PILIPƏ 2:29 - Bibəl ta Sar̄

²⁹ I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄.

Bible sar

²⁹ I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄.

PILIPƏ 2:29 Referans Kwoze

1 TIMOTE 5:17

Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

1 TESALONIK 5:12

Ngákó̰ó̰jí gə̄, jə-dəjesí kadə̄ ī-ɓōlíī ndíl de kə́ dɔ dáńsí tə́ gə̄ ń ɔrən̄ sesí ō, Kɔ́ɔ̄ɓē əndādə́ dɔsí tə́ ō, a tāān̄sí ō ní.

1 KORḚNTƏ 16:18

Nin̄-rāān̄ adə̄ kemḿ tetə kə̄ nang tə́, tītə̄ ń rāān̄neé adə̄ kemsí sḭḭ̄ tetə kə̄ nang tə́ ō ní. Majə kadə̄ i-gerī ndigə de kə́ beē gə̄.

Makətūbə̄ ń Pol ndang adə̄ Rom gə̄ ní 16:2

Ə́hɔīin̄ kə̄ rɔ̄sí tə́ kə rī Kɔ́ɔ̄ɓēé tītə̄ ń majə kadə̄ de gə̄ yā Nə́ɓā rāān̄neé kə naá ní. Ré i yá̰á̰ kógə̄ḿ n tōr̄ rɔ̄n anī, ī-rāāī seneé. Tɔdɔ̄ ni-rāā kə de gēé ngá̰ý ō, rāā seḿ mə̄kɔ́ ō.

2 KORḚNTƏ 10:18

Tām̄ i deē ń əda najə̄ kə́ majə ngá̰ý dɔ rɔ̄n nəkɔ́ tə́ ní n a ndigənən̄ ní alé. Banī i deē ń Kɔ́ɔ̄ɓē əda najə̄ yān kə́ majə ní.

1 KORḚNTƏ 16:10

Ré Timote ugə̄ rɔ̄sí tə́ anī, ī-lōōī rāā kadə̄ ni-ndi kə ɓōló dansí tə́, tɔdɔ̄ ni a rāā i kəla yā Kɔ́ɔ̄ɓē tītə̄ yāḿ ō.

3 JA̰A̰ 1:10

Adə̄ ré m-ā m-āw̄ anī, m-ā m̄-ter̄ kemən dɔ kəla rāān gə̄ tə́. Ni-ɔr̄ najə̄ kə́ majaĺ ngá̰ý gə̄ dɔjí tə́, banī nge ń noō asən aĺ ɓáý, adə̄ əhɔ ngákó̰ó̰jí gə̄ kə̄ rɔ̄n tə́ aĺ ō, de gə̄ ń gḛyn̄ kəhɔdə́ kə̄ rɔ̄də́ tə́ ni a, ni ɔgə̄də́ kɔ̄ɔ́ ō, tə̄ɓādə́ kɔ̄ɔ́ Egəlijə tə́ ō.

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

KOLOSƏ 4:10

Aristark ń i dəngáy madə́ḿ ní, rāāsí lápə́ya. Mark kə́ ngōkó̰o̰ Barnabas rāāsí lápə́ya ō. Ni ní tāān̄sí najə̄ kə́ dɔn tə́ adə̄ ōōī ɓá. Ré ni-ugə̄ loosí anī, ə́hɔin̄ kə̄ rɔ̄sí tə́ majə.

2 KORḚNTƏ 7:2

Ādī j-ənge loo kemsí tə́ sḛ́ý! Jə-rāā deē kógə̄ḿ yá̰á̰ kə́ tōr̄ aĺ ō, jə-nujə yá̰a̰ kənge yā deē aĺ ō, j-əsa tətō deē aĺ ō.

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

KƏLA RĀĀ 28:10

Nin̄-rɔ̄ȳn̄jí ngá̰ý ō, ta kaw̄jí anī adə̄n̄jí sádə̄ gə̄ ngá̰ý ō.

KƏLA RĀĀ 8:8

Adə̄ rɔ̄ de gə̄ nel̄də́ ngá̰ý kem ɓē ní tə́.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

JA̰A̰ 13:20

Ādə̄ m-ə́dásí najə̄ kə́ bo ngá̰ý, deē ń əhɔ deē ń m-ə́lan ní kə̄ rɔ̄n tə́ ní, əhɔm̄ i mā nəkɔ́ kə̄ rɔ̄n anī. Ba deē ń əhɔm̄ kə̄ rɔ̄n tə́ ní, əhɔ i nge ń əlam̄ ní kə̄ rɔ̄n tə́.

Najə̄ kə́ Majə yā Jeju ń Luk ndang ní 9:5

Ba ré de gə̄ əhɔn̄sí kə̄ rɔ̄də́ tə́ aĺ anī ī-teēī kɔ̄ɔ́ kem ɓēé ba ī-*gógī bumbə́rú kə́ njasí tə́: Nge n noō i yá̰a̰ kɔjə tə́ tām̄ yādə́ tə́.

IJAI 52:7

Ka̰a̰ nge kəla kə́ nge reē kə najə̄ kə́ majaá loo reē tə́ dɔ mbal̄ gə̄ tə́ i yá̰á̰ kə́ to rɔ̄nel̄ ngá̰ý! Ni-əda najə̄ yā lɔm ō, kem majə ō, kajə ō. Ni ədaī ḭ̄ Jerusalem na: Nə́ɓā yāí i mban̄g.

PILIPƏ 2:28

Adə̄ m-ə́la seneé láẃ m-ādə̄sí yā kadə̄ ré á̰a̰niī anī rɔ̄sí nel̄sí ɓáý to̰ ō, kadə̄ rɔ̄nel̄ aĺ yāḿ mā i ngá̰ý to̰ aĺ ō.