PILIPƏ 1:1 - Bibəl ta Sar̄

¹ Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

Bible sar

¹ Pol nin̄ kə Timote ń i ngé rāā kəla gə̄ yā Jeju *Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

PILIPƏ 1:1 Referans Kwoze

2 KORḚNTƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní ō, ngōkó̰ó̰sí Timote ō n j-əla kə makətūbə̄ ń toō ní. J-əlań j-adə̄ i Egəlijə yā Nə́ɓā ń i kem ɓē kə́ Korḛntə tə́ ní ō, ngé taā kem gə̄ ń ndin̄ dɔ nang kə́ Akayi tə́ kə taá malang ní ō.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

1 TIMOTE 3:8

Ngé rāā kəla nə̄ɓō yá̰a̰ gə̄ ní, yādə́ i tītə̄ ń noō ō. Ādə̄ nin̄ i de gə̄ kə́ de gə̄ rɔȳn̄də́ gə̄ ō, nin̄ i ngé míndə jōó aĺ gə̄ ō, ngé ka̰ȳ kasə ngá̰ý gə̄ aĺ ō, ngé sāā kənge yá̰a̰ kə ta róbə́ kə́ gō tə́ aĺ gə̄ alé ō.

2 TESALONIK 1:1

I Pol nin̄ kə Silas ō, Timote ō n əlan̄ kə makətūbūú adə̄n̄ Egəlijə kə́ Tesalonik tə́ ń ɓoo naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní.

1 TESALONIK 1:1

I Pol nin̄ kə Silas ō, Silas ō, Timote ō n əlan̄ kə makətūbə̄ ń toō adə̄n̄ Egəlijə kə́ Tesalonik tə́ ń ɓoon̄ naā kə Bɔbə̄jí Nə́ɓāá ō, kə Kɔ́ɔ̄ɓē Jeju Kərist ō ní. Ādə̄ Nə́ɓā rāā kem majə sesí ō, sɔl̄ kemsí ō.

EPEJƏ 1:1

I mā Pol ń i ngōmbang kəla yā Jeju Kərist kə gō kem ndigə yā Nə́ɓāá ní n m-ə́la kə makətūbə̄ ń toó m-ādə̄sí, sḭḭ̄ de gə̄ yā Nə́ɓā ń ī-ndiī Epejə ba ī-taāī kem Jeju Kərist ní.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

1 TIMOTE 1:2

n m-ə́la kə makətūbə̄ ń toō m-ādī ḭ̄ Timote ní. Ḭ̄ i ngōnə̄ḿ kə́ rɔ̄kum, tɔdɔ̄ i mā n m̄-rāā adə̄ ī-taā kem ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē yājí Kərist Jeju rāān̄ kem majə seí ō, a̰a̰n̄ kum tō ndoō yāí ō, sɔlə̄n̄ kemií ō.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

JEJU TEĒ KUM JA̰A̰ 1:1

Yá̰a̰ gə̄ kə́ ton̄ loo mundə̄ tə́ ń Nə́ɓā teē kum Jeju Kərist dɔ tə́ kadə̄ ɔjə ngé kəla yān gə̄ ní, yá̰a̰ gə̄ ní a rāān̄ yá̰a̰ ngɔr. Kərist əla deē yān kə́ dɔ rā̰ tə́ kadə̄ ɔjə Ja̰a̰ nge kəla yān yá̰a̰ gə̄ ní.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

TITƏ 1:7

Nge kɔr no ngé kán̄ naā gə̄ ń i de kə́ əndān̄ dɔn tə́ kadə̄ əndā kumən gír yá̰a̰ gə̄ yā Nə́ɓā tə́ ní, majə kadə̄ ni i de kə́ najə̄ gətóo dɔn tə́. Adə̄ ni i de kə́ nge kídə̄ deē aĺ ō, nge wōn̄g aĺ ō, nge ka̰ȳ yá̰a̰ aĺ ō, de kə́ nge sāā nar kə ta róbə́ kə́ gō tə́ aĺ aĺ ō.

HEBƏRO 13:23

Majə kadə̄ ī-gerī kadə̄ ɔrə̄n̄ ngōkó̰ó̰jí Timote dəngáyá, adə̄ ré ní ugə̄ láẃ anī, j-a j-aw̄ seneé mbak yā go̰ō̰sí.

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

1 TESALONIK 2:2

Tītə̄ ń ī-gerīneé ní, kété tá kadə̄ j-ugə̄ loosí ní, rāān̄jí yá̰á̰ kə́ tōr̄ gə̄ ō, tájə̄n̄jí ō, kem ɓē kə́ Pilipə tə́. Ba Nə́ɓā yājí adə̄jí tɔ́gə, adə̄ j-ɔjəńsí Najə̄ kə́ Majə yān kanjə̄ ɓōĺ, dan rɔ̄ɔ̄ kə́ ngá̰ý tə́.

EPEJƏ 1:15

I tām̄ najə̄ ń toō tə́ n, dan ń m-ōō na ī-taāī kem Kɔ́ɔ̄ɓē Jeju ō, na ī-táriī de gə̄ yā Nə́ɓā malang ō ní,

1 KORḚNTƏ 16:10

Ré Timote ugə̄ rɔ̄sí tə́ anī, ī-lōōī rāā kadə̄ ni-ndi kə ɓōló dansí tə́, tɔdɔ̄ ni a rāā i kəla yā Kɔ́ɔ̄ɓē tītə̄ yāḿ ō.

