PILIPƏ 1:7 - Bibəl ta Sar̄

⁷ I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

Bible sar

⁷ I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

PILIPƏ 1:7 Referans Kwoze

2 KORḚNTƏ 7:3

M-ə́da nge ń noō i yā gāngəń sarya dɔsí tə́ alé. Tɔdɔ̄ tītə̄ ń m-ə́dań ní, jə-táŕsí ngá̰ý, adə̄ j-a jə-ndiī i kə naá ō, j-a j-oyiī i kə naá ō.

PILIPƏ 1:5

Tɔdɔ̄ sḭḭ̄ ī-ɓooī naā sejí dɔ kəla kɔjə Najə̄ kə́ Majə tə́. Ə́laī gír i ndɔ̄ kə́ ta kəga dɔ tə́ bátə́ ɓōólaā.

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.

KOLOSƏ 4:18

Lápə́ya ń toō, i mā Pol n m̄-ndang kə jīḿ ní. Ādə̄ əga kemsí dɔ súĺ ń do̰ō̰mə̄n̄neé ní tə́. Ādə̄ Nə́ɓā rāā kem majə sesí.

PILIPƏ 4:14

Ɓá tā ba wursí ń ɔlsí seḿ ní, ī-rāāī i yá̰á̰ kə́ majə.

EPEJƏ 6:20

tām̄ mā i dəngáyá najə̄n tə́. Ī-ndɔ̄yī kadə̄ m-ɔ̄r̄ najə̄ kə́ dɔ tə́ kanjə̄ ɓōĺ tītə̄ ń i gáŕ kadə̄ m̄-rāań ní.

EPEJƏ 3:1

Adə̄ mā Pol ń əhɔmə̄n̄ dəngáy najə̄ yā Kərist tə́, tām̄ yāsí sḭḭ̄ de gə̄ ń i Jipə aĺ gə̄ tə́ ní, i tām̄ najə̄ ń noō tə́ n m̄-ndɔ̄yń Nə́ɓā ní.

KƏLA RĀĀ 20:23

Yá̰á̰ ń m̄-ger̄ ní n toó ngóy: Ndíĺ kə́ Táĺ tām̄ kə gō ɓē gə̄ kadə̄ dəngáy ō, wur kɔl ō, ton̄ a ngóōmə̄n̄ noó.

1 JA̰A̰ 3:14

Jə-gerī kadə̄ jə-teēī kɔ̄ɔ́ jī yo tə́ ba j-udiī tū ndi kə kumuú tə́, i tɔdɔ̄ jə-táriī ngákó̰ó̰jí gə̄. Deē ń tár gətóo kemən tə́ ní, ndi i jī yo tə́ ɓáý.

2 PIYER 1:13

Ba mā m-á̰a̰ kadə̄ dan ń m̄-ndi kə kumḿ ɓáý ní, i yá̰á̰ kə́ gō tə́ kadə̄ m̄-ter̄ kemsí dɔ tə́.

1 PIYER 4:13

Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

HEBƏRO 3:1

I beé ní, sḭḭ̄ ngákó̰ó̰ḿ gə̄ ń sḭḭ̄ i de gə̄ yā Nə́ɓā á ə́gaī naā dɔ ɓāŕ ń ɓārə́n̄sí kadə̄ āwī dɔ rā̰ tə́ ní, á̰a̰ī Jeju ń Nə́ɓā əlan kadə̄ ni i ngol ngé tun̄ yá̰a̰ gə̄ kə́ dɔ taā kem ń j-ɔjiī najə̄n tə́ ní.

2 TIMOTE 1:8

Adə̄ ī-lōō kadə̄ rɔ̄í sɔlī loo kəda yá̰a̰ gə̄ kə́ dɔ Kɔ́ɔ̄ɓē yājí tə́ ń ī-ger̄ ní. Mā ń m̄-to dəngáyá najə̄ yān tə́ ní, ī-lōō kadə̄ rɔ̄í sɔlī najə̄ yāḿ tə́ ō. Ə̄ndā kemií dɔ tɔ́gə yā Nə́ɓā tə́, ba á̰á̰ tápə̄ tītə̄ yāḿ loo kɔjə Najə̄ kə́ Majə tə́.

