PILIPƏ 2:27 - Bibəl ta Sar̄

²⁷ Rɔ̄kum tā a mo̰y rāān kə́ asə yon. Banī Nə́ɓā a̰a̰ kum tō ndoō yān, ba a̰a̰ i kum tō ndoō yān ní ngóy alé, a̰a̰ i kum tō ndoō yāḿ mā ō, tá kadə̄ rɔ̄ḿ nelə̄məń aĺ kə̄ dɔ madə̄ tə́ ɓáý to̰ alé.

Bible sar

²⁷ Rɔ̄kum tā a mo̰y rāān kə́ asə yon. Banī Nə́ɓā a̰a̰ kum tō ndoō yān, ba a̰a̰ i kum tō ndoō yān ní ngóy alé, a̰a̰ i kum tō ndoō yāḿ mā ō, tá kadə̄ rɔ̄ḿ nelə̄məń aĺ kə̄ dɔ madə̄ tə́ ɓáý to̰ alé.

PILIPƏ 2:27 Referans Kwoze

PĀ GƏ̄ 34:19

Kɔ́ɔ̄ɓē i ngɔr rɔ̄ de gə̄ ń kemdə́ nujə sák sák kɔ̄ɔ́ tə́ ní ō, ni ajə ngé gə̄ ń ndíĺdə́ sṵý kɔ̄ɔ́ ní ō.

PILIPƏ 2:30

Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.

2 KORḚNTƏ 2:7

I beé ní majə kadə̄ ngɔlaā ī-mā̰yī rɔ̄sí dɔn tə́ ō, ī-sɔlī kemən ō, na sōgə́ rɔ̄nel̄ aĺ kə́ ngá̰ý al̄ naā ń kemən tə́ ní taā tɔ́gən kɔ̄ɔ́.

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

KƏLA RĀĀ 9:37

Ba kem ndɔ̄ gə̄ ngeé ń noō tə́ ní mo̰y rāān adə̄ oy. Ndogə̄nən̄ ba ənīnən̄ kem kújə́ kə́ dɔɔ́ tə́.

Makətūbə̄ yā Job 5:19

Ni a ɔrī kum yá̰á̰ kə́ to ndíl ka̰ȳ kə́ mehḛ́ gə̄ tə́, tá kə́ nge ko̰ sīrí tə́ anī, yá̰á̰ kə́ majaĺ a ɔdiī alé.

IJAI 43:2

Dan ń ā ī-teē man̄ kə́ ɗúú ngá̰ý anī, mā i naā tə́ seí. Dan ń ā ī-teē bā gə̄ anī, man̄ a əhɔī alé. Dan ń ā ī-njə̄rā kum hor tə́ anī, hor a o̰o̰ī alé, ta ndo̰ hor gə̄ a ɔdən̄ rɔ̄í alé.

HABAKUK 3:2

Kɔ́ɔ̄ɓē, kəla rāāí kə́ bo bo gə̄ ní, m-ōō gotə. Kɔ́ɔ̄ɓē, dan ń m-ōō ní, m̄-ndew. Ī-rāā yá̰á̰ kə́ tītə̄ ń noō gə̄ dan ndijí kə kumjí tə́ ō, ī-rāā adə̄ de gə̄ gerə̄n̄də́ dan ndijí kə kumjí tə́ ō. Ká ré wōn̄g rāāī gə̄gē anī, ādə̄ əga kemií dɔ tár yāí tə́.

JEREMI 10:24

Kɔ́ɔ̄ɓē, ə́ndam̄, banī ādə̄ i kə looneé tá. ī-lōō kəndam̄ kə wōngōó na sōgə́ ī-rāām̄ ādə̄ m̄-to yá̰a̰ alé.

JEREMI 8:18

Yá̰á̰ kə́ asə kɔr̄ wur kɔl yāḿ gətóo. Rɔ̄ḿ kə taá malang oy yélélé.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.

IJAI 27:8

I beé alé, banī ni əndadə́ i mbée tām̄ majaĺ yādə́ tə́ kə ta kūl̄ tə̄ɓādə́ kɔ̄ɔ́, kə ta kūl̄ kəla sedə́ dɔ ɓē kə́ rang tə́ dɔ gúú tə́. Ni ɔydə́ kɔ̄ɔ́ kə ta kūl̄ koōn kə́ teē kə tɔ́gɔ́, tītə̄ kə́ i kə néĺ kə́ ngan̄g kə́ dūn̄ tə́ beē.

2 MBAN̄G 20:1

Dan ngeé ń noō tə́ ní mo̰y kə́ asə tɔ̄l̄ deē əhɔ Ejekias. Anī Ijai nge koō ta kə́ ngōn̄ Amots reē a̰a̰n ba ədan na: Kɔ́ɔ̄ɓē əda na kə ɔ́jə de kə́ kem kújə yāí tə́ gə̄ yá̰a̰ gə̄ ń kadə̄ rāān̄ ní, tɔdɔ̄ ā óy, ā ájə alé!

JEREMI 45:3

Ḭ̄ ə́da na: Rɔ̄ ndoō wa. Tɔdɔ̄ Kɔ́ɔ̄ɓē na tél ənī wur kɔl dɔ yá̰a̰ gə̄ ń tōrə̄n̄ rɔ̄í tə́ ní, tɔ́gí na təgā kɔ̄ɔ́ loo to̰ō̰ rus rus tə́, na á̰a̰ loo taā koō alé.

PILIPƏ 2:26

Ngur ka̰a̰sí malang rāān ngá̰ý, tá ni-sōl̄ tɔdɔ̄ ōōī kōō mo̰y yān.

PILIPƏ 2:28

Adə̄ m-ə́la seneé láẃ m-ādə̄sí yā kadə̄ ré á̰a̰niī anī rɔ̄sí nel̄sí ɓáý to̰ ō, kadə̄ rɔ̄nel̄ aĺ yāḿ mā i ngá̰ý to̰ aĺ ō.