PILIPƏ 1:10 - Bibəl ta Sar̄

¹⁰ kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

Bible sar

¹⁰ kadə̄ ásiīneé gə̄rā yá̰á̰ kə́ majə. Loo ń noō tə́ ndɔ̄ yā *Kərist tə́ anī ā ūnjī njáý njáý ō, sḭḭ̄ i de kə́ kanjə̄ najə̄ dɔsí tə́ gə̄ ō.

PILIPƏ 1:10 Referans Kwoze

Makətūbə̄ ń Pol ndang adə̄ Rom gə̄ ní 12:2

Ī-lōōī ndájə̄ hál de kə́ dɔ nang tə́ gə̄. Banī ādī Nə́ɓā tūr̄ kemsí ō, adə̄sí kur̄ dɔ kə́ kijə ō. Loo ń noō tə́ ā ásiī ka̰a̰ yá̰á̰ ń Nə́ɓā ndigə ní yā ger̄. Adə̄ i yá̰á̰ kə́ majə ō, nel̄ Nə́ɓā ō, kə́ majə ɔtə kə taá ō.

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.

Makətūbə̄ ń Pol ndang adə̄ Rom gə̄ ní 2:18

ī-ger̄ gō kem ndigə yā Nə́ɓā ō, ndū najə̄ ɔjiī loo gə̄rā yá̰á̰ kə́ só tə́ ō,

EPEJƏ 5:10

Yá̰á̰ ń nel̄ Kɔ́ɔ̄ɓē ní, majə kadə̄ á̰a̰ ī-gerī.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

PILIPƏ 1:6

Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.

1 TESALONIK 5:21

Ə̄ndāī ma̰ȳ najə̄ gə̄ malang, ba ī-ndigiī ngé kə́ majə gə̄.

1 KORḚNTƏ 1:8

I ni n a mbūsə̄sí kadə̄ ī-raī ngan̄g bátə́ ta tɔ̄l̄ ta tə́, yā kadə̄ sḭḭ̄ i kə́ kanjə̄ najə̄ dɔsí tə́ ndɔ̄ yā Kɔ́ɔ̄ɓē yājí Jeju Kərist tə́ ō ní.

JEJU TEĒ KUM JA̰A̰ 2:2

m̄-ger̄ yá̰a̰ rāāí gə̄ ō, kəla kə́ ngan̄g gə̄ ń ī-rāā ní ō, kəhɔ rɔ̄ tɔgə yāí ō, m̄-ger̄ kadə̄ ásə́ tə́gā taí dɔ ngé kem ndul gə̄ tə́ aĺ ō, ngé gə̄ ń ədan̄ na nin̄ na i ngámbang kəla gə̄ ba nin̄ i ngámbang kəla gə̄ aĺ ní, ḭ̄ ī-nāādə́ ba á̰a̰ā̰ kadə̄ nin̄ i ngé sor̄ gə̄ ō.

EPEJƏ 5:27

Ni-gḛy kadə̄ ta kumən tə́ ɓáa ngé kán̄ naā gə̄ ngeé ń toō ton̄ tītə̄ dəyá̰ kə́ ndə́lē pipir ō, kə́ yə̄ró ɔdən aĺ ō, kə́ rɔ̄n sá̰ā̰ kīdə́ aĺ ō, kə́ dām̄ rɔ̄n sḛ́ý kə́ nujə gətóo ō. Ni-gḛy kadə̄ ngé kán̄ naā yān gə̄ ní i de kə́ táĺ gə̄, kə́ najə̄ kə́ yā kəda dɔdə́ tə́ gətóo.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

MATIYE 16:23

Anī Jeju tūr̄ rɔ̄n ba əda Piyer na: Sətan, ī-tél kɔ̄ɔ́ gōḿ tə́! Ḭ̄ i bə̄dē kə́ əga njaḿ kadə̄ m-ə̄sō. Tɔdɔ̄ gír̄ kə́ kemií tə́ i gír̄ yā Nə́ɓā alé, ba i gír̄ yā de gə̄.

