PILIPƏ 2:3 - Bibəl ta Sar̄

³ Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

Bible sar

³ Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

PILIPƏ 2:3 Referans Kwoze

Makətūbə̄ ń Pol ndang adə̄ Rom gə̄ ní 12:10

Kadə̄ tár naā yāsí i tītə̄ tár naā yā ngákó̰o̰ naā gə̄ beé. Ādə̄ deē kógə̄ḿ kógə̄ḿ ɔsə gɔn madə̄n gə̄ ō, rāādə́ i de kə́ bo tɔȳn gə̄ tə́ ō.

GALATƏ 5:26

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

EPEJƏ 5:21

Ōōī ta naā sɔɔ̄ń ɓōĺ ń ī-ɓōlíī Ndíĺ Kərist ní.

EPEJƏ 4:2

Ɔ́jiī rɔ̄sí aĺ ō, ādī dɔsí sɔl̄ ō, ə́reī wursí njam ō. Ī-tə́gāī tasí dɔ naā tə́ sɔɔ̄ń táŕ kə́ ī-táriī naā ō.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

PILIPƏ 2:14

Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō.

GALATƏ 5:15

Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

1 TIMOTE 6:4

ni i de kə́ kɔjə rɔ̄ ādə̄n dɔ bo ō, ni i de kə́ ger̄ yá̰a̰ aĺ ō. Ngur nējə̄ naā najə̄ ō, kəhɔ naā najə̄ tə́ kə́ dan gān̄g aĺ ō i kemən tə́, adə̄ rāān kə́ mo̰y tə́. Nge ń noō a reē i kə kəndā naā nií ō, kɔ̄l̄ naá ō, tájə̄ naá ō, tetə kem kə́ majaĺ ō,

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

KOLOSƏ 3:8

Ba ngɔlaā ní ə́ya̰ī yá̰a̰ gə̄ ń toō kɔ̄ɔ́ malang: Wōn̄g ō, kum kil kóróró ō, kem ndul ō, tájə̄ ndū ō, ādī najə̄ kə́ to rɔ̄sɔl̄ teē tasí tə́ aĺ ō.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

1 KORḚNTƏ 15:9

Tɔdɔ̄ mā i kə́ dūú ngá̰ý dan ngaḿbang kəla gə̄ tə́ malang. Kə́ rɔ̄kum tə́ ɓáa m-ásə kadə̄ ɓāŕmə̄n̄ ngōmbang kəla alé, tɔdɔ̄ m̄-rāā Egəlijə yā Nə́ɓā yá̰á̰ kə́ tōr̄.

Makətūbə̄ ń Pol ndang adə̄ Rom gə̄ ní 13:13

Ādə̄ háĺjí i háĺ kə́ unjə̄ yā ngé njə̄rā dan kadaá gə̄: Jə-lōōī kəsa wa ō, ka̰ȳ kasə ngá̰ý ō, sāā naā loo kaya tə́ ō, jə-lōōī kɔ̄l̄ naā ō, kəndā naā nii ō.

Makətūbə̄ ń Pol ndang adə̄ Rom gə̄ ní 2:8

Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.