PILIPƏ 1:12 - Bibəl ta Sar̄

¹² Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

Bible sar

¹² Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

PILIPƏ 1:12 Referans Kwoze

2 TIMOTE 2:9

Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

Makətūbə̄ ń Pol ndang adə̄ Rom gə̄ ní 8:37

Ba nge ń táŕjí ní rāā adə̄ jə-tetiī rɔ̄ɔ̄ tū yá̰a̰ gə̄ ń noō tə́ malang.

KƏLA RĀĀ 8:4

Ngé gə̄ ń tə̄ndā tḭ̄ḭ̄n̄də́ kə̄ loo gə̄ tə́ ní, unən̄ gō ɓē gə̄ ba ɔjən̄ de gə̄ Najə̄ kə́ Majə.

PĀ GƏ̄ 76:10

dan ń ḭ́ḭ dɔɔ́ yā gān̄g sarya, yā kajə de kə́ dɔ nang tə́ gə̄ malang ń télən̄ kə rɔ̄də́ kə̄ nang tə́ ní.

ESTER 9:1

Ndɔ̄ kə́ nge ko̰ kutə gidə i mətá yā nāā kə́ nge ko̰ kutə gidə i jōó ń i nāā Adar ní ugə̄. Yá̰á̰ ń yá̰á̰ kə́ mban̄g ndang kadə̄ yā rāā əda ní ɔjən̄ rāā i ndɔ̄ ń noō tə́ ō, madə̄ ba̰ā̰ Jipə gə̄ əndān̄ kemdə́ dɔ tetə Jipə gə̄ rɔ̄ɔ̄ tə́ i ndɔ̄ ń noō tə́ ō. Banī yá̰a̰ gə̄ tūrə̄n̄ gíŕdə́ kem kār̄ kə́ rang tə́ adə̄ i Jipə gə̄ n tetən̄ ngé kim̄də́ gə̄ rɔ̄ɔ̄ ní.

Teē Ngán Israel gə̄ 18:11

Ká ré wōn̄g rāā ɓesə̄ gə̄ malang ngá̰ý kə de gə̄ yā Kɔ́ɔ̄ɓēé gə̄gē, anī na n-ger̄ kadə̄ Kɔ́ɔ̄ɓē i de kə́ bo tɔȳ ɓesə̄ gə̄ ń noō malang.

Najə̄ kə́ Majə yā Jeju ń Luk ndang ní 21:13

Ba yá̰a̰ gə̄ ń toō a reēn̄ dɔsí tə́ kadə̄ sḭḭ̄ ə́ngeī loo kɔr̄ najə̄ kə́ kum tə́ dɔḿ tə́.

PILIPƏ 1:5

Tɔdɔ̄ sḭḭ̄ ī-ɓooī naā sejí dɔ kəla kɔjə Najə̄ kə́ Majə tə́. Ə́laī gír i ndɔ̄ kə́ ta kəga dɔ tə́ bátə́ ɓōólaā.

PILIPƏ 1:7

I gō tə́ kadə̄ gír̄ kə́ kemḿ tə́ i tītə̄ ń noō tām̄ yāsí tə́ malang. Tām̄ sḭḭ̄ i kemḿ tə́, tɔdɔ̄ kem majə ń Nə́ɓā rāā seḿ ní, sḭḭ̄ malang ə́gaī naā dɔ tə́ seḿ, ká i dan ń mā i dəngáyá tə́ toō, aké i dan ń mā i kɔ́ɔ̄ rɔ̄ḿ á m-ā m̄-rɔ̄ɔń dɔ Najə̄ kə́ Majə tə́ ō, m-ā m̄-rāań kadə̄ Najə̄ kə́ Majə əlań ngəran ngan̄g ō ní.

PILIPƏ 2:22

Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē.

PILIPƏ 4:3

Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

PILIPƏ 4:15

Sḭḭ̄ kɔ́ gə̄ de kə́ Pilipə tə́ gə̄, ī-gerī majə kadə̄ dan ń ta kəla gír kɔjə Najə̄ kə́ Majə tə́ á m-ə́ya̰ gō nang kə́ Masedəwan ní, Egəlijə kógə̄ḿ kə́ rāā seḿ adə̄ adə̄m̄ yá̰a̰, aké taā yá̰a̰ jīḿ tə́ ní gətóo, ba i Egəlijə yāsí sḭḭ̄ ngóy.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.