PILIPƏ 2:13 - Bibəl ta Sar̄

¹³ Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

Bible sar

¹³ Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

PILIPƏ 2:13 Referans Kwoze

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

2 KORḚNTƏ 3:5

Tɔdɔ̄ jḭḭ ń toō j-asə rāā yá̰á̰ kógə̄ḿ kə deē dɔjí alé, banī i Nə́ɓā nəkɔ́ n rāā tá jḭḭ j-asəń rāā yá̰á̰ ní.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

Makətūbə̄ ń Pol ndang adə̄ Rom gə̄ ní 9:16

Adə̄ gə̄rā ń Nə́ɓā gə̄rā de gə̄ ní, i tām̄ kem ndigə yā deē tə́ aĺ ō, i tām̄ kəhɔ rɔ̄ tɔgə yā deē tə́ aĺ ō, banī i kə gō ka̰a̰ ń Nə́ɓā nəkɔ́ a̰a̰ kum tō ndoō yā deē ní ngóy.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

JA̰A̰ 3:27

Anī Ja̰a̰ əda na: Deē kógə̄ḿ kə́ asə taā yá̰a̰ kanjə̄ kadə̄ i Nə́ɓā n adə̄n yá̰á̰ ní gətóo.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

1 KORḚNTƏ 12:6

Gír kəla gə̄ i ngá̰ý, banī i Nə́ɓā kə́ kal kógə̄ḿ beē n rāādə́ malang kemjí gə̄ tə́ malang ní.

2 TESALONIK 1:11

I tām̄ ń toō tə́ n jə-ndɔ̄ȳ Nə́ɓā ngándáńg tām̄ yāsí tə́ ní, yā kadə̄ de gə̄ rāān̄sí de gə̄ kə́ ásiī tām̄ yā ɓāŕ ń Nə́ɓā ɓāŕsí tə́ ní. Yā kadə̄ Nə́ɓā adə̄sí tɔ́gə kadə̄ ī-rāāīneé yá̰a̰ malang kə́ majə ń kemsí gḛy ní ō, rāā adə̄ taā kem yāsí rāā kəla ō.

EPEJƏ 1:5

Sɔɔ̄ń táŕ kə́ kemən tə́ ní, nəkɔ́ əndā dɔjí danaá kété kadə̄ jə-téliī ngánən gə̄ kə ta kūl̄ Jeju Kərist. Ni-gḛy kadə̄ i tītə̄ ń noō, tɔdɔ̄ nelə̄n.

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

1 MBAN̄G GƏ̄ 8:58

Ādə̄ tūr̄ kemjí kə̄ rɔ̄n tə́ kadə̄ j-uniīń gō róbə́ ń ni ɔjəjí ní: Adə̄ ī-rāā yá̰a̰ gə̄ ń ni ədají kadə̄ jə-rāāī ní ō, yá̰a̰ gə̄ ń ndū najə̄ əda ní ō, yá̰a̰ kāgə̄ ɓē gə̄ ń ɔjə kaají gə̄ ní ō.

PĀ GƏ̄ 119:36

Ī-tūr̄ kemḿ kə̄ rɔ̄ yá̰a̰ gə̄ ń ə́dá tə́ ní, ba ī-lōō tūr̄ kemḿ kə̄ rɔ̄ yá̰a̰ kənge tə́.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

EPEJƏ 1:9

I tītə̄ ń noō n ni-rāā adə̄ kumjí teē dɔ yá̰á̰ kə́ yáā ń kem majə yān sāā rāā tə́, adə̄ i yá̰á̰ ń ni núm̄ rāā kə ta kūl̄ Kərist,

JA̰A̰ 6:65

Ni-əda na: I tām̄ najə̄ ń toō tə́ n m-ə́dásí na deē kógə̄ḿ kə́ asə reē rɔ̄ḿ tə́ kanjə̄ kadə̄ i Bɔbə́ḿ n adə̄n ta róbə́ ní gətóó ní.

JEREMI 32:38

Nin̄ a télən̄ gír deē yāḿ gə̄ ō, mā m̄-tél Nə́ɓā yādə́ ō.

