PILIPƏ 3:13 - Bibəl ta Sar̄

¹³ Ngákó̰ó̰ḿ gə̄, m̄-gír̄ kadə̄ mā na m-ə́ngé yá̰a̰ kəndā nja ní kɔ̄ɔ́ ɓá alé. Yá̰á̰ ń m̄-rāā ní i kógə̄ḿ beē: Dɔḿ ndígə̄nal yá̰á̰ kə́ gōḿ tə́ kɔ̄ɔ́, ba m-ə́hɔ rɔ̄ḿ tɔgə kadə̄ m-ūgə̄ rɔ̄ yá̰á̰ kə́ kété noḿ tə́ tə́.

Bible sar

¹³ Ngákó̰ó̰ḿ gə̄, m̄-gír̄ kadə̄ mā na m-ə́ngé yá̰a̰ kəndā nja ní kɔ̄ɔ́ ɓá alé. Yá̰á̰ ń m̄-rāā ní i kógə̄ḿ beē: Dɔḿ ndígə̄nal yá̰á̰ kə́ gōḿ tə́ kɔ̄ɔ́, ba m-ə́hɔ rɔ̄ḿ tɔgə kadə̄ m-ūgə̄ rɔ̄ yá̰á̰ kə́ kété noḿ tə́ tə́.

PILIPƏ 3:13 Referans Kwoze

Najə̄ kə́ Majə yā Jeju ń Luk ndang ní 9:62

Anī Jeju ədan na: Deē ń əga jīn dɔ kɔsə ndɔr̄ man̄g tə́, ba tél a mbel kə̄ gogə́ ɓáý to̰ ní, i de kə́ rāānən̄ tām̄ yā Ɓē ko̰o̰ yā Nə́ɓā tə́ alé.

PILIPƏ 3:12

Ba i kə́ yā kədań na mā na m-ūgə̄ loo kə́ yā dəba tū tə́ tə́ kɔ̄ɔ́ ɓá, aláa na mā na i de kə́ m̄-majə m-ɔ̄tə̄ kə taá kɔ̄ɔ́ ɓá alé. Banī m̄-na̰y kə̄ loo ka̰ȳ ngɔ̄də̄ tə́ laā ɓáý kum kə̄ kété. M-ə́hɔ rɔ̄ḿ tɔgə kadə̄ m̄-taā yá̰a̰ kəndā nja yā ngé nējə̄ naā ngɔ̄də̄ gə̄, tɔdɔ̄ Jeju Kərist əhɔm̄ mā kɔ̄ɔ́ ɓá.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

HEBƏRO 6:1

I beé ní, ādə̄ j-əya̰ī yá̰á̰ ndóō kə́ ta kəla gíŕ tə́ gə̄ kə́ dɔ Kərist tə́, ba jə-mānī kə̄ tū yá̰á̰ ndóō yā de kə́ tɔ́gə gə̄ tə́. Jə-lōōī tél reē gogə́ dɔ yá̰a̰ gə̄ ń rāān̄ rɔ̄də́ i gír gisə yá̰á̰ ndóō ngeé ń toō tə́ ní. Yá̰a̰ gə̄ ní i: Tūr̄ gidə kɔ̄ɔ́ ta kəla kə́ ndāńg karī gə̄ tə́ ō, kə́ dɔ taā kem Nə́ɓā tə́ ō,

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

Najə̄ kə́ Majə yā Jeju ń Luk ndang ní 10:42

Banī yá̰á̰ ń i yá̰á̰ kə́ yā rāā gáŕ ní gír i kógə̄ḿ beē ngóy. I Mari n gə̄rā dāmə̄n kə́ majə tɔȳ madə̄ gə̄ ní, adə̄ deē a taā jīn tə́ alé.

2 PIYER 3:8

Ɓá tā ba kó tár gə̄, yá̰á̰ kógə̄ḿ to noó kə́ majə kadə̄ dɔsí ndígə̄nal alé. Yá̰á̰ ni n toó: Tām̄ yā Kɔ́ɔ̄ɓē tə́ ɓáa ndɔ̄ kə́ kógə̄ḿ beē i tītə̄ ɓāl̄ kə́ dūbú beé ō, ɓāl̄ kə́ dūbú i tītə̄ ndɔ̄ kə́ kógə̄ḿ beē beé ō.

2 KORḚNTƏ 5:16

Adə̄ jḭḭ jə-ger̄ deē i kə gō yā dā̰ rɔ̄ɔ́ to̰ alé. Ká ré kété jóo jə-ger̄ Kərist i kə gō yā dā̰ rɔ̄ɔ́ gə̄gē anī, ngɔlaā jə-gerə̄n tītə̄ ń noō to̰ alé.

PĀ GƏ̄ 45:10

Ngán mban̄g kə́ dəyá̰ gə̄ ran̄ kə yá̰á̰ súū rɔ̄ yāí gēé ō, nə̄yá̰ mban̄g súū rɔ̄n kə lɔ́ŕ kə́ kḭḭ Opir rań dɔ jī ko̰í tə́ ō.