1 TESALONIK 5:5

Tām̄ sḭḭ̄ malang i ngáń kə́ kum loo kə́ unjə̄ kow tə́ gə̄ ō, ngáń kə́ kadaá gə̄ ō. Jḭḭ̄ i de kə́ ndɔ̄ɔ́ gə̄ aĺ ō, kə́ tilií gə̄ aĺ ō.

KOLOSƏ 4:3

Ī-ndɔ̄yī tām̄ yājí tə́ ō, ādə̄ Nə́ɓā teē ta róbə adə̄jí, kadə̄ j-ɔjə najə̄ yān ō, kadə̄ m-ə́dá yá̰á̰ kə́ to loo mundə̄ tə́ kə́ dɔ Kərist tə́ ń mā i dəngáyá tāmən tə́ ní ō,

EPEJƏ 4:1

I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

2 KORḚNTƏ 3:2

I sḭḭ̄ kɔ́ gə̄ n i makətūbə̄ kə́ ndang yājí ní. Ndangən̄sí i dan wurjí tə́ ō, de gə̄ malang asən̄ ger̄ ō, asən̄ tə́da ō.

1 KORḚNTƏ 13:7

Ni-tə́gā tan dan yá̰a̰ gə̄ tə́ malang ō, ngɔ̄m̄ taā kem dan yá̰a̰ gə̄ tə́ malang ō, əndā kemən dɔ Nə́ɓā tə́ dan yá̰a̰ gə̄ tə́ malang ō, əre rɔ̄n dan yá̰a̰ gə̄ tə́ malang ō.

1 KORḚNTƏ 9:23

Ba m̄-rāā yá̰á̰ ń noō malang i tām̄ yā Najə̄ kə́ Majə tə́, yā kadə̄ m-ə́ngeń yá̰á̰ ń Najə̄ kə́ Majə a adə̄ de gə̄ ní ō.

KƏLA RĀĀ 21:33

Anī ngol áskar gə̄ kə́ bo njə̄rā kə̄ rɔ̄ Pol tə́ əhɔn, ba adə̄ ndūn kadə̄ tṵ́ṵ̄nən̄ kə súĺ gə̄ jōó. Gō tə́ anī ni-dəje na ké deē ní i náā wa, ké rāā i rí wa.

1 PIYER 5:1

Ngɔlaā ní m-ā m-ɔ̄r̄ najə̄ i kə kum kɔɔ̄ gə̄ ń ndin̄ dɔ dáńsí tə́ á mā i kum kɔɔ̄ madə̄də́ ō ní. Yá̰á̰ kə́ tōr̄ ń rāā Kərist ní, mā m-á̰a̰ā̰ kə kumḿ ō. Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ kum kɔɔ̄ gə̄ ní n toó:

PILIPƏ 1:12

Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

PILIPƏ 1:13

I beé n áskar gə̄ malang kə́ kem ndogə̄ yā nge ko̰o̰ ɓē tə́ ō, gotə de kə́ rang gə̄ malang ō, gerə̄n̄neé kadə̄ mā i dəngáyá i najə̄ yā Kərist tə́ ní.

PILIPƏ 1:14

Ngákó̰ó̰jí gə̄ ń nin̄ i de gə̄ yā Kɔ́ɔ̄ɓē ní, dan ń a̰a̰n̄ kadə̄ mā i dəngáyá ní, ngá̰ý gə̄ dandə́ tə́ ənīn̄ kemdə́ mámák ɔjən̄neé najə̄ kanjə̄ ɓōĺ.

PILIPƏ 2:22

Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē.

PILIPƏ 4:3

Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

PILIPƏ 4:15

Sḭḭ̄ kɔ́ gə̄ de kə́ Pilipə tə́ gə̄, ī-gerī majə kadə̄ dan ń ta kəla gír kɔjə Najə̄ kə́ Majə tə́ á m-ə́ya̰ gō nang kə́ Masedəwan ní, Egəlijə kógə̄ḿ kə́ rāā seḿ adə̄ adə̄m̄ yá̰a̰, aké taā yá̰a̰ jīḿ tə́ ní gətóo, ba i Egəlijə yāsí sḭḭ̄ ngóy.

PILEMO̰ 1:13

Əndā kumḿ ngɔ̄mə̄n rɔ̄ḿ tə́, kadə̄ ni-rāā seḿ kum gotií, dan ń mā i dəngáyá tām̄ yā Najə̄ kə́ Majə tə́ toō.