PILEMO̰ 1:12 - Bibəl ta Sar̄

¹² m̄-tél m-ə́la seneé gogə́ m-ādī, ni ń i dām̄ rɔ̄ḿ kə́rēý ní.

Bible sar

¹² m̄-tél m-ə́la seneé gogə́ m-ādī, ni ń i dām̄ rɔ̄ḿ kə́rēý ní.

PILEMO̰ 1:12 Referans Kwoze

EPEJƏ 4:32

Ī-rāāī majə kə naá ō, ādī kumsí o̰o̰sí kə madə̄sí gēé ō. Ī-mā̰yī rɔ̄sí dɔ naā tə́, tītə̄ ń Nə́ɓā mā̰yń rɔ̄n dɔsí tə́ sɔɔ̄ń ɓoo naā yāsí kə Kərist ní ō.

Najə̄ kə́ Majə yā Jeju ń Luk ndang ní 15:20

Anī ni-ḭḭ dɔɔ́, aw̄ ta kaw̄ gogə́ rɔ̄ bɔbə̄n tə́. Dan ń ni i sa̰y ɓáý á bɔbə̄n a̰a̰ dɔn, anī kumən o̰o̰n seneé. Bɔbə̄n a̰ȳ ngɔ̄də̄ ɔjə non, əhɔn kə̄ rɔ̄n tə́ ɓirə̄n dagə.

MARK 11:25

Ba loo ń ā ī-raī dɔɔ́ loo ndɔ̄ȳ tə́ ní, ré najə̄ kógə̄ḿ i mbo̰ō̰sí tə́ kə deē kógə̄ḿ anī, ī-mā̰yī rɔ̄sí dɔ tə́, yā kadə̄ Bɔbə̄sí kə́ dɔ rā̰ tə́ mā̰yń rɔ̄n dɔ majaĺ yāsí tə́ ō.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

2 SAMUEL 16:11

Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄.

NDŪ NAJƏ̄ 13:6

Banī a tɔ̄lə̄n̄ nge koō ta aláa nge nī rāā gə̄ ń toō kɔ̄ɔ́. Tām̄ ni mēr̄sí tūr̄ gidəsí kɔ̄ɔ́ ta Kɔ́ɔ̄ɓē ń i Nə́ɓā ń ɔr̄sí ɓəloó kɔ̄ɔ́ ō, teē sesí kɔ̄ɔ́ kem ɓē kə́ Ejiptə tə́ ō ní. A tɔ̄l̄nən̄ kɔ̄ɔ́ tām̄ ni sāā kadə̄ ī-tɔ̄ɔ̄ī kɔ̄ɔ́ gō róbə́ ń Kɔ́ɔ̄ɓē Nə́ɓā yāsí mēr̄sí kun tə́ ní. I beé n ā ɔ̄rīneé majaĺ kɔ̄ɔ́ dɔ dáńsí tə́ ní.

PILEMO̰ 1:11

Kété ni-teē yá̰a̰ tām̄ yāí tə́ alé, ba ngɔlaā a teē yá̰a̰ tām̄ yāí tə́, tītə̄ ń teēń yá̰a̰ tām̄ yāḿ tə́ ní.

PILEMO̰ 1:13

Əndā kumḿ ngɔ̄mə̄n rɔ̄ḿ tə́, kadə̄ ni-rāā seḿ kum gotií, dan ń mā i dəngáyá tām̄ yā Najə̄ kə́ Majə tə́ toō.