PILIPƏ 3:8 - Bibəl ta Sar̄

⁸ Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

Bible sar

⁸ Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju *Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I *Kərist ngóy n i yá̰a̰ tām̄ yāḿ tə́ ní.

PILIPƏ 3:8 Referans Kwoze

Makətūbə̄ ń Pol ndang adə̄ Rom gə̄ ní 8:18

Tɔdɔ̄ m̄-gír̄ kadə̄ yá̰á̰ kə́ tōr̄ gə̄ ń j-əngeī ngɔlaā ní, i yá̰á̰ kə́ karī kadə kɔsə gɔn kə́ to loo mundə̄ tə́ kemjí tə́ ń a ɔjə rɔ̄n kə̄ ndágá wáńg ɓáý ní.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

PILIPƏ 3:7

Tá yá̰á̰ kə́ majə gə̄ ń noō ń m̄-rāādə́ kété ní, ngɔlaā m̄-rāādə́ i yá̰á̰ kə́ m̄-tḭ̄ḭ̄ ta kɔ̄ɔ́ tə́ najə̄ yā Jeju Kərist tə́.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

2 PIYER 1:3

Tɔdɔ̄ Nə́ɓā adə̄jí yá̰a̰ malang i kə ta kūl̄ tɔ́gəneé, yā kadə̄ jə-ndiīneé kə kumjí ō, jə-rāāīneé yá̰a̰ kə gō ń ni ndigə ní ō. Ni-rāā adə̄ jə-gerī nge ń ɓāŕjí kə ta kūl̄ kɔsə gɔn yān nəkɔ́ ō, kə ta kūl̄ kem majə yānneé ō ní.

1 KORḚNTƏ 2:2

Tɔdɔ̄ m̄-sāā ger̄ yá̰á̰ kə́ rang dan ń m̄-ndiń sesí ní alé, ba i Jeju Kərist ngóy, nge ń əndanən̄ kə máyá̰ tū kāgə̄ kə́ dēsə́ tə́ ní.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 14:20

Ndɔ̄ ń noō tə́ ní ā ī-gerī kadə̄ mā i kem Bɔbə́ḿ tə́ ō, sḭḭ̄ i kemḿ mā tə́ ō, mā i kemsí tə́ ō.

HEBƏRO 3:14

Tɔdɔ̄ jḭḭ̄ i madə̄ Kərist gə̄, ba i loo ń ré jə-ngɔ̄mī yá̰á̰ ń j-əndāī kemjí dɔ tə́ ní kə ngangāá ta kəla gíŕ tə́ bátə́ ta ngóý tə́ tá.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

JA̰A̰ 14:7

Ré ī-ger̄mī anī, ā ī-gerī Bɔbə́ḿ ō. Əla gír ngɔr ń toō tə́ ní, sḭḭ̄ ī-gerīin̄ ō, á̰a̰in̄ kɔ̄ɔ́ ō.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

EPEJƏ 4:13

bátə́ kadə̄ jḭḭ̄ malang ní taā kem yājí i kógə̄ḿ beē ō, ger̄ Ngōn̄ Nə́ɓā yājí i kógə̄ḿ beē ō. Loo ń noō tə́ ní, j-a jə-téliī de gə̄ kə́ jə-tɔgiī j-asiī naā kə Kərist ō, jə-majə j-ɔtī kə taá tītə̄n ō.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

1 JA̰A̰ 1:3

Yá̰á̰ ń j-a̰a̰ ō, j-oō ō ní, j-ədasí sḭḭ̄ najə̄n ō, yā kadə̄ ī-rāāī kem kógə̄ḿ sejí dɔ tə́. Ba jə-rāāī kem kógə̄ḿ ní i kə bɔbɔ̄ɔ́ ō, kə ngōnən Jeju Kərist ō.

