PILIPƏ 3:19 - Bibəl ta Sar̄

¹⁹ Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

Bible sar

¹⁹ Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

PILIPƏ 3:19 Referans Kwoze

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

KOLOSƏ 3:2

Ādī gír̄ yāsí i dɔ yá̰á̰ kə́ dɔɔ́ gə̄ tə́, ba kadə̄ i dɔ yá̰á̰ kə́ dɔ nang tə́ gə̄ tə́ alé.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

2 KORḚNTƏ 11:15

Adə̄ ré ngé kəla yān gə̄ a télən̄ ngé kəla gə̄ yā yá̰á̰ kə́ gōtə́ anī, i yá̰á̰ kə́ jákə́ alé. Banī ta tɔ̄l̄ tadə́ a to i tītə̄ kəla rāādə́ gə̄.

2 KORḚNTƏ 11:12

Yá̰á̰ ń m̄-rāā toó m-ā m-ún ta ɓáý, yā kadə̄ ngé gə̄ ń a sāān̄ najə̄ kə́ yā kəga rɔ̄də́ gidə tə́ ba kɔrəń ta rɔ̄də́ ō, kədań na kəla rāādə́ na i tītə̄ yājí ō ní, əngen̄neé ta róbən alé.

OJEE 4:7

Ngé tun̄ yá̰a̰ gə̄ malang kanjə̄ kɔr̄ deē kógə̄ḿ kə̄ gogə́ ní, mānə̄n̄ dɔ ndūḿ. I beé ɓá ní, m̄ ī-tūr̄ gíŕ yá̰a̰ kɔjə rɔ̄ yādə́ kadə̄ téĺ yá̰a̰ rɔ̄sɔl̄.

2 PIYER 2:13

Yá̰á̰ kə́ tōr̄ ń a rāādə́ ní, a əndānəń i njadə́ tām̄ yā yá̰á̰ kə́ gōtə́ aĺ ń nin̄-rāān̄ tə́ ní. Nin̄-əngen̄ rɔ̄nel̄ yādə́ loo rāā yá̰á̰ kə́ majaĺ gə̄ ń ngurən i kemdə́ tə́ ní. Dan ń nin̄-əsan̄ yá̰a̰ yāsí gə̄ sesí ō, rɔ̄nel̄ yādə́ i gól̄ loo ō ní, ndidə́ nin̄ sesí ta yá̰a̰ kəsa tə́ i yá̰á̰ kə́ to rɔ̄sɔl̄ ō, i yá̰á̰ kə́ to wōn̄g ngá̰ý ō.

GALATƏ 6:13

Tɔdɔ̄ ngé gə̄ ń əjan̄ mɔtədə́ ní nin̄ kɔ́ gə̄ ngɔ̄mə̄n̄ ndū najə̄ alé, ba gḛyn̄ kadə̄ əjan̄ mɔtəsí, i yā kadə̄ nin̄-ɔrnə̄ń ta rɔ̄də́.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

2 TIMOTE 3:4

a télən̄ kɔ̄ɔ́ gír madə̄də́ gə̄ tə́ ō, a rāān̄ yá̰a̰ kanjə̄ gíŕ yá̰a̰ ō, kɔjə rɔ̄ utə̄ kumdə́ kɔ̄ɔ́ ō, a gḛyn̄ Nə́ɓā alé ba a gḛyn̄ i rɔ̄nel̄ yādə́ tá.

1 TIMOTE 6:5

kəhɔ naā najə̄ tə́ kə́ dan gān̄g aĺ, yā de gə̄ kə́ gír̄ yādə́ nujə kɔ̄ɔ́, tām̄ tḭ̄ḭ̄ kə́ nin̄-tḭ̄ḭ̄n̄ ta najə̄ kə́ rɔ̄kum kɔ̄ɔ́ tə́ ō. Nin̄-ɔjənə̄ń na rāā yá̰a̰ kə gō ń Nə́ɓā ndigə ní, na i yá̰a̰ kənge yá̰a̰.

2 TESALONIK 2:12

kadə̄ gāngə̄n̄neé sarya dɔ de gə̄ malang ń taān̄ kem najə̄ kə́ rɔ̄kum alé, banī i yá̰á̰ kə́ gōtə́ aĺ tá nel̄də́ ní.

PILIPƏ 2:21

Gotə de gə̄ malang a sāān̄ i yá̰á̰ kə́ tām̄ yādə́ nin̄ kɔ́ gə̄ tə́, ba i yá̰á̰ kə́ tām̄ yā Jeju Kərist tə́ alé.

1 KORḚNTƏ 5:6

Yá̰á̰ ń ɔ́jiī rɔ̄sí najə̄n tə́ ní i yá̰á̰ kə́ majə alé. Kaa mápá kə́ sḛ́ý beē rāā adə̄ ndujə̄ mápá kə́ ló̰ȳ agə̄ malang ní ī-gerī aĺ a?

1 KORḚNTƏ 5:2

Ba ī-raī dɔ tə́ noō na ɔ́jiī rɔ̄sí ngá̰ý ɓáý to̰! Deē ń rāā yá̰á̰ ń noō ní, majə kadə̄ wōn̄g rāāsí ba ɔ̄r̄niī kɔ̄ɔ́ dansí tə́. Banī sḭḭ̄ ī-rāāī nge ń noō alé.

MALASI 1:12

Banī sḭḭ̄, dan ń ə́daī na loo tun̄ yá̰a̰ yā Kɔ́ɔ̄ɓē i loo kə́ yḛr ō, yá̰a̰ kəsa ń j-əngeī tū tə́ ní, i yá̰á̰ kə́ ngá̰ý aĺ ō ní, ī-ɓōlíī i ndílə́ḿ loo de kə́ bo tə́ alé!

