PILEMO̰ 1:22 - Bibəl ta Sar̄

²² m̄-dəjeī yá̰á̰ kə́ rang, i kadə̄ ī-rāā loo ndi yāḿ, tɔdɔ̄ m̄-gír̄ kadə̄ a télən̄ seḿ a adə̄n̄sí gogə́ kə ta kūl̄ ndɔ̄ȳ yāsí.

Bible sar

²² m̄-dəjeī yá̰á̰ kə́ rang, i kadə̄ ī-rāā loo ndi yāḿ, tɔdɔ̄ m̄-gír̄ kadə̄ a télən̄ seḿ a adə̄n̄sí gogə́ kə ta kūl̄ ndɔ̄ȳ yāsí.

PILEMO̰ 1:22 Referans Kwoze

PILIPƏ 2:24

Tá m̄-ger̄ kemḿ tə́ majə kadə̄ Kɔ́ɔ̄ɓē a rāā seḿ, adə̄ mə̄kɔ́ m-ā m-āw̄sí noō ngɔr.

2 KORḚNTƏ 1:11

Sḭḭ̄ kɔ́ gə̄ ā ī-ndɔ̄yī tām̄ yājí tə́ ō. Adə̄ Nə́ɓā a oō ndɔ̄ȳ yā de kə́ ngá̰ý gə̄ kə́ tām̄ yājí tə́ yā rāań kem majə sejí. Loo ń noō tə́ de gə̄ ngá̰ý a télən̄ yā ndadə̄n tām̄ yājí tə́.

2 JA̰A̰ 1:12

Yá̰a̰ gə̄ i ngá̰ý kadə̄ m̄-ndang najə̄ kə́ dɔ tə́ m-ādə̄sí. Mā m̄-gḛy ndang kem makətūbūú ō, kə man̄ ndang makətūbə̄ ō alé. Ba m-ə̄ndā kemḿ dɔ kaw̄ loosí tə́, kadə̄ m-āw̄ m-ɔ̄r̄ najə̄ ní sesí kə taḿ, tá yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá mámák.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

PILIPƏ 1:19

Tɔdɔ̄ m̄-ger̄ kadə̄ yá̰á̰ ń noō a teē i kajə tām̄ yāḿ tə́ kə ta kūl̄ ndɔ̄ȳ yāsí ō, kə ta kūl̄ rāā ń Ndíĺ Jeju Kərist a rāā kə deē ní ō.

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

3 JA̰A̰ 1:14

Tɔdɔ̄ m-ə̄ndā kemḿ dɔ tə́ kadə̄ m-ā m-á̰a̰ī ngɔr, yā kadə̄ j-ɔr̄ najə̄ kə naá kə tají.

HEBƏRO 13:23

Majə kadə̄ ī-gerī kadə̄ ɔrə̄n̄ ngōkó̰ó̰jí Timote dəngáyá, adə̄ ré ní ugə̄ láẃ anī, j-a j-aw̄ seneé mbak yā go̰ō̰sí.

HEBƏRO 13:19

m̄-rāāsí ɓɔ́ nəkɔ́, ī-ndɔ̄yī ngá̰ý kadə̄ m̄-tél kə̄ rɔ̄sí tə́ gogə́ láẃ.

Makətūbə̄ ń Pol ndang adə̄ Rom gə̄ ní 15:24

Ba i ta kaw̄ḿ Esəpa̰y tə́ tá m-ā m̄-teē dɔsí tə́ ɓáý. Tɔdɔ̄ m-ə̄ndā kemḿ dɔ ka̰a̰sí tə́ yā kadə̄ m-ə́ngé yá̰a̰ jīsí tə́ tá m-āwń nú, ba m-ā m̄-ndi sesí sḛ́ý pá tá m-ā m̄-mān̄ ɓáý.

KƏLA RĀĀ 27:24

ba ədam̄ na: Pol ī-lōō ɓōĺ, tɔdɔ̄ i gáŕ kadə̄ ā ī-ra no Sejar tə́ ō, de gə̄ malang ń nin̄ i seí kem toó ní, Nə́ɓā adī sedə́ ō.