PILIPƏ 1:29 - Bibəl ta Sar̄

²⁹ Tɔdɔ̄ kə́ ɔjə dɔ najə̄ yā Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

Bible sar

²⁹ Tɔdɔ̄ kə́ ɔjə dɔ najə̄ yā *Kərist ní, Nə́ɓā rāā kem majə sesí adə̄ ī-taāī i kem Kərist ngóy alé, banī á̰a̰ī tápə̄ najə̄ yān tə́ ō.

PILIPƏ 1:29 Referans Kwoze

JAKƏ 1:2

Ngákó̰ó̰ḿ gə̄, loo ń ré yá̰á̰ kə́ tayā tayā gə̄ a nāān̄sí anī, ī-rāāī yá̰a̰ gə̄ ń noō yá̰a̰ rɔ̄nel̄ yāsí tə́,

1 PIYER 4:13

Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

Makətūbə̄ ń Pol ndang adə̄ Rom gə̄ ní 5:3

Ba j-ɔjiī rɔ̄jí i tām̄ kɔsə gɔn ń toō tə́ ngóy alé, tɔdɔ̄ jə-gerī kadə̄ wur kɔl yājí rāā adə̄ j-əhɔī rɔ̄jí tɔ́gə ō,

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

EPEJƏ 2:8

Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.

KOLOSƏ 2:12

Tɔdɔ̄ dan ń rāān̄sí batém ní, dubə̄n̄sí naā tə́ kə Kərist ō, ī-ndólī naā tə́ seneé ō, tām̄ ī-taāī kem tɔ́gə yā Nə́ɓā ń ndólə̄n dan de kə́ koy gə̄ tə́ ní.

KƏLA RĀĀ 14:27

Dan ń ugə̄n̄ A̰tiyos anī, ɔsən̄ dɔ ngé taā kem gə̄ naā tə́, ba ənīn̄də́ gotə yá̰a̰ malang ń Nə́ɓā rāā kə ta kūl̄də́ ní ō, ɔjən̄də́ loo teē ń Nə́ɓā teē ta róbə adə̄ de gə̄ kə́ nin̄ i Jipə aĺ gə̄, yā kadə̄ nin̄-taān̄ kem ō ní.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.