PILIPƏ 2:1 - Bibəl ta Sar̄

¹ Taā ń ī-taāī kem Kərist ní rāā adə̄ tɔ́gə́sí tɔȳ kə́ kété ō, táŕ ń ni-táŕsí ní rāā adə̄ tɔ́gə́sí to ō, kemsí i kógə̄ḿ kə Ndíĺ kə́ Táĺ ō, ī-rāāī tɔdɔ̄ naā ō, ī-rāāī kem majə kə naá ō.

Bible sar

¹ Taā ń ī-taāī kem *Kərist ní rāā adə̄ tɔ́gə́sí tɔȳ kə́ kété ō, táŕ ń ni-táŕsí ní rāā adə̄ tɔ́gə́sí to ō, kemsí i kógə̄ḿ kə *Ndíĺ kə́ Táĺ ō, ī-rāāī tɔdɔ̄ naā ō, ī-rāāī kem majə kə naá ō.

PILIPƏ 2:1 Referans Kwoze

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

1 JA̰A̰ 4:12

Deē kógə̄ḿ kə́ a̰a̰ Nə́ɓā gətóo. Ré jə-táriī naā anī, Nə́ɓā ndi kemjí tə́ ō, tár yān kə́ kemjí tə́ i kə́ majə ɔtə̄ kə taá mámák ō.

KOLOSƏ 2:2

I tītə̄ ń noō n m̄-sāań kadə̄ nin̄-əhɔn̄ rɔ̄də́ tɔgə ō, kadə̄ tár ɓoodə́ naā tə́ ō, kadə̄ ugə̄n̄ tū ger̄ yá̰á̰ kə́ rɔ̄kum ń i nge rāā tá kadə̄ kem deē a ger̄ yá̰á̰ mámák ní ō, ba kadə̄ gerə̄n̄ yá̰á̰ kə́ to loo mundə̄ tə́ yā Nə́ɓā ń i Kərist ní.

1 KORḚNTƏ 12:13

Tām̄ jḭḭ̄ malang ní, Jipə gə̄ gə̄gē, de gə̄ kə́ nin̄ i Jipə aĺ gə̄ gə̄gē, ɓəlo gə̄ gə̄gē, de kə́ kɔ́ɔ̄ rɔ̄də́ gə̄ gə̄gē ní, rāān̄jí i batém Ndíĺ kə́ Táĺ kə́ kógə̄ḿ beé, i kadə̄ jə-téliī rɔ̄ de kə́ kal kógə̄ḿ beē. Tá jḭḭ̄ malang ní j-a̰yī i Ndíĺ kə́ kógə̄ḿ beē ō.

PĀ GƏ̄ 133:1

Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

GALATƏ 4:6

Sḭḭ̄ i ngáń Nə́ɓā gə̄ rɔ̄kum i karī alé, tɔdɔ̄ Nə́ɓā əla Ndíl Ngōnən kemjí tə́, tá Ndíĺ ní əda kə ndū boó na Aba, Bɔbə̄jí!

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

1 JA̰A̰ 3:24

Ba deē ń rāā yá̰a̰ gə̄ ń Nə́ɓā əda kə gō míndən ní, kɔ́ɔ̄ ndi kem Nə́ɓā tə́ ō, Nə́ɓā ndi kem kɔ́ɔ̄ tə́ ō. Ba yá̰á̰ ń jə-gerīneé kadə̄ ni-ndi kemjí tə́ ní, i Ndíĺ kə́ Táĺ ń ni-adə̄jí ní.

JA̰A̰ 17:13

Ngɔlaā ń toō m-ā m-āw̄ kə̄ rɔ̄í tə́, ba m-ə́da najə̄ gə̄ ń toō dɔ nang tə́, i yā kadə̄ rɔ̄nel̄ yāḿ kə́ kemdə́ tə́ i rɔ̄nel̄ kə́ ɔtə̄ kə taá mámák.

1 JA̰A̰ 4:16

Jḭḭ̄, jə-gerī tár yā Nə́ɓā kə́ tām̄ yājí tə́ ō, jə-taāī kem táŕ ní ō. Nə́ɓā i tár, adə̄ deē ń tár i kemən tə́ ní, ndi i kem Nə́ɓā tə́ ō, Nə́ɓā ndi kemən tə́ ō.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

1 KORḚNTƏ 3:16

Sḭḭ̄ i kújə yā Nə́ɓā, adə̄ Ndíĺ Nə́ɓā ndi kemsí tə́ ní ī-gerī aĺ a?

Makətūbə̄ ń Pol ndang adə̄ Rom gə̄ ní 8:26

Adə̄ i tītə̄ ń toō beé n Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

1 PIYER 1:2

Bɔbə̄jí Nə́ɓā gə̄rāsí i kə gō ń ni-núməń kété ní, adə̄ sḭḭ̄ i deē yān gə̄ kə ta kūl̄ Ndílən, yā kadə̄ ōōī ta Jeju Kərist ō, kadə̄ mósən tə́go majaĺ yāsí gə̄ kadə̄ kemsí ndaa táĺ táĺ ō. Ādə̄ Nə́ɓā rajəsí ngá̰ý ō, sɔl̄ kemsí ngá̰ý ō!

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

PILIPƏ 1:8

m̄-táŕsí malang kə ta kūl̄ tár yā Jeju Kərist. Nge ń noō ní Nə́ɓā i de kə́ kum tə́ yāḿ loon tə́.

EPEJƏ 4:4

Rɔ̄ i kógə̄ḿ beē ō, Ndíĺ i kógə̄ḿ beē ō, tītə̄ ń Nə́ɓā ɓārəńsí kadə̄ ə̄ndāī kemsí dɔ yá̰á̰ kə́ kógə̄ḿ beē tə́ ní ō.

2 KORḚNTƏ 2:14

Banī jə-ndadə̄ j-adə̄ Nə́ɓā, tām̄ ni-ndɔ́r̄jí aw̄ sejí gō Kərist ń tetə rɔ̄ɔ̄ tə́ ní ngándáńg ō, ni-unjí rāań adə̄ de gə̄ gerə̄n̄ Kərist kə̄ loo gə̄ tə́ malang ō. Adə̄ to i tītə̄ sēē ítər kə́ otə majə kə́ taā loo beé.

1 KORḚNTƏ 15:31

Ngákó̰ó̰ḿ gə̄, rɔ̄kum, mā i ta yo tə́ kə dɔ ndɔ̄ gə̄, tītə̄ ń sḭḭ̄ i yá̰a̰ kɔr ta rɔ̄ yāḿ kə gō ɓoo naā yājí kə Kɔ́ɔ̄ɓē yājí Jeju Kərist ní.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

JA̰A̰ 14:18

M-ā m-ə́yá̰sí hal alé, m-ā m̄-tél yā reē rɔ̄sí tə́.

Najə̄ kə́ Majə yā Jeju ń Luk ndang ní 2:25

Dan ngeé ń noō tə́ ní dəngam kógə̄ḿ ndi Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń Israel gə̄ a əngen̄neé kem sɔl̄ ní ō, Ndíĺ kə́ Táĺ i dɔn tə́ ō.

IJAI 16:11

I tām̄ najə̄ ń noō tə́ n kemḿ nōō dɔ ɓē kə́ Moab tə́ ní. Nōō yāḿ ɓār̄ tītə̄ kōō kənde kənde kə́ kugə kənīń pā beé. m̄-nōō tām̄ yā Kir Heres tə́.