JOJUE 24:14

Anī Jojue tél əda na: Ngɔlaā ní, ī-ɓōlíī ndíĺ Kɔ́ɔ̄ɓē ō, ī-rāāī kəla kə ngarā̰ kemsí malang ādīin̄ ō, ī-raī dɔ ndūsí tə́ ō. Ɓesə̄ gə̄ ń kaasí gə̄ a rāān̄ gidə bā tə́ ō, dɔ nang kə́ Ejiptə tə́ ō ní, ī-ró̰yīdə́ kɔ̄ɔ́ ba ī-rāāī kəla yā Kɔ́ɔ̄ɓē.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

Makətūbə̄ ń Pol ndang adə̄ Rom gə̄ ní 8:7

Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

MATIYE 26:33

Piyer un najə̄ ɔr̄, əda Jeju na: Ká ré gotə madə́ḿ gə̄ malang əya̰īn̄ kɔ̄ɔ́ gə̄gē anī, mā m-a m-ə́ya̰ī kɔ̄ɔ́ aĺ bátə́.

MISE 3:2

Banī yá̰á̰ kə́ majə nel̄sí sḭḭ̄ aĺ ngá̰ý ō, yá̰á̰ kə́ majaĺ nel̄sí ō. Sḭḭ̄ ɔ̄rī ndāŕ madə̄sí gə̄ ō, ī-ngḭ̄ḭ̄ dā̰də́ gidə kə̄ngādə́ gə̄ tə́ kɔ̄ɔ́ ō.

Makətūbə̄ yā Job 34:3

Tɔdɔ̄ mbī deē i nge kəndā ma̰ȳ najə̄, tītə̄ ń ta deē i nge nāā nel̄ yá̰a̰ kəsa ní.

Makətūbə̄ yā Job 12:11

Ədan̄ na mbī na i nge ger̄ nel̄ najə̄ gə̄, tītə̄ ń kem ta deē i nge ger̄ nel̄ yá̰a̰ gə̄ ní.

TA KƏLA 20:5

Abəraham nəkɔ́ ədam̄ na i ngōkó̰o̰n kə́ dəyá̰, tá dəyá̰ nəkɔ́ əda na Abəraham na i ngōkó̰o̰n kə́ dəngam rɔ̄kum. Adə̄ yá̰a̰ rāāḿ i kə kem kə́ unjə̄ njáý njáý, yá̰á̰ kə́ majaĺ kə́ m̄-rāā gətóo.

PILIPƏ 1:16

Ngé gə̄ ń toō rāān̄ yá̰a̰ i kə tárá, tɔdɔ̄ nin̄-gerə̄n̄ kadə̄ Nə́ɓā əla kəla rɔ̄ɔ̄ dɔ Najə̄ kə́ Majə tə́ i gír̄ jīḿ mā tə́.

EPEJƏ 6:24

De gə̄ malang ń tárən̄ Kɔ́ɔ̄ɓē yājí Jeju Kərist kə táŕ kə́ a to ngándáńg ní, ādə̄ Nə́ɓā rāā kem majə sedə́.

EPEJƏ 4:15

Banī j-a j-ədaī najə̄ kə́ rɔ̄kum kə tárá, adə̄ j-a jə-tɔgiī tū yá̰a̰ gə̄ tə́ malang kum kə̄ rɔ̄ nge ń ni i dɔm dɔ ní tə́, adə̄ i kum kə̄ rɔ̄ Kərist tə́.

GALATƏ 5:11

Ba mā tā a ngákó̰ó̰ḿ gə̄, ré m-ə̄nā i mbēr̄ kəja mɔtə ɓáý anī, i ba̰ý á a rāān̄ kumḿ ndoō tə́ ɓáý ní? Ré m̄-rāā i tītə̄ ń noō anī, kāgə̄ kə́ dēsə́ i yá̰á̰ kə́ əga de gə̄ bə̄dē tə́ to̰ alé.

