PILIPƏ 2:22 - Bibəl ta Sar̄

²² Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē.

Bible sar

²² Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē.

PILIPƏ 2:22 Referans Kwoze

1 KORḚNTƏ 4:17

I tām̄ najə̄ ń noō tə́ n m-ə́la Timote rɔ̄sí tə́ ní. Ni i ngōnə̄ḿ kə́ ra dɔ ndūn tə́ kə́ m̄-tárən ngá̰ý sɔɔ̄ń Kɔ́ɔ̄ɓē. Ndū najə̄ gə̄ ń m-ún gō á m̄-ndiń kə Kərist ní, ni a ter̄ kemsí dɔ tə́. Adə̄ i yá̰a̰ gə̄ ń m̄-ndóō de gə̄ kə̄ kem Egəlijə gə̄ tə́ malang ní.

2 TIMOTE 1:2

Timote, ngōn̄ kó tár yāḿ, i ḭ̄ n m̄-ndang makətūbə̄ ń toō m-ādī ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Jeju Kərist rāān̄ kem majə seí ō, a̰a̰n̄ kum to ndoō yāí ō, sɔlə̄n̄ kemií ō.

1 TIMOTE 1:2

n m-ə́la kə makətūbə̄ ń toō m-ādī ḭ̄ Timote ní. Ḭ̄ i ngōnə̄ḿ kə́ rɔ̄kum, tɔdɔ̄ i mā n m̄-rāā adə̄ ī-taā kem ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Kərist Jeju rāān̄ kem majə seí ō, a̰a̰n̄ kum tō ndoō yāí ō, sɔlə̄n̄ kemií ō.

2 KORḚNTƏ 2:9

Tɔdɔ̄ yá̰á̰ ń m̄-ndang makətūbə̄ m-ādə̄sí yā rāań ní n toó: I kadə̄ m̄-nāańsí ké ā ōōī taḿ tū yá̰a̰ gə̄ tə́ malang wa.

1 TIMOTE 1:18

Ngōnə̄ḿ Timote, yá̰a̰ gə̄ ń m-ə́daī kadə̄ ī-rāā ní, i kə gō najə̄ gə̄ ń Nə́ɓā əndā ta ngé koō ta yān gə̄ tə́ adə̄ ədan̄ dɔí tə́ kété ní. Ādə̄ najə̄ gə̄ ngeé ń toō adīn̄ tɔ́gə kadə̄ ī-rɔ̄ɔń rɔ̄ɔ̄ kə́ majə ń ā ī-rāā yā ra ta tə́ ní.

2 KORḚNTƏ 8:22

Ngōkó̰ó̰jí ń jə-nāān tū yá̰a̰ gə̄ tə́ nja i ngá̰ý ba ɔjə kə̄ ndágá kadə̄ o̰o̰n tɔdɔ̄ kəla ngá̰ý ní, j-əlan kadə̄ aw̄ sedə́. Ngɔlaā o̰o̰n tɔdɔ̄ kəla ngá̰ý tɔȳ kə́ kété ɓáý, tɔdɔ̄ ni-ənī kemən mámák adə̄sí.

TITƏ 1:4

m̄-ndang makətūbə̄ ń toō m-ə́lań m-ādə̄ i ḭ̄ Titə, ngōnə̄ḿ kə́ rɔ̄kum sɔɔ̄ń taā kem kə́ kógə̄ḿ beē kə́ j-əga naā dɔ tə́. Ādə̄ Bɔbə̄jí Nə́ɓā nin̄ kə Jeju Kərist nge kajəjí, rāān̄ kem majə seí ō, sɔlə̄n̄ kemií ō.

2 TIMOTE 3:10

Banī ḭ̄ ún gō yá̰á̰ ndóō ń m-ɔ́jə de gə̄ ní ō, úń hálə́ḿ ō, ī-ger̄ yá̰a̰ gə̄ ń m̄-núm̄ ní ō, loo taā kem yāḿ tə́ ō, tə́gā ta yāḿ ō, táŕ yāḿ ō, kəhɔ rɔ̄ tɔgə yāḿ ō.

PILIPƏ 2:20

I ni ngóy n i de kə́ gír̄ yān i tītə̄ yāḿ ō, de kə́ nge sōl̄ najə̄ yāsí tə́ kə́ rɔ̄kum tə́ ō ní.

2 KORḚNTƏ 8:24

Ɔ́jiīdə́ kadə̄ ī-táriīdə́ kə́ rɔ̄kum tə́ ādə̄ de gə̄ kə́ kem Egəlijə tə́ gə̄ gerə̄n̄. Loo ń noō tə́ kɔr ń j-ɔr ta rɔ̄jí najə̄ yāsí tə́ ta kumdə́ tə́ ní, najə̄ i yājí.

2 KORḚNTƏ 8:8

I yá̰á̰ kə́ m-ɔ́sə sesí ta rāā alé, ba dan ń m-ɔ́jə́sí loo kəndā ń madə̄sí gə̄ əndān̄ rɔ̄də́ ta yá̰á̰ tə́ rāān̄ ní, m̄-nāāsí i mbéé m-á̰a̰ń ké tár yāsí i kə́ rɔ̄kum wa ngóy.

KƏLA RĀĀ 16:2

Rī Timote ní ɓār̄ majə ngá̰ý dan ngákó̰ó̰jí gə̄ kə́ Listər tə́ ō, kə́ Ikoniyɔm tə́ ō.

Makətūbə̄ ń Pol ndang adə̄ Rom gə̄ ní 5:4

adə̄ kəhɔ rɔ̄ tɔgə yājí rāā adə̄ Nə́ɓā ndigə taā kem yājí ō. Ndigə ń ndigə taā kem yājí ní rāā kadə̄ j-əndāī kemjí dɔn tə́ ō.

1 KORḚNTƏ 16:10

Ré Timote ugə̄ rɔ̄sí tə́ anī, ī-lōōī rāā kadə̄ ni-ndi kə ɓōló dansí tə́, tɔdɔ̄ ni a rāā i kəla yā Kɔ́ɔ̄ɓē tītə̄ yāḿ ō.

PILIPƏ 1:5

Tɔdɔ̄ sḭḭ̄ ī-ɓooī naā sejí dɔ kəla kɔjə Najə̄ kə́ Majə tə́. Ə́laī gír i ndɔ̄ kə́ ta kəga dɔ tə́ bátə́ ɓōólaā.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

PILIPƏ 1:12

Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

PILIPƏ 1:16

Ngé gə̄ ń toō rāān̄ yá̰a̰ i kə tárá, tɔdɔ̄ nin̄-gerə̄n̄ kadə̄ Nə́ɓā əla kəla rɔ̄ɔ̄ dɔ Najə̄ kə́ Majə tə́ i gír̄ jīḿ mā tə́.

1 TIMOTE 4:6

Ré ɔ́jə́ ngákó̰ó̰í gə̄ yá̰a̰ gə̄ ń toō anī, ḭ̄ i nge rāā kəla kə́ majə yā Kərist Jeju, kə́ ulīn̄ kə najə̄ gə̄ kə́ dɔ taā kem tə́ ō, kə yá̰á̰ ndóō kə́ majə ń ún gō ní ō.