə̄ a nōn̄ tū tə́ tə́. Ni-a̰a̰ gōdə́ ō, ɔjədə́ yá̰a̰ ō, Ni-ngɔ̄m̄də́ tītə̄ loo ngɔ̄m̄ kumən beé ō.

IJAI 8:11

Kɔ́ɔ̄ɓē əhɔm̄, ba ə́dam̄ na kə m̄-lōō ndájə̄ hál Juda gə̄. Ni ədam̄ na:

2 KORḚNTƏ 11:7

Téĺ ń mə̄kɔ́ m̄-tél kə rɔ̄ḿ kə̄ nang tə́ ba m-ɔ́sə́sí kə̄ dɔɔ́, tɔdɔ̄ m-ɔ́jə́sí Najə̄ kə́ Majə yā Nə́ɓā i karī ní, m̄-rāā i yá̰á̰ kə́ gōtə́ aĺ a?

2 KORḚNTƏ 10:10

Tām̄ de gə̄ ədan̄ na: Najə̄ ń Pol ndang kem makətūbə̄ yān gə̄ tə́ əlań ní, i najə̄ kə́ to ɓōĺ ngá̰ý gə̄ ō, i najə̄ kə́ ngan̄g ngá̰ý gə̄ ō. Ba ré nəkɔ́ i danjí tə́ anī, tɔ́gən gətóo ō, najə̄ kɔrə̄n to ngár̄ aĺ ō.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā Kərist ō, kə ta kūl̄ kem majə yān ō.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

NEHEMI 9:20

Ḭ̄ ādə̄də́ ndílí kə́ majə kadə̄ gern̄neé yá̰a̰ ō, ɔ̄gə̄də́ mána aĺ ō, ādə̄də́ man̄ adə̄ a̰ȳn̄ kadə̄ tɔ̄l̄ kəndā ń rāādə́ ní ō.

MATIYE 13:52

Loo ń noō tə́ Jeju ədadə́ na: I beé ní, náā nəkɔ́ ń i nge ndóō de gə̄ ndū najə̄ tá tél nge ndóō yá̰á̰ kə́ dɔ Ɓē ko̰o̰ kə́ dɔ rā̰ tə́ ní, ni i tītə̄ kɔ́ɔ̄ kújə́ kə́ a ɔr̄ yá̰á̰ kə́ kijə gə̄gē, kə́ jóo gə̄gē, dan yá̰a̰ kənge yān kə́ gātə̄n i ngá̰ý tə́ beē.