Biblia Todo Logo
Bib sou entènèt

- Piblisite -




PILIPƏ 3:3 - Bibəl ta Sar̄

3 I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

Gade chapit la Kopi

Bible sar

3 I jḭḭ̄ n i ngé *kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju *Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

Gade chapit la Kopi




PILIPƏ 3:3
32 Referans Kwoze  

Ɓoo ń ī-ɓooī naā seneé ní, ɔjə kadə̄ sḭḭ̄ ə́jaī mɔtəsí kɔ̄ɔ́. I jī deē n əja alé, i kəja mɔtə yā Kərist. Ba kəja mɔtə yā Kərist ngeé ń toō i ngḭ̄ḭ̄ kə́ ngḭ̄ḭ̄n̄ dā̰ rɔ̄jí kə́ nge rāā yá̰a̰ majaĺ kɔ̄ɔ́ rɔ̄jí tə́.


Ba ngɔlaā ní yá̰a̰ gə̄ ń i dɔjí tə́ tītə̄ ndū najə̄ ní, jḭḭ̄ i kə́ koy kɔ̄ɔ́ ta tə́ gə̄, adə̄ ndū najə̄ i dɔjí tə́ to̰ alé. Adə̄ jə-rāāī kəla i kə ta róbə́ kə́ kijə yā Ndíĺ kə́ Táĺ, banī i kə gō róbə yā ndū najə̄ kə́ ndang makətūbūú to̰ alé.


Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.


Ré jə-ndiī kə kumjí i kə ta kūl̄ Ndíl anī, ādə̄ jə-rāāī yá̰a̰ i gō yā Ndíĺ tə́ ō.


Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.


De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.


Sḭḭ̄ ngé sāā Kɔ́ɔ̄ɓē gə̄, ɔ́riī ta rɔ̄sí tām̄ yā rīn kə́ táĺ tə́, ādī rɔ̄sí nel̄sí.


Ā ə́ja i mɔtə kə́ dan wur tə́ ō, ī-lōōī rāā dɔ ngan̄g ō.


Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.


Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,


Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.


De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.


Banī sḭḭ̄ kó tár yāḿ gə̄, ī-raī dɔ taā kem yāsí tə́ kə háĺ kə́ kɔr̄ kam̄ tām̄ yā Nə́ɓā tə́ ō, ə̄ndāī tɔ́gə́sí dɔ tə́ ī-rāāīneé yá̰a̰ kum kə̄ kété kété ō. Ī-ndɔ̄yī Nə́ɓā kə ta kūl̄ Ndíĺ kə́ Táĺ.


Adə̄ m-ásə rāā rɔ̄nel̄ kəla ń m̄-rāā tām̄ yā Nə́ɓā tə́ ní sɔɔ̄ń i ɓoo naā yāḿ kə́ kə Jeju Kərist.


aké i yá̰á̰ kə́ tɔ́gə́də́ i ngá̰ý gə̄ kə́ dɔ rā̰ tə́, aké i yá̰á̰ kə́ tɔ́gə́də́ i ngá̰ý gə̄ kə́ dɔ nang tə́, aké i yá̰á̰ kə́ rang kə́ Nə́ɓā rāā, yá̰a̰ gə̄ ń noō malang ní, asən̄ kēgə̄jí naā tə́ kə táŕ ń Nə́ɓā ɔjə kə̄ ndágá tām̄ yājí tə́ kə ta kūl̄ Kɔ́ɔ̄ɓē yājí Jeju Kərist ní alé.


Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.


Tītə̄ ń de gə̄ ngá̰ý ɔrən̄ ta rɔ̄də́ kə yá̰a̰ gə̄ kə́ gō yā deē ndul tə́ ní, mā m-ā m-ɔ́r ta rɔ̄ḿ ō.


De gə̄ malang ń unən̄ gō róbə́ ń toō, kə deē yā Nə́ɓā gēé ní, ādə̄ Nə́ɓā adə̄də́ kem sɔl̄ lɔm ō, a̰a̰ kum tō ndoō yādə́ ō.


Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.


Ba i kə́ yā kədań na mā na m-ūgə̄ loo kə́ yā dəba tū tə́ tə́ kɔ̄ɔ́ ɓá, aláa na mā na i de kə́ m̄-majə m-ɔ̄tə̄ kə taá kɔ̄ɔ́ ɓá alé. Banī m̄-na̰y kə̄ loo ka̰ȳ ngɔ̄də̄ tə́ laā ɓáý kum kə̄ kété. M-ə́hɔ rɔ̄ḿ tɔgə kadə̄ m̄-taā yá̰a̰ kəndā nja yā ngé nējə̄ naā ngɔ̄də̄ gə̄, tɔdɔ̄ Jeju Kərist əhɔm̄ mā kɔ̄ɔ́ ɓá.


I beé n m-a̰yń ngɔ̄də̄ kum kə̄ loo kə́ yā dəba tū tə́ tə́, yā kadə̄ m-ə́ngeń yá̰a̰ kəndā nja ń Nə́ɓā ɓāŕjí kə ta kūl̄ Jeju Kərist, yā kadə̄ j-aw̄ j-əngeī dɔɔ́ nú ní.


Swiv nou:

Piblisite


Piblisite