PILIPƏ 1:27 - Bibəl ta Sar̄

²⁷ Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

Bible sar

²⁷ Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

PILIPƏ 1:27 Referans Kwoze

EPEJƏ 4:1

I beé ní, mā ń i dəngáy kə gō ɓoo naā yāḿ kə Kɔ́ɔ̄ɓēé ní, m̄-rāāsí ɓɔ́ kadə̄ háĺsí ndetə naā kə ɓār̄ ń Nə́ɓā ɓāŕsí ní.

1 KORḚNTƏ 1:10

Ngákó̰ó̰ḿ gə̄, m̄-dəjesí kə rī Kɔ́ɔ̄ɓē yājí Jeju Kərist, ōōī naā ba ādī kēgə̄ naā gətóo dansí tə́. Ādī gír̄ yāsí i kógə̄ḿ ō, yá̰á̰ ń ī-gḛyiī rāā ní i yá̰á̰ kə́ kógə̄ḿ beē ō.

2 PIYER 3:14

Kó tár gə̄, i tām̄ najə̄ ń noō tə́ n majə kadə̄ ə́hɔī rɔ̄sí tɔgə kadə̄ majaĺ tákə̄sí aĺ ō, kadə̄ najə̄ gətóo dɔsí tə́ ta kum Nə́ɓā tə́ ō, kadə̄ ī-ndiī kə kem kə́ sɔl̄ lɔmɔɔ́ ō, pá tá kadə̄ ndɔ̄ ní ugə̄ ɓáý ní.

KOLOSƏ 1:10

I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

1 TESALONIK 4:1

Yā tɔ̄ləń ta ní, ngákó̰ó̰jí gə̄, háĺ kə́ kadə̄ nel̄ Nə́ɓā ní, sḭḭ̄ ī-ndóōī rɔ̄jí tə́, adə̄ i ni n ī-rāāī ní. Ba ngɔlaā ń toō ní jə-dəjesí ō, jə-rāāsí ɓɔ́ kə rī Kɔ́ɔ̄ɓē Jeju ō, kadə̄ ī-rāāī kadə̄ majə tɔȳ kə́ kété.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

PILIPƏ 3:18

Najə̄ ń toō m-ə́dásí kété kɔ̄ɔ́ kə̄ nja naā tə́, ba m̄-téĺ m-ə́dásí ngɔlaā ɓáý kə man̄ nōó kumḿ tə́: Ngá̰ý gə̄ ní, háĺdə́ i háĺ ngé mbātə́ kāgə̄ kə́ dēsə́ yā Kərist.

2 KORḚNTƏ 13:11

Kə́ tām̄ yā gotə yá̰á̰ kə́ rang gə̄ tə́ ɓáa, ngákó̰ó̰ḿ gə̄, ī-ndiī kə rɔ̄nelēé ō, ī-rāāī tá kadə̄ ī-téliī de gə̄ kə́ majə ɔtə̄n̄ kə taá gə̄ ō, ə́laī go̰ kem naā tə́ ō, ādī míndə́sí asə naā ō, ī-ndiī lɔm kə naá ō. Loo ń noō tə́ Nə́ɓā kə́ nge tár ō, kə́ nge rāā kadə̄ lɔm to ō, a ndi sesí.

KƏLA RĀĀ 4:32

Kósə de gə̄ ń taān̄ kem ní kemdə́ i gō naā tə́ ō, gír̄ yādə́ i gō naā tə́ ō, de kə́ rāā yá̰a̰ halan yá̰a̰ kənge yān nəkɔ́ tə́ kə kérneé ní gətóo ō. Yá̰a̰ malang i yá̰a̰ yādə́ mbak.

PĀ GƏ̄ 133:1

Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

2 PIYER 3:11

Dan ń a nujən̄ yá̰a̰ malang i tītə̄ ń noō ní, háĺ ń kadə̄ ī-ndiīneé ní sḭḭ̄ ī-gerī majə! Majə kadə̄ háĺsí i háĺ kə́ kɔr̄ kam̄ tām̄ yā Nə́ɓā tə́ ō, i háĺ kəhɔ gō Nə́ɓā ō,

1 KORḚNTƏ 15:58

I beé ní, sḭḭ̄ ń i ngákó̰ó̰ḿ gə̄ kə́ m̄-táŕsí ngá̰ý ní, ə́hɔī rɔ̄sí ngan̄g ō, ādī yá̰á̰ yókə̄sí aĺ ō. Ī-rāāī kəla yā Kɔ́ɔ̄ɓē kum kə̄ kété kété kanjə̄ dəba. Tɔdɔ̄ ī-gerī kadə̄ kəla ń ī-rāāī kə gō ɓoo naā yāsí kə́ kə Kɔ́ɔ̄ɓēé ní, i kəla kə́ ndāńg alé.

