PILIPƏ 3:10 - Bibəl ta Sar̄

¹⁰ Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

Bible sar

¹⁰ Yá̰á̰ ń m̄-sāā ní i kadə̄ m̄-ger̄ *Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

PILIPƏ 3:10 Referans Kwoze

GALATƏ 2:20

m̄-ndi kə kumḿ ɓá tā ba i mā alé, i Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

Makətūbə̄ ń Pol ndang adə̄ Rom gə̄ ní 8:17

Ré jḭḭ̄ i ngánən gə̄ anī, j-a j-əngeī yá̰a̰ yān ō. J-a j-əngeī yá̰á̰ ń Nə́ɓā adə̄ ngánən gə̄ ní naā tə́ kə Kərist, tɔdɔ̄ ré j-a̰a̰ī tápə̄ naā tə́ seneé anī, j-a j-əngeī kɔsə gɔn naā tə́ seneé ō.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

1 JA̰A̰ 2:3

Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.

KOLOSƏ 3:1

Dan ń sḭḭ̄ i kə́ Nə́ɓā ndól̄sí naā tə́ kə Kərist kɔ̄ɔ́ ɓá ní, majə kadə̄ ā ī-sāāī yá̰á̰ kə́ dɔɔ́ gə̄, loo ń Kərist ndi tū tə́ dɔ jī ko̰ Nə́ɓā tə́ ní.

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

2 KORḚNTƏ 1:5

Tītə̄ ń yá̰á̰ kə́ tōr̄ gə̄ yā Kərist rāān̄jí ngá̰ý ní, i tītə̄ ń toō n jḭḭ̄ j-əngeīneé kem sɔl̄ ngá̰ý kə ta kūl̄ Kərist ō ní.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

2 KORḚNTƏ 13:4

Ngan̄g aĺ yān rāā adə̄ əndanən̄ kə máyá̰ tū kāgə̄ kə́ dēsə́ tə́, banī ni-ndi kə kumneé i kə ta kūl̄ tɔ́gə yā Nə́ɓāá. Kə gō ɓoo ń jə-ɓoo naā seneé ní ɓáa, rāā adə̄ tɔ́gə́jí jḭḭ gətóo ō. Banī yá̰á̰ ń jə-rāā sesí ní, ɔjə kadə̄ jə-ndi i kə kumjí seneé kə ta kūl̄ tɔ́gə yā Nə́ɓāá.

1 JA̰A̰ 2:5

Deē ń rāā yá̰á̰ ń ni-əda ní anī, kɔ́ɔ̄ táŕ Nə́ɓā rɔ̄kum. I loo ń noō tə́ n jə-gerī kadə̄ jḭḭ̄ i kemən tə́ ní.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

Makətūbə̄ ń Pol ndang adə̄ Rom gə̄ ní 8:29

Tɔdɔ̄ ngé gə̄ ń Nə́ɓā gə̄rādə́ kété ní, ni-gḛy rāādə́ kadə̄ a ton̄ tītə̄ Ngōnən i kété ō, yā kadə̄ Ngōnən i ngatɔ́gə́ ngákó̰o̰n kə́ ngá̰ý gə̄ ō.

JEJU TEĒ KUM JA̰A̰ 1:18

deē ń ndi kə kumneé ní ō. Kété ní m-óy, banī ngɔlaā m̄-ndi kə kumḿ kə dɔ ɓāl̄ gə̄ ɓāl̄ gə̄. Tá kélé gə̄ yā yo ō, yā loo kə́ ɓádá ō, i jīḿ tə́.

KOLOSƏ 2:13

Sḭḭ̄ ń kété óyiī kɔ̄ɔ sɔɔ̄ ń yá̰a̰ rāāsí kə́ gōtə́ aĺ gə̄ ō, sɔɔ̄ ń kəja kə́ sḭḭ̄ ə́jaī mɔtəsí aĺ ō ní, Nə́ɓā rāā adə̄ ī-tél ī-ndiī kə kumsí gogə́ naā tə́ kə Kərist: Ni-mā̰ȳ rɔ̄n dɔ yá̰a̰ rāājí kə́ gō tə́ aĺ gə̄ tə́ malang.

EPEJƏ 4:13

bátə́ kadə̄ jḭḭ̄ malang ní taā kem yājí i kógə̄ḿ beē ō, ger̄ Ngōn̄ Nə́ɓā yājí i kógə̄ḿ beē ō. Loo ń noō tə́ ní, j-a jə-téliī de gə̄ kə́ jə-tɔgiī j-asiī naā kə Kərist ō, jə-majə j-ɔtī kə taá tītə̄n ō.

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

JA̰A̰ 10:18

Deē kógə̄ḿ kə́ asə tɔ̄lə̄m̄ gətóo, ba i mə̄kɔ́ n m-ə́ya̰ rɔ̄ḿ kə gō kem ndigə yāḿ kadə̄ tɔ̄lə̄n̄ ní. M-ásə kadə̄ rɔ̄ḿ ō, m-ásə́ tél taā gogə́ ō. Najə̄ ń toō i gō míndə́ Bɔbə́ḿ ń adə̄m̄ ní.

MATIYE 20:23

Anī Jeju ədadə́ na: Ā ā̰yī yá̰á̰ kə́ kem kópə yāḿ tə́ rɔ̄kum, ba yā ndi dɔ jī ko̰ḿ tə́ aké dɔ jī geləḿ tə́ ní, i mā n m-ā m-ādə̄ nge ń noō ní alé, banī i tām̄ yā ngé gə̄ ń Bɔbə́ḿ əndā yá̰á̰ ń toō dɔ jīn tām̄ yādə́ tə́ ní.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

Makətūbə̄ ń Pol ndang adə̄ Rom gə̄ ní 8:36

Tɔdɔ̄ ndangən̄ kem makətūbūú na: Tɔ̄lə̄n̄jí bátə́ mbang udə i tām̄ yāí tə́ ō, rāān̄jí i batə̄ kə́ yā tɔ̄l̄ gə̄ tə́ ō ní.

GALATƏ 6:17

Ngɔlaā ní, ādə̄ deē njə́ɓām̄ to̰ alé. Tɔdɔ̄ tə́ré yá̰á̰ kə́ tōr̄ gə̄ kə́ m-ə́nge tām̄ yā Jeju tə́ i rɔ̄ḿ tə́ ɓáý.

2 PIYER 1:13

Ba mā m-á̰a̰ kadə̄ dan ń m̄-ndi kə kumḿ ɓáý ní, i yá̰á̰ kə́ gō tə́ kadə̄ m̄-ter̄ kemsí dɔ tə́.