2 KORḚNTƏ 8:8

I yá̰á̰ kə́ m-ɔ́sə sesí ta rāā alé, ba dan ń m-ɔ́jə́sí loo kəndā ń madə̄sí gə̄ əndān̄ rɔ̄də́ ta yá̰á̰ tə́ rāān̄ ní, m̄-nāāsí i mbéé m-á̰a̰ń ké tár yāsí i kə́ rɔ̄kum wa ngóy.

2 KORḚNTƏ 6:3

Jə-sāā kadə̄ deē əda najə̄ kə́ majaĺ dɔ kəla rāājí tə́ alé. I tām̄ najə̄ ń noō tə́ n jə-sāań rāā yá̰á̰ kə́ kadə̄ deē əngeń ta róbə kəda najə̄ kə́ majaĺ aĺ ní.

2 KORḚNTƏ 2:17

De gə̄ ngá̰ý a rāān̄ najə̄ yā Nə́ɓā i yá̰a̰ gātə̄ tə́, banī jḭḭ jə-to i tītə̄də́ aĺ ō, jḭḭ jə-rāā beé aĺ ō. Tām̄ i Nə́ɓā n əlají ní, j-ɔr̄ najə̄ kanjə̄ gír̄ kə́ rang kemjí tə́ ta kum Nə́ɓā tə́, kə gō ɓoo naā yājí kə Kərist.

1 KORḚNTƏ 10:32

Ī-lōōī rāā yá̰á̰ kógə̄ḿ kə́ kadə̄ Jipə gə̄, aláa Gərek gə̄, aláa Egəlijə yā Nə́ɓā a̰a̰n̄ anī əsōn̄.

1 KORḚNTƏ 8:13

I tām̄ najə̄ ń toō tə́ n ré yá̰a̰ kəsa i yá̰á̰ kə́ a rāā kadə̄ ngōkó̰ó̰ḿ əsō kum majaĺ tə́ anī, m-ā m-ə́sa dā̰ to̰ aĺ bátə́ kə̄ noḿ tə́ ní, na sōgə́ m̄-rāā adə̄ ngōkó̰ó̰ḿ əsō.

Makətūbə̄ ń Pol ndang adə̄ Rom gə̄ ní 16:17

Ngákó̰ó̰ḿ gə̄, m-ɔ̄jə̄sí kadə̄ ī-ngɔ̄mī rɔ̄sí najə̄ yā ngé gán̄g de gə̄ naā tə́ ń nin̄ i ngé rāā yá̰a̰ gə̄ kə́ əgan̄ de gə̄ bə̄dē tə́ ní ō, ngé mbātə́ kun gō yá̰á̰ ndóō ń ndóōn̄sí ní ō. Əya̰īdə́ ba āwī sa̰y kɔ̄ɔ́ rɔ̄də́ tə́.

Makətūbə̄ ń Pol ndang adə̄ Rom gə̄ ní 7:22

Ndū najə̄ yā Nə́ɓā nel̄ kemḿ ngá̰ý,

Makətūbə̄ ń Pol ndang adə̄ Rom gə̄ ní 7:16

Ba ré yá̰á̰ ń m̄-gḛy aĺ ní m̄-rāā anī, loo ń noō tə́ ní m̄-ndigə i najə̄ gō ndū najə̄ tə́ ō, m-ə́da kadə̄ ndū najə̄ i yá̰á̰ kə́ majə ō.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

JA̰A̰ 3:20

Tɔdɔ̄ náā nəkɔ́ ń ā rāā yá̰á̰ kə́ majaĺ ní, gḛy loo kə́ unjə̄ kow alé. Adə̄ a reē kum loo kə́ unjə̄ kow tə́ alé, najə̄ kadə̄ gír kəla rāān gə̄ teēn̄ dɔɔ́.

PILIPƏ 2:16

kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.