PILIPƏ 2:12 - Bibəl ta Sar̄

¹² I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

Bible sar

¹² I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

PILIPƏ 2:12 Referans Kwoze

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

HEBƏRO 4:11

I beé ní, adə̄ j-əhɔī rɔ̄jí ba j-udiī tū kɔr̄ koō ngeé ń toō tə́. Jə-rāāī adə̄ deē kógə̄ḿ danjí tə́ mbātə́ najə̄ tītə̄ yā kaají gə̄ alé, na sōgə́ deē ní nal̄ ta róbə́ kə́ yā kudəń tū kɔr̄ koō ní tə́.

1 PIYER 2:11

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.

MATIYE 11:29

Úniī njúkə yāḿ ə̄nīī kɔ́ɔ́sí tə́ ba ī-téliī ngé ndóō yá̰a̰ yāḿ gə̄. Tɔdɔ̄ mā i de kə́ sɔl̄ lɔ́ḿ ō, m-ɔ́jə rɔ̄ḿ aĺ ō, loo ń noō tə́ ā ɔ̄rī koō.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

HEBƏRO 5:9

Dan ń Nə́ɓā rāān adə̄ tél de kə́ majə ɔtə̄ kə taá oy anī, ngé gə̄ malang ń oōn̄ tan ní əngen̄ kajə kə́ ngándáńg kə ta kūl̄neé.

2 TIMOTE 2:10

I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō.

Gōsə̄ najə̄ gə̄ 13:4

De kə́ yay ndə̄ngā yá̰a̰ ba ənge alé, banī de kə́ tḭ̄ḭ̄ rɔ̄n rāań kəla a ənge yá̰á̰ ń a sāā ní.

HEBƏRO 4:1

Dan ń Nə́ɓā ənī míndən yā kadə̄ j-ugīneé tū kɔr̄ koō yān tə́ to̰ ɓáý ní, jə-ɓōlíī najə̄ kadə̄ deē kógə̄ḿ kə́ dansí tə́ nal̄ ta róbə́ kə́ yā kudəń tū kɔr̄ koō ngeé ń toō tə́.

HEBƏRO 12:1

Jḭḭ̄ ń de kə́ kum tə́ kə́ gīrə̄n̄ gidəjí gə̄ nin̄ i kósə ngá̰ý ní, ādə̄ yá̰a̰ malang ń ɔgə̄jí kaw̄ kum kə́ kété ní ō, majaĺ ń ɓír̄jí láẃ ngá̰ý ní ō, jə-mbātíī kɔ̄ɔ́. Ba ngɔ̄də̄ ń mērə̄n̄jí ka̰ȳ ní, ādə̄ jə-tə́gāī tají ba jə-ngɔ̄dī bátə́ ta ngóý tə́.

PILIPƏ 4:1

I beé ní ngákó̰ó̰ḿ gə̄, sḭḭ̄ ń i kó tár yāḿ gə̄ ní, ngur kadə̄ m̄-téĺ m-á̰á̰sí gogə́ rāām̄ ngá̰ý. Kó tár yāḿ gə̄, sḭḭ̄ ń i rɔ̄nel̄ yāḿ ō, jākā mbang yāḿ ō ní, ī-raī ngan̄g tītə̄ ń noō dɔ ɓoo naā yāsí tə́ kə Kɔ́ɔ̄ɓēé.

Makətūbə̄ ń Pol ndang adə̄ Rom gə̄ ní 2:7

Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.

1 TESALONIK 1:3

Tɔdɔ̄ əga kemjí dɔ kəla taā kem yāsí tə́ ō, dɔ kɔr ń ɔ́riī kə de gēé tə́ sɔɔ̄ń táŕ kə́ kemsí tə́ ní ō, dɔ kəndā kə́ ə̄ndāī kemsí dɔ Kɔ́ɔ̄ɓē yājí Jeju Kərist adə̄ ngan̄g tə́ ní ō, ta kum Bɔbə̄jí Nə́ɓā tə́.

PILIPƏ 1:29

Tɔdɔ̄ kə́ ɔjə dɔ najə̄ yā Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

PĀ GƏ̄ 2:11

Ī-rāāī kəla ādī Kɔ́ɔ̄ɓē kə ɓōló ō, ī-rāāī walya kə rɔ̄ ndebeé ō.