2 TIMOTE 4:6

M-ə̄ndā dɔ rɔ̄ḿ danaá kɔ̄ɔ́ yā kadə̄ m-ādə̄ Nə́ɓā rɔ̄ḿ, adə̄ m̄-to i tītə̄ kasə nduú kə́ yā tə́te dɔ loo tun̄ yá̰a̰ tə́ beē. Kum mbang koyḿ asə kɔ̄ɔ́.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

PĀ GƏ̄ 126:6

Ni ətō ngong kōō ba aw̄ kə̄ dūbūú i kə nōó kumən tə́, anī tél sāā kōō tə́ anī, ətō dɔ do̰ō̰ kōō yān i kə rɔ̄nelēé.

1 JA̰A̰ 2:19

Nin̄-teēn̄ i danjí tə́, banī nin̄ i deē yājí gə̄ alé. Tām̄ ré nin̄ i deē yājí gə̄ anī, a ndin̄ sejí. Ba nge ń noō ɔjə kə̄ ndágá kadə̄ nin̄ i deē yājí gə̄ alé.

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

GALATƏ 1:16

Ba loo ń ni teē kumḿ dɔ Ngōnən tə́ kadə̄ m-ɔ́jə de gə̄ kə́ nin̄ i Jipə aĺ gə̄ Najə̄ kə́ Majə yān ní, m-āw̄ rɔ̄ deē kógə̄ḿ tə́ m̄-dəjen kɔjə̄ aĺ ō,

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

1 KORḚNTƏ 9:10

Ba mandang ní ni-ɔr̄ najə̄ ń toō i tām̄ yājí jḭḭ̄ tə́ aĺ a? Rɔ̄kum ndangən̄ najə̄ ń toō i tām̄ yājí jḭḭ̄ tə́. Tɔdɔ̄ i gáŕ kadə̄ nge ndɔr̄ əndā kemən dɔ kənge yá̰á̰ kə́ ndɔrɔ́ tə́ ō, nge səɓā kōō əndā kemən dɔ kənge njár̄ kōō tə́ ō.

JA̰A̰ 20:13

Nin̄-dəjen̄ najə̄ ədan̄ na: Dəyá̰, ā ī-nōō i rí? Ni-tél ədadə́ na: I tɔdɔ̄ unən̄ Kɔ́ɔ̄ɓē yāḿ kɔ̄ɔ́, ba m̄-ger̄ loo ń ənīnən̄ tū tə́ ní alé.

Najə̄ kə́ Majə yā Jeju ń Luk ndang ní 11:20

Kə́ rɔ̄kum tə́ ɓáa mā m̄-tə̄ɓā ndíĺ kə́ majaĺ gə̄ i kə tɔ́gə yā Nə́ɓāá. Kumən na Ɓē ko̰o̰ yā Nə́ɓā reē ugə̄ rɔ̄sí tə́ kɔ̄ɔ́.

TƏ́DA 14:30

Dɔ nang ń m-ə̄nī míndə́ḿ yā kadə̄sí kadə̄ ī-ndiī tū tə́ ní, ā ūgī tū tə́ aĺ bátə́, ba i Kaleb ngōn̄ Yepune ō, Jojue ngōn̄ Nun ō, ngóy n a ugə̄n̄ tū tə́ ní.

Najə̄ kə́ Majə yā Jeju ń Luk ndang ní 1:43

Mā i náā á kó̰ó̰ Kɔ́ɔ̄ɓē yāḿ n reē looḿ ní?

MALASI 2:3

M-ɔ̄r̄ najə̄ m-ə́lań ɓōĺ kem de gə̄ kə́ gír kaasí tə́ kɔ̄ɔ́ ɓá. Yedə̄ dā̰ gə̄ ń ā ī-ndējī ndɔ̄ rāā nāā yāsí gə̄ tə́ ní, m-ā -m̄-ɓōkə́ kumsí tə́ ō, a ɔyn̄sí naā tə́ kə yedə̄ dā̰ gēé ō.

