PĀ GƏ̄ 99:8 - Bibəl ta Sar̄

⁸ Kɔ́ɔ̄ɓē Nə́ɓā yājí, i īkɔ́ n ī-ndigə ɓār̄ yādə́ ní. Ḭ̄ i Nə́ɓā yādə́ kə́ nge tə́gā taí dɔdə́ tə́, banī yá̰á̰ kə́ majaĺ gə̄ ń nin̄ rāān̄ ní ḭ̄ ə́ndádə́ najə̄n tə́.

Bible sar

⁸ Kɔ́ɔ̄ɓē Nə́ɓā yājí, i īkɔ́ n ī-ndigə ɓār̄ yādə́ ní. Ḭ̄ i Nə́ɓā yādə́ kə́ nge tə́gā taí dɔdə́ tə́, banī yá̰á̰ kə́ majaĺ gə̄ ń nin̄ rāān̄ ní ḭ̄ ə́ndádə́ najə̄n tə́.

PĀ GƏ̄ 99:8 Referans Kwoze

TƏ́DA 20:12

Banī Kɔ́ɔ̄ɓē əda Moijə nin̄ kə Aaro̰ na: Sḭḭ̄ ī-taāī kemḿ ɔ́jiīń kə̄ ndágá ta kum ngán Israel gə̄ tə́ kadə̄ mā i de kə́ táĺ aĺ ɓá ní, i sḭḭ̄ n ā āwī kə ngé kán̄ naā gə̄ ń toō yā kugə̄ sedə́ dɔ nang ń m-ādə̄də́ tə́ ní alé.

PĀ GƏ̄ 89:33

m-ā m-ún kāgə̄ yā kəndańdə́ najə̄ dɔ ngan̄g yādə́ tə́ ō, m-ā m-ə́ndádə́ najə̄ yá̰á̰ kə́ gōtə́ aĺ ń nin̄ rāān̄ tə́ ní ō.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

SOPONI 3:7

M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.

NDŪ NAJƏ̄ 3:26

Banī Kɔ́ɔ̄ɓē rāā wōn̄g seḿ najə̄ yāsí tə́, adə̄ mbātə́ koō ndɔ̄ȳ yāḿ. Ni-ədam̄ na: Asə beé. Ī-lōō kədam̄ najə̄ ń noō to̰.

TƏ́DA 20:24

Aaro̰ a oy ngɔr yā kaw̄ gō kaan gə̄ tə́, tɔdɔ̄ dɔ nang ń m-ādə̄ ngán Israel gə̄ ní a ugə̄ tū tə́ alé, tām̄ sḭḭ̄ ī-mbātíī koō taḿ ta kəɓa man̄ kə́ Meriba tə́.

Teē Ngán Israel gə̄ 32:2

Anī Aaro̰ tél ədadə́ na kə ró̰ȳn̄ nə̄ngá lɔ́ŕ gə̄ kə́ mbī nə̄yá̰də́ gə̄ tə́ ō, kə́ mbī ngáńdə́ kə́ dəngam gə̄ tə́ ō, kə́ dəyá̰ gə̄ tə́ ō, kə reēn̄neé kə adə̄nən̄.

Teē Ngán Israel gə̄ 34:7

M-ā m̄-rāā majə kə de gēé ō, kə ngáńdə́ gēé ō, bátə́ ugə̄ń dɔ gír kojə yādə́ kə́ nge ko̰ dūbú tə́ ō, tɔdɔ̄ m-ā m̄-tə́gā taḿ dɔ yá̰á̰ kə́ gōtə́ aĺ gə̄ ń a rāān̄ tə́ ní ō, dɔ mbātə́ najə̄ yādə́ gə̄ tə́ ō, majaĺ yādə́ gə̄ tə́ ō. Banī deē ń najə̄ i dɔn tə́ ní, m-ā m̄-rāān de kə́ najə̄ gətóo dɔn tə́ tə́ alé. Deē ń rāā majaĺ ní, m-ā m-ə́ndá ngánən gə̄ ō, ngán kaan gə̄ ō, kaa gugūn gə̄ ō, kaa dɔgən gə̄ ō, tām̄ majaĺ ní tə́.

2 SAMUEL 12:14

Ba yá̰á̰ ń ī-rāā ní adə̄ madə̄ ba̰ā̰ Kɔ́ɔ̄ɓē gə̄ ta róbə́ kídə̄n. Adə̄ ngōn̄ ń ójə́ ní a oy.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,