PILIPƏ 1:18 - Bibəl ta Sar̄

¹⁸ Ba nge ń noō usəm̄ alé! Ká gír̄ yādə́ i gír̄ kə́ majaĺ, aké i gír̄ kə́ rɔ̄kum gə̄gē anī, najə̄ yā Kərist i kə́ kɔjə adə̄ m̄-rāā rɔ̄nel̄ tāmən tə́ ō, m-ā m̄-na̰y kə̄ loo rāā rɔ̄nel̄ tə́ tāmən tə́ ɓáý ō.

Bible sar

¹⁸ Ba nge ń noō usəm̄ alé! Ká gír̄ yādə́ i gír̄ kə́ majaĺ, aké i gír̄ kə́ rɔ̄kum gə̄gē anī, najə̄ yā *Kərist i kə́ kɔjə adə̄ m̄-rāā rɔ̄nel̄ tāmən tə́ ō, m-ā m̄-na̰y kə̄ loo rāā rɔ̄nel̄ tə́ tāmən tə́ ɓáý ō.

PILIPƏ 1:18 Referans Kwoze

Najə̄ kə́ Majə yā Jeju ń Luk ndang ní 9:50

Banī Jeju əda na: Ī-lōōī kɔgə̄n, tɔdɔ̄ deē ń i madə̄ ba̰ā̰sí alé ní, kɔ́ɔ̄ i sesí.

1 KORḚNTƏ 15:11

Adə̄ ká i mā aké i nin̄ gə̄gē anī, yá̰á̰ ń j-ɔjə ní n noó ō, yá̰á̰ ń sḭḭ̄ ī-taāī kem ní n noó ō.

1 KORḚNTƏ 14:15

I beé ní m-ā m̄-rāā i ba̰ý tā? M-ā m̄-ndɔ̄ȳ Nə́ɓā kə ndílə́ḿ ō, m-ā m̄-ndɔ̄ȳ Nə́ɓā kə kur̄ dɔḿ ō. M-ā m-ə̄nā pā kə ndílə́ḿ ō, m-ā m-ə̄nā pā kə kur̄ dɔḿ ō.

MARK 12:40

A əsan̄ jī dəyá̰ kə́ ngaa koy gə̄ yā təgā ō, a ilə̄n̄ gidə rɔ̄də́ karī ba na n-ndɔ̄ȳn̄ na i ngá̰ý ō. Nin̄ ní sarya kə́ bo ngá̰ý a əsō dɔdə́ tə́.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

1 KORḚNTƏ 10:19

Kum yá̰á̰ ń m̄-sāā kəda ní na i rí? m̄-sāā i kəda na dā̰ ń tɔ̄l̄ adə̄n̄ ɓesə̄ ní i yá̰á̰ kə́rēý a? Aké m̄-sāā i kəda na ɓesə̄ i yá̰á̰ kə́rēý a?

Makətūbə̄ ń Pol ndang adə̄ Rom gə̄ ní 6:15

Kumən na i rí? Kə jə-rāāī yá̰á̰ kə́ majaĺ tām̄ ndi ń jə-ndiī gír ndū najə̄ tə́ to̰ alé, banī i gír rajə yā Nə́ɓā tə́ ní a? I tītə̄ ń noō alé.

Makətūbə̄ ń Pol ndang adə̄ Rom gə̄ ní 3:9

Kə j-ədaī na i rí? Jḭḭ̄ Jipə gə̄ ní, jə-tɔyī gotə de gə̄ a? Sḛ́ý aĺ bátə́! Tɔdɔ̄ m-ə́dásí najə̄ kə́ dɔ tə́ kété kɔ̄ɔ́ kadə̄ Jipə gə̄ gə̄gē, Gərek gə̄ gə̄gē, nin̄ malang i gíŕ tɔ́gə yā majaĺ tə́.

Najə̄ kə́ Majə yā Jeju ń Luk ndang ní 9:45

Banī nin̄-gerə̄n̄ kum alé. Kum i kə́ mundə̄ kadə̄ dum̄ dɔdə́ ō, tá nin̄-ɓōlə́n̄ dəje Jeju najə̄ dɔ tə́ kɔ̄ɔ́ ō.

PILIPƏ 1:19

Tɔdɔ̄ m̄-ger̄ kadə̄ yá̰á̰ ń noō a teē i kajə tām̄ yāḿ tə́ kə ta kūl̄ ndɔ̄ȳ yāsí ō, kə ta kūl̄ rāā ń Ndíĺ Jeju Kərist a rāā kə deē ní ō.