PILIPƏ 1:26 - Bibəl ta Sar̄

²⁶ Loo ń ré m-ā m̄-tél yā kaw̄ gogə́ rɔ̄sí tə́ anī, kɔsə gɔn ń ā ə́ngeī loo de gə̄ yā Jeju Kərist tə́ ní, a tɔȳ kə́ kété ɓáý kə ta kūlə̄ḿ.

Bible sar

²⁶ Loo ń ré m-ā m̄-tél yā kaw̄ gogə́ rɔ̄sí tə́ anī, kɔsə gɔn ń ā ə́ngeī loo de gə̄ yā Jeju *Kərist tə́ ní, a tɔȳ kə́ kété ɓáý kə ta kūlə̄ḿ.

PILIPƏ 1:26 Referans Kwoze

2 KORḚNTƏ 1:14

tɔdɔ̄ ī-gerī kum nge ń j-ɔr̄ sesí ní kɔ̄ɔ́ ɓá: Ndɔ̄ yā Kɔ́ɔ̄ɓē yājí Jeju tə́ anī, jḭḭ i yá̰a̰ kɔr ta rɔ̄ yāsí ō, sḭḭ̄ i yá̰a̰ kɔr ta rɔ̄ yājí ō.

2 KORḚNTƏ 5:12

Jə-tél j-ədasí i Najə̄ kə́ Majə yājí jḭḭ gogə́ ɓáý to̰ alé, banī jə-sāā i kadə̄ ə́ngeī ta róbə kɔjə rɔ̄sí kə ta kūl̄jí, yā kadə̄ sḭḭ̄ ásiīneé tél kə najá kəda ngé gə̄ ń a ɔjən̄ rɔ̄də́ kə gidə yá̰á̰ kə́ ndágá karī, ba i kə yá̰á̰ kə́ ngarān̄g kem deē tə́ aĺ ní.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

PILIPƏ 4:10

M-ə́nge rɔ̄nel̄ kə́ ngá̰ý gō ɓoo naā yāḿ kə Kɔ́ɔ̄ɓēé tə́, tɔdɔ̄ ngɔlaā ə́ngeī ta róbə kɔjə kə̄ ndágá kadə̄ ī-gírī dɔḿ tə́ ɓáý to̰. A̰á̰ā̰ ī-gírī dɔḿ tə́ rɔ̄kum, banī i ta róbə kɔjən kə̄ ndágá n əngeī aĺ i mbée.

PILIPƏ 3:1

Ba ngɔlaā ní ngákó̰ó̰ḿ gə̄, ī-rāāī rɔ̄nel̄ najə̄ ɓoo ń ī-ɓooī naā kə Kɔ́ɔ̄ɓēé ní tə́. M-ɔ́r loo ndang yá̰á̰ kə́ kógə̄ḿ beē tə́ yā kadə̄sí kə̄ nja naā tə́ alé. Tām̄ yāsí tə́ ɓáa i nge ń noō n kadə̄ ī-raī dɔ tə́ ngan̄g ní.

2 KORḚNTƏ 7:6

Ba Nə́ɓā ń i nge sɔl̄ kem ngé gə̄ ń tɔ́gə́də́ ur̄ wak kɔ̄ɔ́ ní, sɔl̄ kemjí kə ta kūl̄ reē ń Titə reē ugə̄ ní.

JA̰A̰ 16:24

Bátə́ ngɔlaā ní sḭḭ̄ ī-dəjeī yá̰á̰ kógə̄ḿ kə rīḿ aĺ ɓáý. Ní, ī-dəjeī, anī ā ə́ngeī, yā kadə̄ rɔ̄nel̄ yāsí i kə́ ɔtə̄ kə taá mámák.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

2 KORḚNTƏ 7:4

M-ə̄nā kemḿ mámák m-ādə̄sí. M-ɔ́r ta rɔ̄ḿ ngá̰ý najə̄ yāsí tə́. Dan wur kɔl yājí gə̄ tə́ malang ní, m-ə́nge kem sɔl̄ ngá̰ý ō, rɔ̄ḿ nelə̄m̄ ngá̰ý ō.

2 KORḚNTƏ 7:14

Ré m-ɔ́r ta rɔ̄ḿ najə̄ yāsí tə́ ta kumən tə́ anī, rɔ̄ḿ sɔlə̄m̄ najə̄n tə́ alé. Banī tītə̄ ń j-a j-ədasí i najə̄ kə́ rɔ̄kum ngándáńg ní, kɔr ń j-ɔr ta rɔ̄jí najə̄ yāsí tə́ ta kum Titə tə́ ní, najə̄ i yājí.

GALATƏ 6:4

Majə kadə̄ náā nəkɔ́ əndā ma̰ȳ kəla rāān nəkɔ́. Ré kəla ní majanī, a ɔr ta rɔ̄n tām̄ kəla ní tə́, banī i tām̄ kəla yā de kə́ rang tə́ alé.