PILIPƏ 3:17 - Bibəl ta Sar̄

¹⁷ Ngákó̰ó̰ḿ gə̄, sḭḭ̄ malang ī-ndájə̄mī. Yá̰á̰ kə́ yā kadə̄ de gə̄ ndájə̄n̄ ní, jḭḭ jə-rāā kɔ̄ɔ́ ɓá. I beé ní, ādī kumsí i dɔ ngé gə̄ ń nin̄ a rāān̄ háĺ ń jḭḭ j-ɔjə ní tə́.

Bible sar

¹⁷ Ngákó̰ó̰ḿ gə̄, sḭḭ̄ malang ī-ndájə̄mī. Yá̰á̰ kə́ yā kadə̄ de gə̄ ndájə̄n̄ ní, jḭḭ jə-rāā kɔ̄ɔ́ ɓá. I beé ní, ādī kumsí i dɔ ngé gə̄ ń nin̄ a rāān̄ háĺ ń jḭḭ j-ɔjə ní tə́.

PILIPƏ 3:17 Referans Kwoze

PILIPƏ 4:9

Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

1 KORḚNTƏ 4:16

I beé ní m̄-rāāsí ɓɔ́, ba ī-téliī ngé ndájə̄ḿ gə̄.

1 PIYER 5:3

Ngé gə̄ ń ɓɔ̄ɔ̄n̄də́ sesí kadə̄ á̰a̰ī gōdə́ ní, ī-lōōī rāā ngār dɔdə́ tə́, banī ādə̄ sḭḭ̄ i yá̰á̰ ndájə̄ tām̄ yā ɓūtə̄ yá̰a̰ kul̄ gə̄ tə́.

2 TESALONIK 3:9

Ba mandang ɓáa, ré jə-dəjesí yá̰a̰ anī, najə̄ i yājí. Banī jə-dəjesí alé, tām̄ jə-ndigə kadə̄ ī-ndájījí.

HEBƏRO 13:7

Ādə̄ əga kemsí dɔ nge kɔr no ngé kán̄ naā gə̄ yāsí á ɔjən̄sí najə̄ yā Nə́ɓā ní. Ə̄ndāī ma̰ȳ loo ndidə́ dɔ nang tə́ laā ō, ta ngóýdə́ ō, ba ī-ndájī taā kem yādə́.

1 TIMOTE 4:12

Ādə̄ deē kídī tām̄ ḭ̄ kə́ i ngōn̄ kə́ balsáá ɓáý tə́ alé. Ba ādə̄ loo kɔr̄ najə̄ tə́ ō, loo rāā yá̰á̰ tə́ ō, loo táŕ tə́ ō, loo taā kem tə́ ō, loo rāā háĺ kə́ unjə̄ njáý njáý tə́ ō ɓáa, ḭ̄ i yá̰á̰ ndájə̄ tām̄ yā ngé taā kem gə̄ tə́.

2 TESALONIK 3:7

Tɔdɔ̄ sḭḭ̄ ī-gerī loo ndájə̄jí majə, tām̄ dan ń jə-ndi dansí tə́ ní, jə-yay alé.

1 KORḚNTƏ 10:32

Ī-lōōī rāā yá̰á̰ kógə̄ḿ kə́ kadə̄ Jipə gə̄, aláa Gərek gə̄, aláa Egəlijə yā Nə́ɓā a̰a̰n̄ anī əsōn̄.

2 TESALONIK 3:14

Ré deē kógə̄ḿ mbātə́ najə̄ ń j-əda kem makətūbə̄ ń toō tə́ ní anī, ī-rāāī ādə̄ de gə̄ ger̄nən̄, ba ī-lōōī ɓoo naā seneé, ādə̄ rɔ̄n sɔlə̄n.

1 TESALONIK 1:6

Ba sḭḭ̄ ī-téliī ngé ndájə̄jí gə̄ ō, ngé ndájə̄ Kɔ́ɔ̄ɓē gə̄ ō, tām̄ ī-ndigiī najə̄ yā Nə́ɓā dan wur kɔl kə́ ngá̰ý tə́, kə ta kūl̄ rɔ̄nel̄ yā Ndíĺ kə́ Táĺ.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

PĀ GƏ̄ 37:37

Ə̄ndā ma̰ȳ de kə́ sew, á̰a̰ de kə́ súmūú. Tɔdɔ̄ de kə́ najə̄n gətóo a əndā kōōn.

1 KORḚNTƏ 11:1

Ī-ndájə̄mī, tītə̄ ń mə̄kɔ́ m̄-ndájəń Kərist ō ní.