PILEMO̰ 1:20 - Bibəl ta Sar̄

²⁰ A̰á̰ā̰, ngōkó̰ó̰ḿ, ī-rāā kem majə ń toō seḿ tām̄ yā Kɔ́ɔ̄ɓē tə́. Ī-rāā ādə̄ kemḿ tetə kə̄ nang tə́ kem Kərist tə́.

Bible sar

²⁰ A̰á̰ā̰, ngōkó̰ó̰ḿ, ī-rāā kem majə ń toō seḿ tām̄ yā Kɔ́ɔ̄ɓē tə́. Ī-rāā ādə̄ kemḿ tetə kə̄ nang tə́ kem *Kərist tə́.

PILEMO̰ 1:20 Referans Kwoze

3 JA̰A̰ 1:4

Rɔ̄nel̄ yāḿ kə́ ngá̰ý i kadə̄ m-ōō na ngánə́ḿ gə̄ na njə̄rān̄ gō najə̄ kə́ rɔ̄kum tə́.

PILEMO̰ 1:7

Tām̄, ngōkó̰ó̰ḿ, m-ə́nge rɔ̄nel̄ ngá̰ý ō, m-ə́nge tɔ́gə ō, najə̄ tár yāí tə́. Tɔdɔ̄ ḭ̄ ī-sɔl̄ kem de gə̄ yā Nə́ɓā.

PILEMO̰ 1:12

m̄-tél m-ə́la seneé gogə́ m-ādī, ni ń i dām̄ rɔ̄ḿ kə́rēý ní.

1 JA̰A̰ 3:17

Ré deē kógə̄ḿ aw̄ kə yá̰a̰ kənge kə́ dɔ nang tə́ laā ō, a̰a̰ ngōkó̰o̰n kə́ yá̰a̰ tōr̄ rɔ̄n ō, ba kumən o̰o̰n tām̄ yān tə́ aĺ ní, ni-táŕ Nə́ɓā i ba̰ý?

HEBƏRO 13:17

Ōōī najə̄ ta nge kɔr no ngé kán̄ naā gə̄ ō, ə́laī dɔsí gír tɔ́gə yādə́ tə́ ō. Tɔdɔ̄ nin̄-əndān̄ kumdə́ gíŕsí tə́ tām̄ a ɔjən̄ Nə́ɓā gotə. Ré ōōī tadə́ anī, a rāān̄ kəla kə rɔ̄nelēé. Ré i beé aĺ anī a nōōn̄ i rɔ̄də́ n a rāān̄neé, ba ngé ń noō a teēsí yá̰á̰ tə́ alé.

PILIPƏ 4:1

I beé ní ngákó̰ó̰ḿ gə̄, sḭḭ̄ ń i kó tár yāḿ gə̄ ní, ngur kadə̄ m̄-téĺ m-á̰á̰sí gogə́ rāām̄ ngá̰ý. Kó tár yāḿ gə̄, sḭḭ̄ ń i rɔ̄nel̄ yāḿ ō, jākā mbang yāḿ ō ní, ī-raī ngan̄g tītə̄ ń noō dɔ ɓoo naā yāsí tə́ kə Kɔ́ɔ̄ɓēé.

PILIPƏ 1:8

m̄-táŕsí malang kə ta kūl̄ tár yā Jeju Kərist. Nge ń noō ní Nə́ɓā i de kə́ kum tə́ yāḿ loon tə́.

2 KORḚNTƏ 7:13

I tām̄ najə̄ ń noō tə́ n yá̰a̰ rāāsí sɔl̄ kemjí ní. J-ənge i kem sɔl̄ ngóy alé, Titə ń sḭḭ̄ malang ī-rāāniī ādə̄ kemən tetə kə̄ nang tə́ ní, rɔ̄nel̄ yān adə̄jí rɔ̄nel̄ ngá̰ý ō.

2 KORḚNTƏ 2:2

Tɔdɔ̄ ré m̄-rāāsí adə̄ kemsí nel̄sí aĺ ní, i náā n a rāā kadə̄ kemḿ mā a nelə̄m̄ ní? I ngé gə̄ ń m̄-rāādə́ adə̄ kemdə́ nel̄də́ aĺ ní ngóy aĺ a?

1 KORḚNTƏ 16:18

Nin̄-rāān̄ adə̄ kemḿ tetə kə̄ nang tə́, tītə̄ ń rāān̄neé adə̄ kemsí sḭḭ̄ tetə kə̄ nang tə́ ō ní. Majə kadə̄ i-gerī ndigə de kə́ beē gə̄.