PILIPƏ 2:26 - Bibəl ta Sar̄

²⁶ Ngur ka̰a̰sí malang rāān ngá̰ý, tá ni-sōl̄ tɔdɔ̄ ōōī kōō mo̰y yān.

Bible sar

²⁶ Ngur ka̰a̰sí malang rāān ngá̰ý, tá ni-sōl̄ tɔdɔ̄ ōōī kōō mo̰y yān.

PILIPƏ 2:26 Referans Kwoze

PILIPƏ 1:8

m̄-táŕsí malang kə ta kūl̄ tár yā Jeju Kərist. Nge ń noō ní Nə́ɓā i de kə́ kum tə́ yāḿ loon tə́.

EPEJƏ 3:13

Adə̄ ī-lōōī kadə̄ wur kɔl gə̄ ń əsōn̄ dɔḿ tə́ tām̄ yāsí tə́ ní, ɔrə̄n̄ tɔ́gə́sí kɔ̄ɔ́, tɔdɔ̄ nge ń noō i kɔsə gɔn yāsí.

Makətūbə̄ ń Pol ndang adə̄ Rom gə̄ ní 12:15

Ī-rāāī rɔ̄nel̄ kə ngé gə̄ ń rɔ̄də́ nel̄də́ ní ō, ī-nōōī kə ngé gə̄ ń a nōōn̄ ní ō.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

Gōsə̄ najə̄ gə̄ 12:25

Sōl̄ i yá̰á̰ kə́ a ɔr̄ tɔ́gə deē, banī najə̄ kə́ majə i yá̰á̰ kə́ a adə̄ deē rɔ̄nel̄.

PILIPƏ 4:1

I beé ní ngákó̰ó̰ḿ gə̄, sḭḭ̄ ń i kó tár yāḿ gə̄ ní, ngur kadə̄ m̄-téĺ m-á̰á̰sí gogə́ rāām̄ ngá̰ý. Kó tár yāḿ gə̄, sḭḭ̄ ń i rɔ̄nel̄ yāḿ ō, jākā mbang yāḿ ō ní, ī-raī ngan̄g tītə̄ ń noō dɔ ɓoo naā yāsí tə́ kə Kɔ́ɔ̄ɓēé.

Makətūbə̄ ń Pol ndang adə̄ Rom gə̄ ní 9:2

Kemḿ nelə̄m̄ aĺ ngá̰ý ō, najə̄ tōr̄ kemḿ ngá̰ý kanjə̄ dəba ō.

MATIYE 26:37

Ni un Piyer ō, ngán Jebede kə́ jōó gə̄ ō seneé. Loo ń noō tə́ rɔ̄n əla gír nelə̄n aĺ ō, kemən əla gír sōl̄ ō.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

PĀ GƏ̄ 69:20

Ī-ger̄ kadə̄ tájə̄mə̄n̄ ō, rɔȳmə̄n̄ aĺ ō, əlan̄ rɔ̄sɔl̄ kə́ ngá̰ý dɔḿ tə́ ō, madə̄ kɔ̄lə̄ḿ gə̄ ḭḭ ran̄ noḿ tə́ malang ō.

2 SAMUEL 13:39

Ta tɔ̄l̄ ta anī, wōn̄g ń ni-aw̄ń kemən tə́ kə Absalom ní tetə, tɔdɔ̄ kemən tél sɔl̄ kɔ̄ɔ́ najə̄ yā Amnon tə́.

1 PIYER 1:6

Ká ré yá̰á̰ kə́ tōr̄ gə̄ a reēn̄ dɔsí tə́ yā nāāsí yā kadə̄ rɔ̄sí nel̄sí aĺ gə̄gē anī, ī-rāāī rɔ̄nel̄ najə̄n tə́.

PILIPƏ 1:3

Kə dɔ ndɔ̄ gə̄ ń m-ā m̄-gírəń dɔsí tə́ noō, m̄-ndadə̄ m-ādə̄ Nə́ɓā yāḿ tām̄ yāsí tə́ malang.

GALATƏ 6:2

Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń ndū najə̄ yā Kərist əda ní.

2 KORḚNTƏ 9:14

Nin̄ a ndɔ̄ȳn̄ tām̄ yāsí tə́, tɔdɔ̄ nel̄də́ sesí najə̄ kem majə ń Nə́ɓā rāā sesí ngá̰ý tə́ ní.

1 KORḚNTƏ 12:26

Ré ngōn̄ rɔ̄jí kógə̄ḿ i mo̰y anī, gotə rɔ̄jí malang i mo̰y ō. Ré rɔȳn̄ ngōn̄ rɔ̄jí kə́rēý anī, gotə rɔ̄jí gə̄ malang rāān̄ rɔ̄nel̄ seneé ō.

Makətūbə̄ ń Pol ndang adə̄ Rom gə̄ ní 1:11

Ngur kaw̄ ka̰a̰sí rāām̄ ngá̰ý, yā kadə̄ m-āw̄ m-ādə̄sí kadə̄ karī yā Ndíl kadə̄ ə́ngeīneé tɔ́gə.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

Makətūbə̄ yā Job 9:27

M-ɔ̄r̄ najə̄ kə rɔ̄ḿ m-ə́da na: Majə kadə̄ dɔḿ ndígə̄nal nō rɔ̄ yāḿ kɔ̄ɔ́ ō, m̄-lōō gír rɔ̄nel̄ aĺ yāḿ tə́ ba m-ādə̄ rɔ̄ḿ nelə̄m̄ ō.

2 SAMUEL 24:17

Dan ń Dabid a̰a̰ de kə́ dɔ rā̰ tə́ loo tɔ̄l̄ de gə̄ tə́ anī, əda Kɔ́ɔ̄ɓē na i ni Dabid n n-mān̄ dɔ ndū najə̄ yā Nə́ɓā ō, n-rāā yá̰á̰ kə́ gōtə́ aĺ ō ní, ba ké batə̄ gə̄ ń noō ké rāān̄ yādə́ i rí wa. Ní kadə̄ kə Kɔ́ɔ̄ɓē kə rāān nəkɔ́ ō, gír kojə yān ō, yá̰á̰ kə́ tōr̄.

PILIPƏ 2:25

M-á̰á̰ ní majə kadə̄ m̄-tél m-ə́la kə ngōkó̰ó̰jí Epapəroditə gogə́ m-ādə̄sí. Ni i madə̄ kəlaḿ ō, madə̄ rɔ̄ɔ̄ḿ ō. Sḭḭ̄ ə́laniī adə̄ reē kə yá̰a̰ gə̄ ń ndoōdə́ rāām̄ ní adə̄m̄.

PILIPƏ 2:27

Rɔ̄kum tā a mo̰y rāān kə́ asə yon. Banī Nə́ɓā a̰a̰ kum tō ndoō yān, ba a̰a̰ i kum tō ndoō yān ní ngóy alé, a̰a̰ i kum tō ndoō yāḿ mā ō, tá kadə̄ rɔ̄ḿ nelə̄məń aĺ kə̄ dɔ madə̄ tə́ ɓáý to̰ alé.