PILIPƏ 2:2 - Bibəl ta Sar̄

² I beé ɓáa ī-rāāī ādə̄ rɔ̄nel̄ yāḿ i rɔ̄nel̄ kə́ ɔtə̄ kə taá mámák. Ādī gír̄ yāsí i kógə̄ḿ beē ō, tár yāsí i kógə̄ḿ beē ō, kemsí i kógə̄ḿ beē ō, yá̰á̰ ń ī-sāāī rāā ní i yá̰á̰ kə́ kógə̄ḿ beē ō.

Bible sar

² I beé ɓáa ī-rāāī ādə̄ rɔ̄nel̄ yāḿ i rɔ̄nel̄ kə́ ɔtə̄ kə taá mámák. Ādī gír̄ yāsí i kógə̄ḿ beē ō, tár yāsí i kógə̄ḿ beē ō, kemsí i kógə̄ḿ beē ō, yá̰á̰ ń ī-sāāī rāā ní i yá̰á̰ kə́ kógə̄ḿ beē ō.

PILIPƏ 2:2 Referans Kwoze

Makətūbə̄ ń Pol ndang adə̄ Rom gə̄ ní 12:16

Ādī kemsí i kógə̄ḿ kə naá. Ī-lōōī ka̰a̰ rɔ̄sí yá̰á̰ kə́ ngá̰ý tə́ ba rāā madə̄sí gə̄ yá̰a̰ aĺ tə́. Banī ī-rāāī kəla kə́ to kɔjə rɔ̄ aĺ gə̄. Ī-lōōī ka̰a̰ rɔ̄sí ngé kum kedə̄ gə̄ tə́.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

3 JA̰A̰ 1:4

Rɔ̄nel̄ yāḿ kə́ ngá̰ý i kadə̄ m-ōō na ngánə́ḿ gə̄ na njə̄rān̄ gō najə̄ kə́ rɔ̄kum tə́.

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

2 JA̰A̰ 1:4

Dan ń m-á̰á̰ ngání gə̄ loo njə̄rā tə́ gō najə̄ kə́ rɔ̄kum tə́ tītə̄ ń Bɔbə̄ Ngōn̄ ədańjí kadə̄ jə-rāāī ní, rɔ̄ḿ nelə̄m̄ ngá̰ý.

2 TESALONIK 2:13

Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō.

KOLOSƏ 2:5

Ká ré m̄-gətóo dansí tə́ kə dā̰ rɔ̄ḿ gə̄gē anī, ndílə́ḿ i sesí. Adə̄ rɔ̄ḿ nelə̄m̄ dan ń sḭḭ̄ ī-ndiī kə gōó ō, ī-raī dɔ Kərist ń ī-taāī kemən tə́ ní ādī ngan̄g ō ní.

PILIPƏ 4:2

Ebodi ō, Sḛntisə ō, m̄-rāāsí ɓɔ́, ādī gír̄ yāsí i kógə̄ḿ beē tītə̄ ngákó̰o̰ naā kə́ dəyá̰ gə̄ kə́ ɓoon̄ naā kə Kɔ́ɔ̄ɓēé.

PILIPƏ 2:20

I ni ngóy n i de kə́ gír̄ yān i tītə̄ yāḿ ō, de kə́ nge sōl̄ najə̄ yāsí tə́ kə́ rɔ̄kum tə́ ō ní.

2 KORḚNTƏ 7:7

Tá i reē kugə̄n ngóy n sɔl̄ kemjí ní alé, ba sɔl̄ ń ī-sɔlī kemən á ni-ədají gotə ní sɔl̄ kemjí ō. Ni-ədají na ngur ka̰a̰ḿ na rāāsí ngá̰ý ō, na ī-nōōmī ngá̰ý kə man̄ kumsí ō, o̰o̰sí tɔdɔ̄ḿ ngá̰ý ō, adə̄ rɔ̄ḿ nelə̄m̄ ngá̰ý ɓáý to̰ najə̄n tə́.

2 KORḚNTƏ 2:3

I tām̄ najə̄ ń noō tə́ n m̄-ndangəń makətūbə̄ m-ə́lań kété m-ādə̄sí ní, i yā kadə̄ ré m-ūgə̄ anī ī-rāāmə̄n̄neé kadə̄ kemḿ nelə̄m̄ aĺ alé. Tɔdɔ̄ ngé gə̄ ń majə kadə̄ rāāmə̄n̄ kadə̄ kemḿ nelə̄m̄ ní i sḭḭ̄. Tɔdɔ̄ m̄-ger̄ majə kadə̄ sḭḭ̄ ní ré rɔ̄ḿ mā nelə̄m̄ anī, rɔ̄sí sḭḭ̄ malang a nel̄sí ō.

KƏLA RĀĀ 5:12

Yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, rāān̄ yá̰á̰ ngá̰ý dan ngán Israel gə̄ tə́ kə ta kūl̄ ngámbang kəla gēé. Nin̄ malang ní kemdə́ i kógə̄ḿ ō, ran̄ naā tə́ loo kógə̄ḿ ō, gír dabə yā Salomo̰ kə́ rāā kə mbalá tə́.

KƏLA RĀĀ 1:14

Nin̄ malang ní kemdə́ i kógə̄ḿ ō, əhɔn̄ rɔ̄də́ tɔgə loo ndɔ̄ȳ tə́ kə dɔ ndɔ̄ gə̄ ō. Nin̄-ndin̄ i kum naā tə́ kə dəyá̰ gēé ō, kə Mari kó̰o̰ Jeju ō, ngákó̰o̰ Jeju gə̄ ō.

PILIPƏ 1:4

Kə dɔ ndɔ̄ȳ gə̄ malang ń m-ā m̄-ndɔ̄yń tām̄ yāsí tə́ noō, m-ā m̄-ndɔ̄ȳ i kə rɔ̄nelēé.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

2 TIMOTE 1:4

Dan ń əga kemḿ dɔ man̄ kumií tə́ ní, ngur ka̰a̰í rāām̄ ngá̰ý. Ré m-á̰a̰ī anī, rɔ̄ḿ a nelə̄m̄ ngá̰ý.

KƏLA RĀĀ 2:1

Dan ń ndɔ̄ Pa̰təkotə ugə̄ anī, nin̄ malang kánə̄n̄ naā loo kə́ kógə̄ḿ beē tə́.

PILEMO̰ 1:20

A̰á̰ā̰, ngōkó̰ó̰ḿ, ī-rāā kem majə ń toō seḿ tām̄ yā Kɔ́ɔ̄ɓē tə́. Ī-rāā ādə̄ kemḿ tetə kə̄ nang tə́ kem Kərist tə́.

PĀ GƏ̄ 122:8

m̄-ndə̄ngā kadə̄ lápə́ya to looí, najə̄ yā ngákó̰ó̰ḿ gə̄ tə́ ō, madə̄ taḿ gə̄ tə́ ō.