PILIPƏ 2:9 - Bibəl ta Sar̄

⁹ I tām̄ ń toō tə́ n Nə́ɓā ɔsən kə̄ dɔɔ́ dɔ yá̰a̰ gə̄ tə́ malang ní ō, əndā rī kə́ tɔȳ gotə rī gə̄ malang dɔn tə́ ní ō.

Bible sar

⁹ I tām̄ ń toō tə́ n Nə́ɓā ɔsən kə̄ dɔɔ́ dɔ yá̰a̰ gə̄ tə́ malang ní ō, əndā rī kə́ tɔȳ gotə rī gə̄ malang dɔn tə́ ní ō.

PILIPƏ 2:9 Referans Kwoze

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.

IJAI 52:13

Kɔ́ɔ̄ɓē əda na: Nge kəla yāḿ a rāā kəla yān kadə̄ udə gírí majə. Ni a al̄ dɔɔ́, a əndānən̄ dɔɔ́ ō, a rɔȳnən̄ ngá̰ý ō.

JEJU TEĒ KUM JA̰A̰ 5:12

Nin̄-unən̄ ndūdə́ kə̄ dɔɔ́ ngá̰ý ədan̄neé na: Ngōn̄ batə̄ ń əjan̄ míndən ní, asə kənge tɔ́gə ō, yá̰a̰ kənge ō, kum kedə̄ ō, ngan̄g ō, rɔȳ ō, kɔsə gɔn ō, tɔ̄ȳ ō.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

HEBƏRO 1:4

Ngōn̄ Nə́ɓā tél de kə́ bo ngá̰ý tɔȳ de kə́ dɔ rā̰ tə́ gə̄, tɔdɔ̄ ənge rī kə́ majə ngá̰ý tɔȳ yādə́.

PĀ GƏ̄ 89:27

Ni a ɓārə́m̄ mā na i bɔbə̄n ō, Nə́ɓā yān ō, mbal̄ kə́ nge kajən ō.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

IJAI 53:12

I tām̄ najə̄ ń toō tə́ n m-ə̄ndān dan de gə̄ kə́ boon̄ tɔȳn̄ madə̄də́ gə̄ tə́ ní. Ni ō, ngé gə̄ ń tɔ́gə́də́ tɔȳ yā madə̄də́ gə̄ ní ō, a kēgə̄n̄ naā yá̰a̰ kənge gə̄ yā madə̄ ba̰ā̰. Tām̄ ni-ndigə koy kə gō kem ndigə yān nəkɔ́ ō, ndigə kadə̄ ni i dan ngé gān̄g róbə gə̄ tə́ ō. A̰á̰ā̰, ni un majaĺ yā de kə́ ngá̰ý gə̄ dɔn tə́ ō, udə dan najə̄ yā de gə̄ kə́ najə̄ i dɔdə́ tə́ yā rāā kadə̄ majə ō.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

JA̰A̰ 17:5

Ngɔlaā ní, Bɔbə́ḿ, ɔ́sə gɔnəḿ rɔ̄í īkɔ́ tə́ kə kɔsə gɔn ń m-āwń dan ń m̄-ndiń rɔ̄í tə́ kété pá tá kadə̄ dɔ rā̰ kə dɔ nang ton̄ ní.

PĀ GƏ̄ 110:5

Kɔ́ɔ̄ɓē i dɔ jī ko̰í tə́: Ni rējə̄ mban̄g gə̄ ndɔ̄ ń wōn̄g rāānneé tə́ ní.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

Najə̄ kə́ Majə yā Jeju ń Luk ndang ní 10:22

Bɔbə́ḿ tél kə yá̰a̰ malang adə̄m̄. Deē kógə̄ḿ kə́ ger̄ Ngōn̄ gətóo ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo ba i mā Ngōnən nəkɔ́ tá ngóy ō, i ngé gə̄ ń m̄-ndigə kɔjədə́ kə Bɔbə́ḿ ní tá ngóy ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 91:14

Dan ń ni-əhɔ gōḿ adə̄ ngan̄g ní m̄-gān̄g dɔn. M-ā m̄ ngɔ̄mən tɔdɔ̄ ni ger̄ rīḿ.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

2 PIYER 1:17

Bɔbə̄n Nə́ɓā rɔȳn ō, ɔsə gɔnən ō. Ni rāā nge ń noō i dan ń Nə́ɓā a ndə́leń ndə́lē kə́ majə ngá̰ý tə́ ní. Dan ngeé ń noō tə́ ní, ndū deē kógə̄ḿ teē tū ndə́lē ń Nə́ɓā a ndə́lē tə́ ní ɔr̄ najə̄ əda na: Nge ń toō i Ngōn̄ kó tár yāḿ kə́ nelə̄m̄ seneé ngá̰ý.

KOLOSƏ 1:18

I ni ɓáý to̰ n i dɔm dɔ Egəlijə ń rāā rɔ̄n i gotə rɔ̄n gə̄ tə́ ní. Ni i ta kəla gír yá̰a̰ malang ō, i ni n ndól̄ kété dan de kə́ koy gə̄ tə́ ní ō, yā kadə̄ ni i kété tū yá̰a̰ gə̄ tə́ malang.

KƏLA RĀĀ 5:31

I ni n Nə́ɓā ɔsən kə̄ dɔɔ́ kə tɔ́gəneé əndānəń ngāraá ō, nge kajə de gə̄ tə́ ō, kadə̄ ngán Israel gə̄ əngen̄neé ta róbə ndə̄ngā rɔ̄də́ ba kəngeń mā̰ȳ rɔ̄ dɔ majaĺ yādə́ gə̄ tə́ ní.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

JA̰A̰ 17:11

Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

JA̰A̰ 17:12

Dan ń mā i sedə́ ní, m̄-ngɔ̄m̄də́ kə ta kūl̄ rīí, rīí ń ādə̄m̄ ní. m̄-ngɔ̄m̄də́ ō, ta deē kógə̄ḿ kə́ dandə́ tə́ tḭ̄ḭ̄ aĺ ō, ba i nge ń i gáŕ kadə̄ tan tḭ̄ḭ̄ ní tá ngóy, yā kadə̄ najə̄ kə́ ndang kem makətūbūú reē udəń gírí.

EPEJƏ 1:10

dan ń ndɔ̄ gə̄ a asən̄neé ní. Loo ń noō tə́ ni a əla dɔ yá̰a̰ malang, kə́ dɔ rā̰ tə́ gə̄gē, kə́ dɔ nang tə́ gə̄gē, gíŕ tɔ́gə yā Kərist tə́.

2 TESALONIK 1:12

I tītə̄ ń noō n rī Kɔ́ɔ̄ɓē Jeju a əngeń kɔsə gɔn kə ta kūl̄sí sḭḭ̄ḭ́ ō, sḭḭ̄ ā ə́ngeīń kɔsə gɔn kə ta kul̄ən ní ō ní. Yá̰á̰ ń kem majə yā Nə́ɓā yājí ō, yā Kɔ́ɔ̄ɓē Jeju Kərist ō, a rāā ní n noó.

HEBƏRO 1:9

Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

3 JA̰A̰ 1:7

Tɔdɔ̄ i tām̄ yā Kərist tə́ n nin̄-əsōn̄neé róbó aw̄n̄ kanjə̄ taā yá̰á̰ kógə̄ḿ jī de kə́ ndágá gə̄ tə́ ní.