Makətūbə̄ yā Job 20:7

ni a gətóo kɔ̄ɔ́ i kə́ njɔ́ḿ gə̄ tə́, tītə̄ ń yedə̄n gətóoń ní beē. Ngé gə̄ ń kété a̰a̰nən̄ ní, a ədan̄ na ké ni i rá wa.

2 MBAN̄G 9:37

nīnə́n a to i tītə̄ yedə̄ dā̰ kə́ deē seĺ kem ndɔrɔ́ ō, adə̄ deē a asə kəda na yá̰á̰ ń toō i Jesabel alé.

1 MBAN̄G GƏ̄ 14:10

I tām̄ najə̄ ń noō tə́ n m-ā m̄-rāā kadə̄ yá̰á̰ kə́ to kum kaȳ aĺ a reē dɔ gír kojə yāí tə́ ní. M-ā m̄-tɔ̄l̄ de kə́ dəngam gə̄ kə́ gír yāí tə́ malang kɔ̄ɔ́, ngáń kə́ dūú gə̄gē, de kə́ tɔgə gə̄gē. M-ā m̄-rāā kadə̄ de kə́ gír kojə yāí tə́ gə̄ gətóon̄ kɔ̄ɔ́ malang tītə̄ ń deē a ɔyń loo kə́ yḛr kɔ̄ɔ́ kə ndəsá ní.

PĀ GƏ̄ 73:25

Dan ń mā i seí anī, loo kə́ dɔ nang tə́ nelə̄m̄ aĺ ní, i náā kə́ rang yāḿ n m-ā m-ə́ngən dɔ rā̰ tə́ ní? I ḭ̄ ngóy aĺ a?

Makətūbə̄ ń Pol ndang adə̄ Rom gə̄ ní 8:39

aké i yá̰á̰ kə́ tɔ́gə́də́ i ngá̰ý gə̄ kə́ dɔ rā̰ tə́, aké i yá̰á̰ kə́ tɔ́gə́də́ i ngá̰ý gə̄ kə́ dɔ nang tə́, aké i yá̰á̰ kə́ rang kə́ Nə́ɓā rāā, yá̰a̰ gə̄ ń noō malang ní, asən̄ kēgə̄jí naā tə́ kə táŕ ń Nə́ɓā ɔjə kə̄ ndágá tām̄ yājí tə́ kə ta kūl̄ Kɔ́ɔ̄ɓē yājí Jeju Kərist ní alé.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

PILIPƏ 3:12

Ba i kə́ yā kədań na mā na m-ūgə̄ loo kə́ yā dəba tū tə́ tə́ kɔ̄ɔ́ ɓá, aláa na mā na i de kə́ m̄-majə m-ɔ̄tə̄ kə taá kɔ̄ɔ́ ɓá alé. Banī m̄-na̰y kə̄ loo ka̰ȳ ngɔ̄də̄ tə́ laā ɓáý kum kə̄ kété. M-ə́hɔ rɔ̄ḿ tɔgə kadə̄ m̄-taā yá̰a̰ kəndā nja yā ngé nējə̄ naā ngɔ̄də̄ gə̄, tɔdɔ̄ Jeju Kərist əhɔm̄ mā kɔ̄ɔ́ ɓá.

2 PIYER 1:2

Ādə̄ Nə́ɓā rajəsí ō, adə̄sí kem sɔl̄ lɔm ngá̰ý kə ta kūl̄ ger̄ ń sḭḭ̄ ī-ger̄niī ō, ī-gerī Jeju Kərist Kɔ́ɔ̄ɓē yājí ní ō.

2 PIYER 1:8

Háĺ kə́ majə gə̄ ń sɔɔ̄ kadə̄ sḭḭ̄ āwīneé ní n noó. Ba ré háĺ kə́ majə gə̄ ngeé ń toō āwīneé ngá̰ý anī, i nin̄ n a rāān̄sí kadə̄ ā ī-rāāī kəla ō, ā ī-gerī Kɔ́ɔ̄jí Jeju Kərist kum kə̄ kété kété ō ní.