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

KƏLA RĀĀ 9:13

Anī Ananias tél əda na: Kɔ́ɔ̄ɓē, de gə̄ ngá̰ý ədamə̄n̄ najə̄ kə́ dɔ deē ń noō tə́, ədan̄ na ni na rāā ngé yāí gə̄ majaĺ ngá̰ý kem ɓē kə́ Jerusalem tə́.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

MARK 13:34

A to tītə̄ deē kógə̄ḿ kə́ aw̄ mbā tə́. Ni əya̰ kújə yān, ba adə̄ ngé kəla yān gə̄ ndūn. Ni-gán̄g kəla adə̄də́ kə dɔdə́ gēé. Ni-əndā dɔ nge ngɔ̄m̄ ta kújə́ tə́ kadə̄ ndi dɔ rɔ̄n tə́.

JEJU TEĒ KUM JA̰A̰ 22:9

Banī ni-ədam̄ na kə m̄-lōō rāā beé, na ni na i madə̄ kəlaḿ ō, madə̄ kəla ngákó̰ó̰ḿ kə́ ngé koō ta gə̄ ō, ngé gə̄ ń a ngɔ̄mə̄n̄ najə̄ gə̄ kə́ kem makətūbə̄ ń toō tə́ ní ō. Ba na i Nə́ɓā n majə kadə̄ m̄-rɔȳn ní.

JEJU TEĒ KUM JA̰A̰ 2:12

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Pergam: Deē ń aw̄ kə kəyā kə́ ta lēmbə̄ ba kumən atə dām̄ jōó ní, najə̄ ń əda ní n toó:

JEJU TEĒ KUM JA̰A̰ 2:8

Ī-ndang najə̄ń toō ādə̄ de kə́ dɔ rā̰ tə́ yā Egəlijə kə́ Səmirnə: Najə̄ ń deē ń ni i ta kəla gíŕ yá̰a̰ ō, ta tɔ̄l̄ ta yá̰a̰ ō, oy tá ndól̄ ō ní, əda ní n toó:

JEJU TEĒ KUM JA̰A̰ 1:20

Ba tə́yō̰ kə́ sīrí gə̄ ń á̰á̰də́ jī ko̰ḿ tə́ ō, ɗəra hor kə́ sīrí gə̄ kə́ rāā kə lɔ́rɔ́ ō ń i yá̰a̰ gə̄ kə́ ton̄ loo mundə̄ tə́ ní, kumdə́ n toó: Tə́yō̰ kə́ sīrí gə̄ ní i de kə́ dɔ rā̰ tə́ gə̄ yā Egəlijə kə́ sīrí gə̄ ō, ɗəra hor kə́ sīrí gə̄ ní, i Egəlijə kə́ sīrí gə̄ ō.

KƏLA RĀĀ 1:20

Tá yá̰á̰ ń ndangən̄ kem makətūbə̄ Pā gə̄ tə́ ní n toó: Kadə̄ loo yān kə tél ndəbā ɓē ō, kadə̄ deē kógə̄ḿ kə ndi tū tə́ aĺ ō. Tá ndangən̄ ɓáý to̰ na: Kadə̄ kə i de kə́ rang n kə un ta kəla yān ō.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

GALATƏ 3:26

Tɔdɔ̄ sḭḭ̄ malang i ngáń Nə́ɓā gə̄ sɔɔ̄ ń taā kə́ ī-taāī kem Kərist Jeju,

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

EPEJƏ 6:24

De gə̄ malang ń tárən̄ Kɔ́ɔ̄ɓē yājí Jeju Kərist kə táŕ kə́ a to ngándáńg ní, ādə̄ Nə́ɓā rāā kem majə sedə́.

PILIPƏ 2:5

Ādī háĺsí i háĺ Jeju Kərist.

PILIPƏ 2:19

m̄-taā kem kadə̄ Kɔ́ɔ̄ɓē Jeju a rāā seḿ, adə̄ m-ā m-ə́la Timote loosí ngɔr, kadə̄ m-ōōń kōōsí ō, kadə̄ kemḿ tetəń kə̄ nang tə́ sḛ́ý ō.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

PILIPƏ 3:12

Ba i kə́ yā kədań na mā na m-ūgə̄ loo kə́ yā dəba tū tə́ tə́ kɔ̄ɔ́ ɓá, aláa na mā na i de kə́ m̄-majə m-ɔ̄tə̄ kə taá kɔ̄ɔ́ ɓá alé. Banī m̄-na̰y kə̄ loo ka̰ȳ ngɔ̄də̄ tə́ laā ɓáý kum kə̄ kété. M-ə́hɔ rɔ̄ḿ tɔgə kadə̄ m̄-taā yá̰a̰ kəndā nja yā ngé nējə̄ naā ngɔ̄də̄ gə̄, tɔdɔ̄ Jeju Kərist əhɔm̄ mā kɔ̄ɔ́ ɓá.

PILEMO̰ 1:1

I mā Pol ń i dəngáy yā Jeju Kərist ní, jḭḭ kə ngōkó̰ó̰jí Timote, jə-ndang najə̄ ń toō j-əlań j-adī ḭ̄ kó tár yājí Pilemo̰ madə̄ kəlají ō,