PILIPƏ 3:2 - Bibəl ta Sar̄

² Ə̄ndāī kum kedə̄ dɔ rɔ̄sí tə́ najə̄ yā ngé rāā kəla kə́ majaĺ gə̄ tə́, bísə gə̄ ń noō ń nin̄ i ngé kəja mɔtə kə́ rɔ̄kum aĺ gə̄ ní!

Bible sar

² Ə̄ndāī kum kedə̄ dɔ rɔ̄sí tə́ najə̄ yā ngé rāā kəla kə́ majaĺ gə̄ tə́, bísə gə̄ ń noō ń nin̄ i ngé *kəja mɔtə kə́ rɔ̄kum aĺ gə̄ ní!

PILIPƏ 3:2 Referans Kwoze

2 KORḚNTƏ 11:13

De gə̄ ń noō i ngámbang kəla kə́ rɔ̄kum aĺ gə̄. Najə̄ kə́ dɔ kəla yādə́ gə̄ ń a rāān̄ tə́ ní, nin̄ a gólə̄n̄ i loo, ba tūrə̄n̄ rɔ̄də́ adə̄ de gə̄ a̰a̰n̄də́ i ngámbang kəla yā Kərist gə̄ tə́.

TITƏ 1:16

Nin̄-ədan̄ na n-gerə̄n̄ Nə́ɓā, banī yá̰a̰ rāādə́ ɔjə kadə̄ nin̄-gerə̄n̄ Nə́ɓā alé rɔ̄kum. Nin̄ i de kə́ majaĺ ngá̰ý gə̄ ō, de kə́ ngé dɔ ngan̄g gə̄ ō, asən̄ rāā yá̰á̰ kógə̄ḿ kə́ majə aĺ ō.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

GALATƏ 5:15

Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

PĀ GƏ̄ 22:16

Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

PĀ GƏ̄ 22:20

Banī Kɔ́ɔ̄ɓē, ī-lōō kadə̄ danií i sa̰y rɔ̄ḿ tə́ beē. Ḭ̄ ń i tɔ́gə́ḿ ní ī-reē láẃ ī-dḭḭ̄m̄!

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

JEJU TEĒ KUM JA̰A̰ 3:9

Á̰a̰ā̰, de gə̄ kə́ kem kújə ndi Sətan tə́ ní, m-ādī sedə́. Nin̄ i ngé gə̄ ń ədan̄ na nin̄ na i Jipə gə̄, banī nin̄ i Jipə gə̄ aĺ ní. Tɔdɔ̄ nin̄ i ngé sor̄ gə̄. Á̰a̰ā̰, m-ā m̄-rāā kadə̄ a reēn̄ yā kɔsə nodə́ nang tə́ njaí tə́ ō, a gerə̄n̄ kadə̄ mā m̄-táriī ō.

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

1 TIMOTE 1:19

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

GALATƏ 5:13

Sḭḭ̄ ngákó̰ó̰ḿ gə̄, Nə́ɓā ɓāŕsí i kadə̄ sḭḭ̄ i kɔ́ɔ̄ rɔ̄sí gə̄. Ɓá tā ba, ī-lōōī kun kɔ́ɔ̄ rɔ̄ɔ̄ ní kutəń gidə rɔ̄sí ba rāań yá̰á̰ ń dā̰ rɔ̄sí gḛy ní. Banī ī-rāāī kəla ādī naā kə tárá.

Makətūbə̄ ń Pol ndang adə̄ Rom gə̄ ní 2:28

Tɔdɔ̄ i yá̰á̰ ń deē a̰ā̰ kə kumneé ní n rāā adə̄ deē i Jipə ní aĺ ō, i tə́re yá̰á̰ kə́ rɔ̄ deē tə́ n ɔjə kadə̄ deē əja mɔtən ní aĺ ō.

MATIYE 7:6

Ī-lōōī tə́nī yá̰á̰ kə́ yā ɓōĺ gidə kadə̄ bísə gə̄ ō, ī-lōōī tə́nī məde yāsí gə̄ nang tə́ no kosong tə́ ō, na sōgə́ a tə́ɓān̄ njadə́ tə́ ō, télən̄ kə̄ rɔ̄sí tə́ tə́gā rə́yā̰n̄sí ō.

Gōsə̄ najə̄ gə̄ 26:11

De kə́ mbóo kə́ tél rāā háĺ mbóo yān gogə́ to i tītə̄ bísə́ kə́ tél ra kə̄ ta tōmbən tə́ a əsa beē.

JEJU TEĒ KUM JA̰A̰ 2:9

m̄-ger̄ yá̰a̰ nāā kə́ ngan̄g ń teē dɔí tə́ ní ō, m̄-ger̄ ndoō yāí ō, banī yá̰a̰ kənge yāí i ngá̰ý. Tá najə̄ kə́ majaĺ gə̄ ń de gə̄ ń ədan̄ na nin̄ na i Jipə gə̄ banī nin̄ i Jipə gə̄ alé ədan̄ dɔí tə́ ní, m̄-ger̄ ō. Nin̄ i kújə ndi Sətan.

2 PIYER 2:22

Yá̰á̰ ń rāādə́ ní ɔjə kadə̄ gōsə̄ najə̄ əda i yá̰á̰ kə́ rɔ̄kum, əda na: Bísə́ tél kə̄ ta tōmbən tə́ gogə́ əsa ō, kó̰o̰ bor̄ ń ndogə̄nən̄ man̄ ní, tél aw̄ ɓɔ́ɓə̄lɔ̄ rɔ̄n gogə́ bɔrɔɔ́ ō.

MATIYE 24:10

Dan ngeé ń noō tə́ ní, de gə̄ ngá̰ý a əya̰n̄ taā kem kɔ̄ɔ́. Nin̄ a unən̄ dɔ naā yā gātəń ō, a imə̄n̄ naā ō.

PĀ GƏ̄ 119:115

Ngé kem ndul gə̄, ɔ̄rī rɔ̄sí rɔ̄ḿ tə́ kɔ̄ɔ́, anī m-ā m̄-rāā gō míndə gə̄ yā Nə́ɓā yāḿ.