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JAKƏ 4:16

ba sḭḭ̄ ɔ́riī ta rɔ̄sí kə kɔjə rɔ̄ yāsí. Kɔr ta rɔ̄ kə́ tītə̄ ń noō malang ní i kə́ majaĺ.

2 TESALONIK 2:8

nge mbātə́ ndū najə̄ a rāā kadə̄ kum de gə̄ teē dɔn tə́ ɓáý. Kɔ́ɔ̄ɓē Jeju a tóon kə koō kə́ tan tə́ yā nujəń seneé kɔ̄ɔ́ ō, ndə́lēn kə́ ndɔ̄ reēn tə́ ní, a nujə seneé sák sák kɔ̄ɔ́ ō.

Najə̄ kə́ Majə yā Jeju ń Luk ndang ní 18:4

Ba dəngam ní ɔdə aĺ kə́ nja naā tə́ nja naā tə́ dan i ngá̰ý. Ba gō tə́ anī əda kə̄ kemən tə́ na: Ká mā na m̄-ɓōĺ ndíĺ Nə́ɓā aĺ gə̄gē ō, usəm̄ dɔ de gə̄ tə́ aĺ gə̄gē ō anī i karī.

Najə̄ kə́ Majə yā Jeju ń Luk ndang ní 16:19

Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

Najə̄ kə́ Majə yā Jeju ń Luk ndang ní 12:19

Ba gō tə́ tā anī, m-ā m-ə́da rɔ̄ḿ mə̄kɔ́ na: Á̰a̰ā̰, yá̰a̰ yāí gə̄ kə́ ī-ngɔ̄m̄ i ngá̰ý, adə̄ a rāā seí ɓāl̄ ngá̰ý ní ī-to ōō rɔ̄í ō, ə́sa ō, ā̰ȳ ō, ba ī-rāā rɔ̄nel̄.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

MATIYE 16:23

Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

EJEKIEL 34:3

Sḭḭ̄ ā̰yī mba batə̄ gə̄ ō, ə́jaī bḭḭ̄də́ ī-rāāiń kūbə̄ ə́laī rɔ̄sí tə́ ō, sḭḭ̄ ī-tɔ̄lī yá̰a̰ kul̄ kə́ bo tɔȳ madə̄ gə̄ kɔ̄ɔ́ ō. Banī sḭḭ̄ á̰a̰ī gō batə̄ gə̄ alé.

PĀ GƏ̄ 52:1

Pā kə́ kem makətūbə̄ yā ngār yā gōsə̄ Pā gə̄ tə́. I pā yā Dabid kə́ yā ndóoń deē yá̰a̰.

JEJU TEĒ KUM JA̰A̰ 18:7

Ī-rāāin̄ yá̰á̰ kə́ tōr̄ gə̄ ō, ī-rāāin̄ ādə̄ əhɔ ndoō ō, ādə̄ asə kə gō kɔr ń ni ɔr ta rɔ̄n ní ō, ādə̄ asə kə gō tə́ndā ń ni tə́ndā yá̰á̰ kə́ majə ngá̰ý yān gə̄ kə ta naá ní ō. Tɔdɔ̄ ni-əda kemən tə́ na n ndi na i kə́ mban̄g kə́ dəyá̰ tə́ ō, ngaan na oy aĺ ō, na n əhɔ ndoō aĺ i kə́ bátə́ gə̄ tə́ ō.

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

Makətūbə̄ ń Pol ndang adə̄ Rom gə̄ ní 6:21

Ní, nge ń noō teēsí i yá̰á̰ rí gə̄? Sḭḭ̄ i kə rɔ̄sɔlɔ̄ɔ́ tū tə́ ɓōólaā, tɔdɔ̄ yá̰a̰ gə̄ ń ə́ngeī ní ta tɔ̄l̄ tadə́ i yo.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

1 SAMUEL 2:29

Ba ī-kídī yá̰a̰ tun̄ gə̄ kə yá̰a̰ ndējə̄ gə̄ ń m-ə́da kadə̄ de gə̄ reēn̄neé kem loo kə́ táĺ tə́ ní i tām̄ rí tə́? Ī-ɓōĺ ngání gə̄ tɔȳm̄ mā tɔdɔ̄ ngán Israel gə̄ ń i deē yāḿ gə̄ ní reēn̄ kə yá̰a̰ ndējə̄ gə̄ adə̄mə̄n̄, anī ə́saī loon kə́ majə majə gə̄ kɔ̄ɔ́ malang ə̄ndāīneé yibə̄sí i tām̄ rí tə́?

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

2 TESALONIK 1:9

Yá̰á̰ kə́ tōr̄ ń a rāādə́ tām̄ majaĺ yādə́ tə́ ní, i nujə kə́ ta ngóyn gətóó kə́ nin̄ a nujən̄ sák sák kɔ̄ɔ́, sa̰y rɔ̄ Kɔ́ɔ̄ɓē tə́ ō, sa̰y rɔ̄ tɔ́gən kə́ to kɔsə gɔn tə́ ō.

Makətūbə̄ ń Jud ndang ní 1:10

De gə̄ ngeé ń toō ní, yá̰á̰ ń nin̄-gerə̄n̄ aĺ ɓáa tájə̄n̄ yá̰á̰ ní, ba yá̰á̰ ń nin̄-gerə̄n̄ láẃ ngá̰ý tītə̄ dā̰ kə́ bembeé gə̄ beé kanjə̄ gír̄ yá̰á̰ dɔ tə́ ní, i yá̰á̰ kə́ a tḭ̄ḭ̄ i tadə́.