PILEMO̰ 1:14 - Bibəl ta Sar̄

¹⁴ Banī m̄-gḛy rāā yá̰a̰ kanjə̄ koō yāí alé, yā kadə̄ kem majə yāí to tītə̄ kə́ i kə́ kɔsə seí ta rāā alé, banī i kə gō kem ndigə yāí tá.

Bible sar

¹⁴ Banī m̄-gḛy rāā yá̰a̰ kanjə̄ koō yāí alé, yā kadə̄ kem majə yāí to tītə̄ kə́ i kə́ kɔsə seí ta rāā alé, banī i kə gō kem ndigə yāí tá.

PILEMO̰ 1:14 Referans Kwoze

2 KORḚNTƏ 9:7

I beé ní ādə̄ de gə̄ kógə̄ḿ kógə̄ḿ adə̄n̄ yá̰a̰ kə gō kem ndigə yādə́, ba ādə̄ i kə́ kadə̄ kə ndə̄ngā rɔ̄ɔ́ gō tə́ aĺ ō, dɔ gúú tə́ aĺ ō. Tɔdɔ̄ Nə́ɓā tár i nge kadə̄ yá̰a̰ kə rɔ̄nelēé.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

2 KORḚNTƏ 9:5

Adə̄ m-á̰a̰ā̰ ní, i só tə́ ngá̰ý kadə̄ m̄-dəje ngákó̰ó̰jí gə̄ kadə̄ aw̄n̄ loosí kété noḿ tə́, yā kəndā dɔ yá̰a̰ gə̄ ń ə̄nīī ndūsí yā kadə̄ ní danaá. I tītə̄ ń noō tá ré m-ūgə̄ anī yá̰a̰ i kə́ kəndā dɔ jī kɔ̄ɔ́ ɓá ō, yá̰á̰ ní a ɔjə kə̄ ndágá kadə̄ sḭḭ̄ ādī i kə kem kə́ majaá ba i kə jī ngangāá alé ō.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

2 KORḚNTƏ 1:24

Jə-sāā i ko̰o̰ ɓē dɔ taā kem yāsí tə́ alé, banī jə-rāā kəla i naā tə́ sesí tām̄ yā rɔ̄nel̄ yāsí tə́. Tɔdɔ̄ sḭḭ̄ ī-raī ngan̄g dɔ taā kem tə́.

1 KORḚNTƏ 9:17

Ré m-ɔ́jə de gə̄ i kə gō kem ndigə yāḿ mə̄kɔ́ anī, m-ásə kənge yá̰a̰ kəndā nja yāḿ. Ba dan ń i gáŕ kadə̄ m-ɔ́jə́ ní, i kəla kə́ əndān̄ i dɔḿ tə́.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

1 KORḚNTƏ 9:7

I náā n rāā kəla áskar anī əgā rɔ̄n kə nar yān nəkɔ́ ní? I náā n əndā kāgə̄ nduú anī əsa kanə̄n aĺ ní? Aké i náā n ul̄ man̄g gə̄ kanjə̄ ka̰ȳ mbadə́ ní?