PILIPƏ 2:14 - Bibəl ta Sar̄

¹⁴ Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō.

Bible sar

¹⁴ Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō.

PILIPƏ 2:14 Referans Kwoze

1 PIYER 4:9

Əhɔī naā kə̄ rɔ̄sí tə́ kanjə̄ ɓar̄ najə̄ gō tə́.

1 KORḚNTƏ 10:10

Ī-lōōī yṵ́r̄ najə̄, tītə̄ ń ngé kə́rēý gə̄ dandə́ tə́ yṵ́rə̄n̄neé, adə̄ nin̄-udən̄ kɔ̄ɔ́ jī nge kəla yā Nə́ɓā kə́ nge tɔ̄l̄ yo tə́ ní.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

JAKƏ 5:9

Ngákó̰ó̰ḿ gə̄, ī-nōōī rɔ̄sí dɔ naā tə́ alé, ādə̄ Nə́ɓā gāngəń sarya dɔsí tə́ alé. Tɔdɔ̄ nge gān̄g sarya i ta róbə́ tə́ kɔ̄ɔ́.

Makətūbə̄ ń Pol ndang adə̄ Rom gə̄ ní 12:18

Ré asiī anī, ī-rāāī yá̰a̰ malang ń ngəran i gír jīsí tə́ ní kadə̄ ī-ndiīń kə kem sɔl̄ lɔm kə de gə̄ malang.

1 TESALONIK 5:15

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

JAKƏ 1:20

Tɔdɔ̄ wōn̄g yā deē a rāā yá̰á̰ kə́ gōtə́ yā Nə́ɓā alé.

GALATƏ 5:26

Jə-lōōī kɔjə rɔ̄jí ō, kadə̄ naá wōn̄g, aláa kəndā naā nii ō.

GALATƏ 5:15

Ba ré ā ī-tó̰ō̰ī i naā ō, ā ī-rə́yā̰ī i naā ō anī, á̰a̰ī majə na sōgə́ i nujiī naā.

JAKƏ 3:14

Ba ré ə̄ndāī naā nii adə̄ wursí atə̄sí kárárá kə naá ō, ā ī-rɔ̄ɔ̄ī naā dɔ yá̰á̰ tə́ ō anī, ī-lōōī hítə̄ rɔ̄sí ō, nujə najə̄ kə́ rɔ̄kum kə sor̄ yāsí ō.

Makətūbə̄ ń Pol ndang adə̄ Rom gə̄ ní 14:1

Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

PĀ GƏ̄ 106:25

Tāmə̄n̄ kə̄ kem kújə tandā yādə́ gə̄ tə́ ō, oōn̄ ta Kɔ́ɔ̄ɓē aĺ ō.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

1 PIYER 3:11

Majə kadə̄ ni-tūr̄ gidən kɔ̄ɔ́ ta yá̰á̰ kə́ majaĺ tə́ ba rāā yá̰á̰ kə́ majə ō, əhɔ rɔ̄n tɔgə loo sāā lɔm tə́ ō.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

KƏLA RĀĀ 15:2

Gō najə̄ ngeé ń noō tə́ ní míndə kasə naā aĺ to ō, Pol nin̄ kə Barnabas nējə̄n̄ naā najə̄ kə de gə̄ ní ngá̰ý dɔ najə̄ ní tə́ ō. Anī de gə̄ gḛyn̄ kadə̄ Pol ō, Barnabas ō, de kə́rēý gə̄ kə́ A̰tiyos ō, aw̄n̄ Jerusalem kadə̄ aw̄ ɔrə̄n̄ najə̄ ní kə ngámbang kəla gēé ō, kə kum kɔɔ̄ gēé ō.

KƏLA RĀĀ 6:1

Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī Jipə kə́ ngé kɔr̄ ta Gərek gə̄ tāmən kə Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

1 TESALONIK 5:13

Ī-rɔyīdə́ ngá̰ý kə tárá tām̄ kəla ń nin̄-rāān̄ tə́ ní. Ī-ndiī kə naá kə kem sɔl̄ lɔmɔɔ́.

TƏ́DA 14:27

Ngán Israel gə̄ kə́ ngé ta majaĺ gə̄ ń toō a asədə́ tam̄ seḿ i rə́ngáý tə́?

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

KƏLA RĀĀ 15:39

Mbātə́ najə̄ gō naā tə́ yādə́ ní gō reē ngan̄g ngá̰ý adə̄ nin̄-əya̰n̄ naā. Ta anī Barnabas gə̄rā Mark kadə̄ aw̄ unən̄ to bo ta kaw̄ kə̄ dor̄ kə́ Sipər tə́ ō,

KƏLA RĀĀ 15:7

Dan ń nin̄-nējə̄n̄ naā najə̄ ngá̰ý anī, Piyer ḭḭ dɔɔ́ ba ədadə́ na: Ngákó̰ó̰ḿ gə̄, ī-gerī majə kadə̄ ta kəla gíŕ tə́ ní Nə́ɓā gə̄rām̄ adə̄ m-ɔ́jə de gə̄ ń i Jipə aĺ gə̄ ní Najə̄ kə́ Majə ɓēé loosí laā adə̄ oōn̄ ō, taān̄ kem ō.

MARK 14:5

Nə́ngētə́ igən̄ ítər ń toō anī, a əngen̄ narən asə gúrsə dūbú kutə yā rāań kə ngé ndoō gēé. Adə̄ wōn̄g rāādə́ seneé ngá̰ý.

MATIYE 20:11

Dan ń taān̄ gúrsə yādə́ anī, tāmən̄ kə kɔ́ɔ̄ ndɔrɔ́ ədan̄ na:

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

MARK 9:14

Dan ń nin̄-reē ugə̄n̄ rɔ̄ ngé ndóō yá̰a̰ yān gə̄ tə́ anī, a̰a̰n̄ kósə de gə̄ ngá̰ý gīrə̄n̄ gidədə́ ō, ngé ndóō de gə̄ ndū najə̄ gə̄ ran̄ a nējə̄n̄ najə̄ sedə́ ō.

Najə̄ kə́ Majə yā Jeju ń Luk ndang ní 5:30

Anī Parijiyḛ gə̄ ō, ngé ndóō de gə̄ ndū najə̄ gə̄ ń nin̄ i gír yā Parijiyḛ gə̄ tə́ ō ní, yṵ́rə̄n̄ najə̄ ba ədan̄ ngé ndóō yá̰a̰ yā Jeju gə̄ na: I tām̄ rí tə́ á ə́saī yá̰a̰ ō, ā̰yī ō naā tə́ kə ngé taā lambóo gə̄ ō, ngé rāā majaĺ gə̄ ō ní?