PILIPƏ 3:15 - Bibəl ta Sar̄

¹⁵ Jḭḭ̄ malang ń i de kə́ majə ɔtə̄ kə taá gə̄ ní, ādī gír̄ yājí i tītə̄ ń noō. Ba ré gír̄ yāsí i tītə̄ ń noō aĺ anī, Nə́ɓā nəkɔ́ a teē kumsí dɔ tə́.

Bible sar

¹⁵ Jḭḭ̄ malang ń i de kə́ majə ɔtə̄ kə taá gə̄ ní, ādī gír̄ yājí i tītə̄ ń noō. Ba ré gír̄ yāsí i tītə̄ ń noō aĺ anī, Nə́ɓā nəkɔ́ a teē kumsí dɔ tə́.

PILIPƏ 3:15 Referans Kwoze

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

GALATƏ 5:10

Mā m̄-taā kemsí mámák sɔɔ̄ń Kɔ́ɔ̄ɓē, kadə̄ gír̄ yāsí a to tayā alé, ba i tītə̄ yāḿ mā. Ba nge ń tə́la najə̄ kemsí tə́ ní, ká i náā gə̄gē anī, a ənge yá̰á̰ kə́ tōr̄ tām̄ yā yá̰á̰ kə́ gō tə́ aĺ ń ni-rāā tə́ ní.

1 KORḚNTƏ 2:6

Ɓá tā ba yá̰á̰ ń jə-ndóō de gə̄ yā Kərist kə́ kumdə́ ɔɔ̄ kɔ̄ɔ́ gə̄ ní, i kum kedə̄. Ba i kum kedə̄ kə́ dɔ nang tə́ laā aĺ ō, i kum kedə̄ yā ngār gə̄ kə́ dɔ nang tə́ laā gə̄ ń a gətóon̄ kɔ̄ɔ́ ní aĺ ō.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

MATIYE 5:48

I beé ní majə kadə̄ sḭḭ̄ i de kə́ ī-majə ɔ̄tī kə taá gə̄, tītə̄ ń Bɔbə̄sí kə́ dɔ rā̰ tə́ i de kə́ majə ɔtə̄ kə taá ní.

IJAI 35:8

Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.

HEBƏRO 5:14

Ba yá̰a̰ kəsa kə́ ngan̄g i tām̄ yā de kə́ tɔ́gə gə̄ tə́. Kemdə́ nin̄-ger̄ kɔr̄ kam̄ yá̰á̰ kə́ majə naā tə́ kə yá̰á̰ kə́ majaĺ, tɔdɔ̄ nin̄-rāān̄ yá̰á̰ ń noō adə̄ gerə̄n̄.

KOLOSƏ 1:28

I Kərist ngeé ń toō n j-ɔjə de gə̄ malang najə̄ yān ní. Jə-tāādə́ kógə̄ḿ kógə̄ḿ ō, j-ɔjədə́ yá̰a̰ kə kum kedēé ō, kadə̄ de gə̄ kógə̄ḿ kógə̄ḿ télən̄ de kə́ majə ɔtə̄ kə taá gə̄ kə gō ɓoo naā yādə́ kə Kərist.

Makətūbə̄ ń Pol ndang adə̄ Rom gə̄ ní 15:1

Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

Najə̄ kə́ Majə yā Jeju ń Luk ndang ní 11:13

Sḭḭ̄ ń i de kə́ majaĺ gə̄ ní ba ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí ń ndi dɔ rā̰ tə́ ní tá ger̄ kadə̄ Ndíĺ kə́ Táĺ ngé gə̄ ń dəjenən̄ ní majə tɔȳ aĺ a?

1 JA̰A̰ 2:5

Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.

2 TIMOTE 3:17

yā kadə̄ deē yā Nə́ɓā i kə́ majə ɔtə̄ kə taá ō, ənge yá̰a̰ gə̄ kə́ yā rāāń kəla malang kə́ majə ō.

JA̰A̰ 6:45

I kə́ ndang kem makətūbə̄ yā ngé koō ta gə̄ tə́ na: Nin̄ malang ní Nə́ɓā a ndóōdə́ yá̰a̰. Náā nəkɔ́ ń oō ta Bɔbə̄ Ngōn̄ ō, ndóō yá̰a̰ yān ō ní, a reē rɔ̄ḿ tə́.

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

1 TESALONIK 4:9

Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.