PILIPƏ 3:14 - Bibəl ta Sar̄

¹⁴ I beé n m-a̰yń ngɔ̄də̄ kum kə̄ loo kə́ yā dəba tū tə́ tə́, yā kadə̄ m-ə́ngeń yá̰a̰ kəndā nja ń Nə́ɓā ɓāŕjí kə ta kūl̄ Jeju Kərist, yā kadə̄ j-aw̄ j-əngeī dɔɔ́ nú ní.

Bible sar

¹⁴ I beé n m-a̰yń ngɔ̄də̄ kum kə̄ loo kə́ yā dəba tū tə́ tə́, yā kadə̄ m-ə́ngeń yá̰a̰ kəndā nja ń Nə́ɓā ɓāŕjí kə ta kūl̄ Jeju *Kərist, yā kadə̄ j-aw̄ j-əngeī dɔɔ́ nú ní.

PILIPƏ 3:14 Referans Kwoze

1 KORḚNTƏ 9:24

Ngé nējə̄ naā ngɔ̄də̄ gə̄ a̰ȳn̄ ngɔ̄də̄ malangdə́ gə̄ ɓá tā, banī i de kə́ kal kógə̄ḿ beē ngóy n a ənge yá̰á̰ ń nējə̄n̄ naā ngɔ̄də̄ dɔ tə́ ní ī-gerī aĺ a? I beé ní ī-ngɔ̄dī kə gō róbəneé tá kadə̄ əngeīneé yá̰á̰ ní.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

1 TESALONIK 2:12

J-ɔjə̄sí ō, jə-sɔl̄ kemsí ō, jə-rāāsí ɓɔ́ kadə̄ háĺsí ndetə naā kə ɓāŕ ń Nə́ɓā ɓāŕsí kadə̄ údiī kem Ɓē ko̰o̰ yān tə́ ō, kɔsə gɔn yān tə́ ō ní.

2 PIYER 1:3

Tɔdɔ̄ Nə́ɓā adə̄jí yá̰a̰ malang i kə ta kūl̄ tɔ́gəneé, yā kadə̄ jə-ndiīneé kə kumjí ō, jə-rāāīneé yá̰a̰ kə gō ń ni ndigə ní ō. Ni-rāā adə̄ jə-gerī nge ń ɓāŕjí kə ta kūl̄ kɔsə gɔn yān nəkɔ́ ō, kə ta kūl̄ kem majə yānneé ō ní.

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

HEBƏRO 6:1

I beé ní, ādə̄ j-əya̰ī yá̰á̰ ndóō kə́ ta kəla gíŕ tə́ gə̄ kə́ dɔ Kərist tə́, ba jə-mānī kə̄ tū yá̰á̰ ndóō yā de kə́ tɔ́gə gə̄ tə́. Jə-lōōī tél reē gogə́ dɔ yá̰a̰ gə̄ ń rāān̄ rɔ̄də́ i gír gisə yá̰á̰ ndóō ngeé ń toō tə́ ní. Yá̰a̰ gə̄ ní i: Tūr̄ gidə kɔ̄ɔ́ ta kəla kə́ ndāńg karī gə̄ tə́ ō, kə́ dɔ taā kem Nə́ɓā tə́ ō,

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

Najə̄ kə́ Majə yā Jeju ń Luk ndang ní 16:16

Ndū najə̄ yā Moijə ō, makətūbə̄ yā ngé koō ta gə̄ ō, ton̄ bátə́ ugə̄ń ɓāl̄ yā Ja̰a̰ tə́. Ba əla gír ndɔ̄ nəkɔ́ ń noō tə́ ní, ənīn̄ mbēr̄ Najə̄ kə́ Majə kə́ dɔ Ɓē ko̰o̰ yā Nə́ɓā tə́, adə̄ i ngé gə̄ ń a rɔ̄ɔ̄n̄ kə ngangāá ngá̰ý ní n a taān̄ ní.

Makətūbə̄ ń Pol ndang adə̄ Rom gə̄ ní 11:29

Tɔdɔ̄ yá̰á̰ ń Nə́ɓā adə̄ de gə̄ ní a tél yā taā gogə́ aĺ ō, ɓāŕ ń ni-ɓāŕdə́ ní, a ndə̄ngā rɔ̄n tāmə̄n̄ tə́ aĺ ō.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.