PILIPƏ 2:11 - Bibəl ta Sar̄

¹¹ kadə̄ de gə̄ malang ədan̄ na Jeju Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

Bible sar

¹¹ kadə̄ de gə̄ malang ədan̄ na Jeju *Kərist i Kɔ́ɔ̄ɓē, yā kɔsəń gɔn Bɔbə̄n Nə́ɓā.

PILIPƏ 2:11 Referans Kwoze

1 JA̰A̰ 4:15

Deē ń əda na Jeju i Ngōn̄ Nə́ɓā ní, Nə́ɓā ndi kemən tə́ ō, ni-ndi kem Nə́ɓā tə́ ō.

Makətūbə̄ ń Pol ndang adə̄ Rom gə̄ ní 14:11

Tɔdɔ̄ Nə́ɓā ɔr̄ najə̄ tītə̄ ń toō beé kem makətūbūú na: Kə́ rɔ̄kum tə́, tītə̄ ń m̄-ndi kə kumḿ njóý njóý toō ní, de gə̄ kógə̄ḿ kógə̄ḿ malang a tétēn̄ kejədə́ nang tə́ noḿ tə́ ō, a unən̄ ndūdə́ kə̄ dɔɔ́ yā kədań na mā i Nə́ɓā ō.

JA̰A̰ 13:13

Sḭḭ̄ ī-ɓāŕmī na i ngol nge ndóō de gə̄ yá̰a̰ ō, Kɔ́ɔ̄ɓē ō. Ba nge ń ə́daī noó majə, tɔdɔ̄ mā i nge ń noō.

1 JA̰A̰ 4:2

Yá̰á̰ ń ā ī-gerīneé Ndíĺ Nə́ɓā ní n toó: Ndíĺ ń əda na Jeju Kərist na reē i kə́ deē tə́ ní, ḭḭ i rɔ̄ Nə́ɓā tə́.

Makətūbə̄ ń Pol ndang adə̄ Rom gə̄ ní 14:9

Tɔdɔ̄ i tām̄ najə̄ ń noō tə́ n Kərist oy ba tél ndiń kə kumneé ō ní, yā kadə̄ ni i Kɔ́ɔ̄ɓē yā de kə́ koy gə̄ ō, yā ngé kə́ ndin̄ kə kumdə́ ɓáý gə̄ ō.

1 KORḚNTƏ 12:3

I tām̄ najə̄ ń noō tə́ n m-ə́dásí najə̄ ń toō kadə̄ ī-gerī ní: De kə́ ɔr̄ najə̄ kə ta kūl̄ Ndíl yā Nə́ɓāá kə́ əda na Jeju na i de kə́ ndɔ̄ĺnən̄ kɔ̄ɔ́ ní gətóo ō, de kə́ asə kəda na Jeju i Kɔ́ɔ̄ɓē kanjə̄ kadə̄ i Ndíĺ kə́ Táĺ n əndā tan tə́ ní gətóo ō.

JA̰A̰ 14:13

Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

JEJU TEĒ KUM JA̰A̰ 3:5

Adə̄ deē ń tetə rɔ̄ɔ̄ ní, a əlan̄ kūbə̄ kə́ ndaa rɔ̄n tə́ ō, m-ā m̄-kūsə́ rīn kɔ̄ɔ́ kem makətūbə̄ ndi kə kumuú tə́ aĺ ō, m-ā m-ə́da ta kum Bɔbə́ḿ nin̄ kə deē yān gə̄ kə́ dɔ rā̰ tə́ gə̄ tə́ na ni i deē yāḿ ō.

MATIYE 10:32

Deē ń əda ta kum de gə̄ tə́ na ni na i deē yāḿ anī, mā m-ā m-ə́da ta kum Bɔbə́ḿ kə́ ndi dɔ rā̰ tə́ na ni i deē yāḿ ō.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

KƏLA RĀĀ 2:36

I beé ní ādə̄ ngán Israel gə̄ malang gerə̄n̄ najə̄ ń toō majə: Jeju ń ə́ndaniī kə mayá̰ tū kāgə̄ kə́ dēsə́ tə́ ní, i ni n Nə́ɓā tūrə̄n Kɔ́ɔ̄ɓē tə́ ō, Kərist tə́ ō ní.

JA̰A̰ 9:22

Ngé kojən gə̄ ɔrə̄n̄ najə̄ tītə̄ ń noō i tɔdɔ̄ nin̄-ɓōlə́n̄ i Jipə gə̄. Tɔdɔ̄ Jipə gə̄ oōn̄ naā kadə̄ náā nəkɔ́ ń a əda ta kum de gə̄ tə́ na Jeju i Kərist ní ɓáa kə n-tə̄ɓānən̄ kújə kán̄ naā tə́ kɔ̄ɔ́.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

1 KORḚNTƏ 15:47

De kə́ ta kəga dɔ ń rāānən̄ kə nángāá ní i de kə́ dɔ nang tə́, ba Adam kə́ nge ko̰ jōó ḭḭ dɔ rā̰ tə́ n reē.

Makətūbə̄ ń Pol ndang adə̄ Rom gə̄ ní 15:9

Ni-reē i yā kadə̄ de gə̄ ń nin̄ i Jipə aĺ gə̄ ní, ɔsən̄ gɔn Nə́ɓā tām̄ kem majə yān tə́. Tītə̄ ń makətūbə̄ yā Nə́ɓā ədań ní, ndangən̄ na: I tām̄ najə̄ ń toō tə́ n m-ā m̄-ɓōkíī tɔ̄ȳ dan nápar de gə̄ tə́ ō, m-ā m-ə̄nā pā yā tɔ̄ȳń rīí ō ní.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

JA̰A̰ 12:42

Ba dɔ dán ngār gə̄ tə́ gə̄gē ní, ngá̰ý gə̄ taān̄ kemən. Banī nin̄-ədan̄ najə̄ taā kem yādə́ kə̄ ndágá wáńg alé, najə̄ yā Parijiyḛ gə̄ tə́. Tām̄ ɓōlə́n̄ najə̄ kadə̄ tə̄ɓān̄də́ kɔ̄ɔ́ kem kújə́ kán̄ naā gə̄ tə́.

Najə̄ kə́ Majə yā Jeju ń Luk ndang ní 2:11

Ojən̄ nge kajəsí ɓōólaā kem ɓē yā Dabid tə́. Ni i Kərist, Kɔ́ɔ̄ɓē.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

PĀ GƏ̄ 18:49

Kɔ́ɔ̄ɓē, ḭ̄ ī-gān̄g dɔḿ jī madə̄ ba̰ā̰ḿ gə̄ tə́. Tá ɓáý to̰ ní ngé gə̄ ń ənīmə̄n̄ rɔ̄ɔ̄ ní, ḭ̄ ī-rāā adə̄ m̄-tetədə́ rɔ̄ɔ̄ ō, ɔ̄rə̄m̄ kɔ̄ɔ́ jī ngé rāā dɔ́nɔ gə̄ tə́ ō.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 13:14

Ré mā ń i Kɔ́ɔ̄ɓē ō, ngol nge ndóō de gə̄ yá̰a̰ ō ní, m̄-tə́go njasí anī, majə kadə̄ sḭḭ̄ ī-tə́goī nja naā ō.