2 KORḚNTƏ 7:15

Ba tár yā Titə kə́ tām̄ yāsí tə́ i ngá̰ý tɔȳ kə́ kété ɓáý, dan ń əga kemən dɔ koō ń sḭḭ̄ malang ōōī najə̄ tají tə́ ō, ə́hɔniī kə̄ rɔ̄sí tə́ kə ɓōló ō, kə rɔ̄ ndeweé ō tə́ ní.

1 KORḚNTƏ 2:3

Adə̄ dan ń m̄-ra nosí tə́ ní, tɔ́gə́ḿ gətóo ō, m̄-ɓōĺ ō, m̄-ndebə ō.

EPEJƏ 6:5

Ɓəlo gə̄, ōōī ta kɔ́ɔ̄sí kə́ dɔ nang tə́ laā gə̄ kə ɓōló ō, kə rɔ̄ ndeweé ō, kə kem kə́ rɔ̄kumuú ō, tītə̄ ń ī-rāāīneé kə Kərist ní.

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

Gōsə̄ najə̄ gə̄ 10:16

Tətō kəla yā de kə́ súmūú a ra seneé kadə̄ ndiń kə kumneé, banī yá̰á̰ ń nge kem ndul ənge gír kəla yān tə́ ní a un a rāań i yá̰á̰ kə́ majaĺ.

MATIYE 11:12

Əla gír kem ndɔ̄ gə̄ ń Ja̰a̰ Batistə a ɔjəń de gə̄ najə̄ tə́ bátə́ ngɔlaā ní, ənīn̄ Ɓē ko̰o̰ kə dɔ rā̰ tə́ rɔ̄ɔ̄ i kə ngangāá ngá̰ý, adə̄ i ngé gə̄ ń a rɔ̄ɔ̄n̄ kə ngangāá ngá̰ý ní n a taān̄ ní.

ESDRAS 10:3

Ādə̄ j-ənī ndūjí j-adə̄ Nə́ɓā yājí kadə̄ jə-tə̄ɓā dəyá̰ kə́ tə̄rā gə̄ kɔ̄ɔ́ malang kə ngáńdə́ gēé. I beé n j-a j-unəń gō kɔjə̄ yāsí ń ngé ɓōĺ gō míndə Nə́ɓā yājí ō ḭ̄ ō ādījí ní. Ādə̄ i kə́ rāā tītə̄ ń ndū najə̄ ədań ní.

PILIPƏ 1:5

Tɔdɔ̄ sḭḭ̄ ī-ɓooī naā sejí dɔ kəla kɔjə Najə̄ kə́ Majə tə́. Ə́laī gír i ndɔ̄ kə́ ta kəga dɔ tə́ bátə́ ɓōólaā.

KƏLA RĀĀ 9:6

Ba ḭ́ḭ dɔɔ́ údə kem ɓēé, anī a ɔjənī yá̰á̰ ń kadə̄ ī-rāā ní.

PILIPƏ 2:19

m̄-taā kem kadə̄ Kɔ́ɔ̄ɓē Jeju a rāā seḿ, adə̄ m-ā m-ə́la Timote loosí ngɔr, kadə̄ m-ōōń kōōsí ō, kadə̄ kemḿ tetəń kə̄ nang tə́ sḛ́ý ō.

1 KORḚNTƏ 4:14

m̄-ndang yá̰a̰ gə̄ ń toō i yā rāań kadə̄ rɔ̄sí sɔl̄sí alé, banī m̄-tāāsí i mbéé kə́ ngáń kó tár yāḿ gə̄ tə́.

PILIPƏ 4:15

Sḭḭ̄ kɔ́ gə̄ de kə́ Pilipə tə́ gə̄, ī-gerī majə kadə̄ dan ń ta kəla gír kɔjə Najə̄ kə́ Majə tə́ á m-ə́ya̰ gō nang kə́ Masedəwan ní, Egəlijə kógə̄ḿ kə́ rāā seḿ adə̄ adə̄m̄ yá̰a̰, aké taā yá̰a̰ jīḿ tə́ ní gətóo, ba i Egəlijə yāsí sḭḭ̄ ngóy.

KƏLA RĀĀ 16:29

Anī nge ngɔ̄m̄ dəngáý gə̄ ní dəje hor ba udə kújə dəngáyá láẃ, əsō nja Pol nin̄ kə Silas tə́. Ɓōĺ rāān adə̄ rɔ̄n ndew yakə yakə.

PILIPƏ 1:6

Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.