PILIPƏ 2:17 - Bibəl ta Sar̄

¹⁷ Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

Bible sar

¹⁷ Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

PILIPƏ 2:17 Referans Kwoze

2 TIMOTE 4:6

M-ə̄ndā dɔ rɔ̄ḿ danaá kɔ̄ɔ́ yā kadə̄ m-ādə̄ Nə́ɓā rɔ̄ḿ, adə̄ m̄-to i tītə̄ kasə nduú kə́ yā tə́te dɔ loo tun̄ yá̰a̰ tə́ beē. Kum mbang koyḿ asə kɔ̄ɔ́.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

2 KORḚNTƏ 12:15

m̄-ndigə ngá̰ý kadə̄ m-ādə̄ yá̰a̰ yāḿ malang ō, m-ādə̄ rɔ̄ḿ mə̄kɔ́ ō, yā rāań sesí. Ré m̄-táŕsí asə naā beé anī, ā ī-tármī sḛ́ý beē a?

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

2 KORḚNTƏ 7:4

M-ə̄nā kemḿ mámák m-ādə̄sí. M-ɔ́r ta rɔ̄ḿ ngá̰ý najə̄ yāsí tə́. Dan wur kɔl yājí gə̄ tə́ malang ní, m-ə́nge kem sɔl̄ ngá̰ý ō, rɔ̄ḿ nelə̄m̄ ngá̰ý ō.

1 JA̰A̰ 3:16

Jḭḭ̄ jə-gerī tár i kə ta kūl̄ yá̰á̰ ń toō: Jeju Kərist oy i tām̄ yājí tə́. Ní, majə kadə̄ jḭḭ̄ j-oyiī tām̄ yā ngákó̰ó̰jí gə̄ tə́ ō.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

1 TESALONIK 2:8

O̰o̰jí tɔdɔ̄sí ngá̰ý, adə̄ jə-ndigə i kɔjəsí Najə̄ kə́ Majə yā Nə́ɓā ngóy alé, banī i kadə̄ rɔ̄jí tām̄ yāsí tə́ ō, tɔdɔ̄ sḭḭ̄ ī-téliī i kó tár yājí gə̄.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

PILIPƏ 2:30

Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

TƏ́DA 28:6

Róō dā̰ horoó kə dɔ ndɔ̄ gə̄ ngeé ń toō un i ta nge ń əlan̄ gír dɔ mbal̄ Sinai tə́ ní. I yá̰a̰ kəsa kə́ sēēn sɔl̄ kem Kɔ́ɔ̄ɓē.

TƏ́DA 28:7

A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem loo kə́ táĺ tə́.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.

PILIPƏ 2:18

Majə kadə̄ rɔ̄sí sḭḭ̄ nel̄sí ō, ī-rāāī rɔ̄nel̄ seḿ ō.

2 KORḚNTƏ 4:12

I tītə̄ ń noō n yo a rāań kəla kemjí jḭḭ tə́, banī ndi kə kumuú a rāań kəla kemsí sḭḭ̄ tə́ ní.