Makətūbə̄ ń Pol ndang adə̄ Rom gə̄ ní 1:16

Tɔdɔ̄ rɔ̄ḿ sɔlə̄m̄ loo kɔjə Najə̄ kə́ Majə tə́ alé. Najə̄ kə́ Majə i tɔ́gə yā Nə́ɓā kə́ yā kajəń deē malang ń a taā kem ní. Kété i Jipə gə̄, tá gō tə́ i de gə̄ ń nin̄ i Jipə aĺ gə̄ ní.

JAKƏ 3:18

Ngé gə̄ ń kem sɔl̄ lɔm nel̄də́ ní, a dubə̄n̄ i kōō kem sɔl̄ lɔm kə gō gidədə́. Ba kan̄ yá̰a̰ gə̄ ń nin̄ a əjan̄ ní, i yá̰a̰ rāā kə́ gōtə́ gə̄.

PILEMO̰ 1:5

Tɔdɔ̄ m-ōō najə̄ tár yāí ō, taā kem yāí ō, kə́ ɔjə dɔ Kɔ́ɔ̄ɓē Jeju ō, de gə̄ yā Nə́ɓā malang ō.

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.

1 TIMOTE 1:19

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.

1 TIMOTE 1:11

Yá̰á̰ ndóō ń toō to tū Najə̄ kə́ Majə tə́. Ba i Najə̄ kə́ Majə n i nge rāā kadə̄ jə-gerī yá̰á̰ ń i kɔsə gɔn yā Nə́ɓā ní. Nə́ɓā ń i nge rāā kadə̄ kemjí nel̄jí ní, adə̄m̄ kəla kɔjə de gə̄ Najə̄ kə́ Majə ngeé ń toō.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

MATIYE 12:25

Ba Jeju ger̄ gír̄ kə́ kemdə́ tə́, adə̄ ədadə́ na: Ɓē ko̰o̰ malang ń de kə́ kemeé gə̄ a rɔ̄ɔ̄n̄ naā ní, a nujə kɔ̄ɔ́. Ré de kə́ kem ɓē kə́ kógə̄ḿ beē tə́ gə̄ ō, de kə́ gír kojə kə́ kógə̄ḿ beē tə́ gə̄ ō, a rɔ̄ɔ̄n̄ naā anī, loo kadə̄ ɓē ní aláa, gír kojə ní ndi ɓáý to̰ ní a gətóo.

Gōsə̄ najə̄ gə̄ 22:23

Tɔdɔ̄ Kɔ́ɔ̄ɓē a rɔ̄ɔ̄ dɔdə́ tə́ loo sarya tə́ ō, a rāā kadə̄ yo taā ngé taā yá̰a̰ yādə́ gə̄ ō.

1 TESALONIK 3:6

Ba ngɔlaā ní, Timote ḭḭ rɔ̄sí tə́ tél ugə̄ rɔ̄jí tə́, ədají najə̄ kə́ majə kə́ dɔ taā kem yāsí tə́ ō, tár yāsí tə́ ō. Ədají na ī-gírī dɔjí tə́ majə ngándáńg ō, ngur ka̰a̰jí na rāāsí tītə̄ yājí ō.

KOLOSƏ 1:4

Tɔdɔ̄ j-oō kōō taā ń ī-taāī kem Jeju Kərist ní ō, táŕ ń ī-táriī de gə̄ yā Nə́ɓā malang ní ō.

PILIPƏ 2:24

Tá m̄-ger̄ kemḿ tə́ majə kadə̄ Kɔ́ɔ̄ɓē a rāā seḿ, adə̄ mə̄kɔ́ m-ā m-āw̄sí noō ngɔr.

EPEJƏ 1:15

I tām̄ najə̄ ń toō tə́ n, dan ń m-ōō na ī-taāī kem Kɔ́ɔ̄ɓē Jeju ō, na ī-táriī de gə̄ yā Nə́ɓā malang ō ní,

EPEJƏ 1:13

Dan ń sḭḭ̄ ōōī najə̄ kə́ rɔ̄kum, adə̄ i Najə̄ kə́ Majə ń ajəsí ní anī, sḭḭ̄ ī-taāī kem Kərist ō. Loo ń noō tə́ Nə́ɓā əndā tə́ré yá̰á̰ kə́ ɔjə kadə̄ sḭḭ̄ i deē yān gə̄ rɔ̄sí tə́, ba tə́ré yá̰á̰ ní i Ndíĺ kə́ Táĺ ń ni-adə̄sí kə gō ń ni-ənīń ndūn ní.

GALATƏ 1:7

Kə́ rɔ̄kum tə́ tā anī Najə̄ kə́ Majə kə́ rang gətóo, ba m-ɔ̄r̄ najə̄ sesí tītə̄ ń noō i tām̄ yā de kə́ ngé tə́la najə̄ kemsí gə̄ tə́. Nin̄-gḛyn̄ i tūr̄ gidə Najə̄ kə́ Majə yā Kərist kɔ̄ɔ́.

