PILIPƏ 1:19 - Bibəl ta Sar̄

¹⁹ Tɔdɔ̄ m̄-ger̄ kadə̄ yá̰á̰ ń noō a teē i kajə tām̄ yāḿ tə́ kə ta kūl̄ ndɔ̄ȳ yāsí ō, kə ta kūl̄ rāā ń Ndíĺ Jeju Kərist a rāā kə deē ní ō.

Bible sar

¹⁹ Tɔdɔ̄ m̄-ger̄ kadə̄ yá̰á̰ ń noō a teē i kajə tām̄ yāḿ tə́ kə ta kūl̄ ndɔ̄ȳ yāsí ō, kə ta kūl̄ rāā ń Ndíĺ Jeju Kərist a rāā kə deē ní ō.

PILIPƏ 1:19 Referans Kwoze

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

KƏLA RĀĀ 16:7

Dan ń nin̄-ugə̄n̄ dɔ nin̄ nang kə́ Miji tə́ anī, sāān̄ kaw̄ dɔ nang kə́ Bitini tə́, banī Ndíĺ Jeju ɔgə̄də́ kɔ̄ɔ́.

2 KORḚNTƏ 1:11

Sḭḭ̄ kɔ́ gə̄ ā ī-ndɔ̄yī tām̄ yājí tə́ ō. Adə̄ Nə́ɓā a oō ndɔ̄ȳ yā de kə́ ngá̰ý gə̄ kə́ tām̄ yājí tə́ yā rāań kem majə sejí. Loo ń noō tə́ de gə̄ ngá̰ý a télən̄ yā ndadə̄n tām̄ yājí tə́.

GALATƏ 4:6

Sḭḭ̄ i ngáń Nə́ɓā gə̄ rɔ̄kum i karī alé, tɔdɔ̄ Nə́ɓā əla Ndíl Ngōnən kemjí tə́, tá Ndíĺ ní əda kə ndū boó na Aba, Bɔbə̄jí!

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

1 KORḚNTƏ 4:17

I tām̄ najə̄ ń noō tə́ n m-ə́la Timote rɔ̄sí tə́ ní. Ni i ngōnə̄ḿ kə́ ra dɔ ndūn tə́ kə́ m̄-tárən ngá̰ý sɔɔ̄ń Kɔ́ɔ̄ɓē. Ndū najə̄ gə̄ ń m-ún gō á m̄-ndiń kə Kərist ní, ni a ter̄ kemsí dɔ tə́. Adə̄ i yá̰a̰ gə̄ ń m̄-ndóō de gə̄ kə̄ kem Egəlijə gə̄ tə́ malang ní.

1 PIYER 1:11

Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.

GALATƏ 3:5

Nge ń adə̄sí Ndíl ō, rāā yá̰a̰ kə́ yáā gə̄ dɔ dáńsí tə́ ō ní, rāā i tām̄ rāā kə́ sḭḭ̄ ī-rāāī yá̰á̰ gə̄ kə́ ndū najə̄ əda kadə̄ yā rāā gə̄ tə́, aké i tām̄ koō kə́ ōōī Najə̄ kə́ Majə ō ī-taāī kem ō ḿ?

PILIPƏ 1:18

Ba nge ń noō usəm̄ alé! Ká gír̄ yādə́ i gír̄ kə́ majaĺ, aké i gír̄ kə́ rɔ̄kum gə̄gē anī, najə̄ yā Kərist i kə́ kɔjə adə̄ m̄-rāā rɔ̄nel̄ tāmən tə́ ō, m-ā m̄-na̰y kə̄ loo rāā rɔ̄nel̄ tə́ tāmən tə́ ɓáý ō.