Makətūbə̄ ń Pol ndang adə̄ Rom gə̄ ní 9:11

Ba loo gə̄rā ń Nə́ɓā a gə̄rā de gə̄ ní, i yá̰á̰ kə́ nəkɔ́ ɔjə loon kété jóo: Nə́ɓā a gə̄rā de gə̄ i kə gō ɓāŕ ń nəkɔ́ a ɓāŕdə́ ní, banī i tām̄ kəla rāādə́ gə̄ tə́ alé. Yā kɔjəń kadə̄ n-əya̰ yá̰á̰ kə́ nəkɔ́ ɔjə loon kété kɔ̄ɔ́ aĺ ní, Nə́ɓā əda Rebeka na: Nge kə́ nga tɔ́gə a əla dɔn gíŕ tɔ́gə yā nge kə́ dūú tə́ ní. Ba dan ngeé ń noō tə́ ní Rebeka ojə ngán gə̄ ní aĺ ɓáý.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

ESDRAS 1:1

Kem ɓāl̄ kə́ ta kəga dɔ ń Sirus ndiń mban̄g dɔ ɓē ko̰o̰ kə́ Persə tə́ ní, Kɔ́ɔ̄ɓē gḛy rāā yá̰á̰ ń ni-əndā ta Jeremi nge koō ta tə́ adə̄ əda kété ní. Ni ndól̄ hángal Sirus mban̄g kə́ Persə kadə̄ ənī mbēr̄ ō, ndang makətūbə̄ ō, yā kədań de kə́ kem ɓē ko̰o̰ yān tə́ gə̄ malang na:

ESDRAS 7:27

Ādə̄ de gə̄ tɔ̄ȳn̄ Nə́ɓā yā kaají gə̄ ń rāā adə̄ mban̄g rɔȳ kújə yā Kɔ́ɔ̄ɓē kə́ kem ɓē kə́ Jerusalem tə́ beé ní! I ni n rāā adə̄ gír̄ ń noō reē kem mban̄g tə́ ní.

ESDRAS 1:5

Loo ń noō tə́ ngār gə̄ kə́ dɔ de kə́ gír kojə yā Juda tə́ gə̄ ō, Benjamḛ tə́ gə̄ ō, ngé tun̄ yá̰a̰ gə̄ ō, ngán Lebi gə̄ ō, de gə̄ malang ń Nə́ɓā ndól̄ hángaldə́ kadə̄ aw̄n̄ Jerusalem yā rāā kújə yā Kɔ́ɔ̄ɓē tə́ ní, rāān̄ gō rɔ̄də́ yā kaw̄.

2 YÁ̰A̰ GƏ̄ 30:12

Kɔ́ɔ̄ɓē rāā kəla kem de gə̄ tə́ dɔ nang kə́ Juda tə́ ō, adə̄ de gə̄ malang gḛyn̄ rāā yá̰á̰ ń mban̄g ō, de kə́ bo gə̄ ō, ədan̄ kə gō ndū Kɔ́ɔ̄ɓēé ní.

JA̰A̰ 6:45

I kə́ ndang kem makətūbə̄ yā ngé koō ta gə̄ tə́ na: Nin̄ malang ní Nə́ɓā a ndóōdə́ yá̰a̰. Náā nəkɔ́ ń oō ta Bɔbə̄ Ngōn̄ ō, ndóō yá̰a̰ yān ō ní, a reē rɔ̄ḿ tə́.

IJAI 26:12

Kɔ́ɔ̄ɓē, ḭ̄ ādə̄jí lɔm, yá̰a̰ malang ń j-əla gír rāā ní, i ḭ̄ n i nge rāā kadə̄ reē udə gíŕ kə́ rɔ̄ tə́ ādə̄jí ní.

PĀ GƏ̄ 141:4

Ī-lōō kəya̰m̄ kadə̄ m-ə́da najə̄ kə́ majaĺ, kadə̄ m̄-rāā yá̰á̰ kógə̄ḿ kə kem nduluú, m̄-ndájəń nge rāā kadə̄ yá̰á̰ kə́ majaĺ reē dɔ madə̄də́ gə̄ tə́. Ī-lōō kəya̰m̄ kadə̄ taḿ nāā yá̰a̰ kəsa ń noō.

NEHEMI 2:4

Mban̄g dəjem̄ na ké i rí n m̄-gḛy kadə̄ n-adə̄m̄ ní wa. Anī m̄-ndɔ̄ȳ Nə́ɓā kə́ dɔ rā̰ tə́,

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

KƏLA RĀĀ 11:21

Tɔ́gə yā Kɔ́ɔ̄ɓē i naā tə́ sedə́, adə̄ de gə̄ ngá̰ý taān̄ kem ō, tūrə̄n̄ rɔ̄də́ kə̄ rɔ̄ Kɔ́ɔ̄ɓē tə́ ō.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

Makətūbə̄ yā Job 33:29

Á̰a̰ā̰, yá̰a̰ gə̄ ń noō malang ní, Nə́ɓā rāādə́ nja jōó, nja mətá tām̄ yā deē tə́,

Najə̄ kə́ Majə yā Jeju ń Luk ndang ní 2:14

Ɔsən̄ gɔn Nə́ɓā dɔ rā̰ tə́ dɔɔ́ ō, de gə̄ ń ni-táŕdə́ ní sɔlə̄n̄ kemdə́ dɔ nang tə́ ō.

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.