2 KORḚNTƏ 9:13

Kəla ń toō ń ī-rāāī ní, a ɔjə yá̰á̰ ń i sḭḭ̄ ní kə̄ ndágá. Adə̄ de gə̄ ngá̰ý a ɔsən̄ gɔn Nə́ɓā tām̄ yā sɔl̄ dɔ yāsí tə́, sɔl̄ dɔ ń ɔ́jiīneé kə̄ ndágá kadə̄ ī-taāī kem Najə̄ kə́ Majə yā Kərist ní. Nin̄ a ɔsən̄ gɔn Nə́ɓā tām̄ yā kem majə yāsí tə́ ō, adə̄ i kem majə ń ādīneédə́ nin̄ ō, gotə de kə́ rang gə̄ malang ō yá̰a̰ kənge yāsí ngá̰ý ní.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

Makətūbə̄ ń Pol ndang adə̄ Rom gə̄ ní 15:29

Ba m̄-ger̄ kadə̄ ré m-ā m-āw̄ loosí anī, sḭḭ̄ gə̄gē mā gə̄gē ní, Kərist a tɔ́r̄ tan dɔjí tə́ ngá̰ý.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

Makətūbə̄ ń Pol ndang adə̄ Rom gə̄ ní 10:8

Ədan̄ na i rí n noó? Yá̰á̰ ń ədan̄ ní n toó: Najə̄ i rɔ̄í tə́ laā ngɔr, i taí tə́ ō, i kemií tə́ ō. Najə̄ ní i najə̄ taā kem ń j-ə̄nā mbērən ní.

Makətūbə̄ ń Pol ndang adə̄ Rom gə̄ ní 1:9

Tɔdɔ̄ Nə́ɓā i de kə́ kum tə́ yāḿ tām̄ yā najə̄ ń noō tə́. Ni ń m̄-rāā kəla yān kə ngarān̄g kemḿ gēé malang loo kɔjə Najə̄ kə́ Majə yā Ngōnən tə́ ní. Mā m-ɔ̄r̄ najə̄ yāsí ngándáńg,

Makətūbə̄ ń Pol ndang adə̄ Rom gə̄ ní 1:5

I kə ta kūl̄neé n Nə́ɓā rajəmə̄ń, adə̄ m̄-tél ngōmbang kəla yā kɔsəń gɔn Kərist ní. I yā kadə̄ m̄-rāāń kadə̄ de gə̄ kə́ dan nápar de gə̄ tə́ malang taān̄ kemən ō oōn̄ tan ō.

KƏLA RĀĀ 24:24

Gō tə́ ndɔ̄ kóndóńg wań anī, Peliksə reēn̄ nin̄ kə nə̄yá̰n Dərusil ń i Jipə ní. Ni-əla gō Pol tə́ ba oō najə̄ kə́ dɔ taā kem Jeju Kərist tə́ ń Pol ɔjə ní.

PĀ GƏ̄ 122:3

Jerusalem, ɓē kə́ əndān̄ adə̄ ngan̄g majə, ɓē kə́ əhɔ naā majə!

PILIPƏ 1:5

Tɔdɔ̄ sḭḭ̄ ī-ɓooī naā sejí dɔ kəla kɔjə Najə̄ kə́ Majə tə́. Ə́laī gír i ndɔ̄ kə́ ta kəga dɔ tə́ bátə́ ɓōólaā.

PILIPƏ 3:20

Banī jḭḭ̄ ɓáa jḭḭ̄ i de gə̄ kə́ ɓē yājí i dɔ rā̰ tə́, tá jə-ndi j-a jə-ngóōī i mbée ɓee kadə̄ nge kajəjí ń i Kɔ́ɔ̄ɓē Jeju Kərist ní, ḭḭ dɔ rā̰ tə́ reē ō.

PILIPƏ 4:1

I beé ní ngákó̰ó̰ḿ gə̄, sḭḭ̄ ń i kó tár yāḿ gə̄ ní, ngur kadə̄ m̄-téĺ m-á̰á̰sí gogə́ rāām̄ ngá̰ý. Kó tár yāḿ gə̄, sḭḭ̄ ń i rɔ̄nel̄ yāḿ ō, jākā mbang yāḿ ō ní, ī-raī ngan̄g tītə̄ ń noō dɔ ɓoo naā yāsí tə́ kə Kɔ́ɔ̄ɓēé.

1 YÁ̰A̰ GƏ̄ 19:12

Gō tə́ anī Joab əda ngōkó̰o̰n na ré tɔ́gə Aram gə̄ tɔȳ yān anī kə reē kə dḭḭ̄n. Ba ré tɔ́gə Amon gə̄ tɔȳ yā ngokó̰o̰n anī i ni n na n-aw̄ yā dḭḭ̄n ní.