PĀ GƏ̄ 99:7 - Bibəl ta Sar̄

⁷ Ni-ɔr̄ najə̄ sedə́ dan kil̄ man̄ kə́ ra kə ngālāá ɓururu tə́. Nin̄ ngɔ̄mə̄n̄ najə̄ gə̄ ń ni ədadə́ ní ō, ndū najə̄ yān gə̄ ń adə̄də́ ní ō.

Bible sar

⁷ Ni-ɔr̄ najə̄ sedə́ dan kil̄ man̄ kə́ ra kə ngālāá ɓururu tə́. Nin̄ ngɔ̄mə̄n̄ najə̄ gə̄ ń ni ədadə́ ní ō, *ndū najə̄ yān gə̄ ń adə̄də́ ní ō.

PĀ GƏ̄ 99:7 Referans Kwoze

Teē Ngán Israel gə̄ 33:9

Dan ń ni-aw̄ udə kem kújə́ ní tə́ ɓáa, kil̄ man̄ kə́ ngāl̄ ɓururu reē ra ta kújə tandā tə́, anī Kɔ́ɔ̄ɓē ɔr̄ najə̄ seneé.

TƏ́DA 12:5

Kɔ́ɔ̄ɓē risə dan kil̄ man̄ tə́ reē ra ta kújə ní tə́, ba ɓāŕ Aaro̰ nin̄ kə Miriam. Anī nin̄ jōó mbak ndɔ́tə̄n̄ kə̄ kété.

NDŪ NAJƏ̄ 4:5

Ī-gerī kadə̄ m-ɔ́jə́sí ndū najə̄ gə̄ ō, jī-bēl̄ loo rāā yá̰a̰ gə̄ ō, tītə̄ ń Kɔ́ɔ̄ɓē Nə́ɓā yāḿ ədam̄neé na kə m-ɔ́jə́sí ní, yā kadə̄ ré ūgī dɔ nang ń ā ī-taāī tə́ ní anī, ī-rāāī tītə̄ ń m-ɔ́jəńsí ní.

HEBƏRO 3:2

Tɔdɔ̄ ni-ra dɔ ndūn tə́ kə Nə́ɓā ń ɔjə dɔn tām̄ yā kəla ń toō tə́ ní, tītə̄ yā Moijə ń ədan̄ najə̄ yān na: Ni i de kə́ ra dɔ ndūn tə́ kem kújə yā Nə́ɓā tə́ kə́ taá malang ní.

Gōsə̄ najə̄ gə̄ 28:9

Ré deē kógə̄ḿ rāā mbī mbóo ta ndū najə̄ yā Kɔ́ɔ̄ɓē tə́ anī, ndɔ̄ȳ yān gə̄gē i yá̰á̰ kə́ yḛr.

PĀ GƏ̄ 105:28

Nə́ɓā ənī til loo tə́ anī loo risə til nding ō, deē kógə̄ḿ tɔ́sə̄ gātə̄ najə̄ yān aĺ ō.

NDŪ NAJƏ̄ 33:9

Nin̄ ɔjən̄ kə̄ ndágá kadə̄ táriīn̄ tɔȳ bɔbə̄də́ gə̄ ō, kó̰ó̰də́ gə̄ ō, ngákó̰ó̰də́ gə̄ ō, ngáńdə́ gə̄ ō. Tɔdɔ̄ oōn̄ taí, adə̄ rāān̄ yá̰á̰ ń ə́dádə́ ní. Nin̄ əndān̄ kumdə́ gír madə̄ naā yāí tə́.

Teē Ngán Israel gə̄ 40:16

Moijə udə rɔ̄ kəla tə́, rāā yá̰á̰ ń Kɔ́ɔ̄ɓē ədan ní kə gōó,

Teē Ngán Israel gə̄ 19:9

Anī Kɔ́ɔ̄ɓē əda Moijə na n-a n-ɓɔ̄ɔ̄ rɔ̄n dan kil̄ man̄ kə́ risə til nding tə́ yā kaw̄ kugə̄ń rɔ̄n tə́, kadə̄ ngán Israel gə̄ oōn̄ ndūn loo kɔr̄ najə̄ tə́ seneé ɓáa kə ənīn̄neé kemdə́ mámák kə adə̄n̄ Moijə. Moijə əda Kɔ́ɔ̄ɓē najə̄ ń ngán Israel gə̄ ədan̄ ní.

TƏ́DA 16:15

Wōn̄g rāā Moijə ngá̰ý adə̄ ni-əda Kɔ́ɔ̄ɓē na: Kɔ́ɔ̄ɓē, ī-lōō ndigə yá̰a̰ ndējə̄ yādə́. m̄-taā yá̰á̰ kə́rēý jīdə́ tə́ alé, kərō gə̄gē m̄-taā alé. m̄-rāā yá̰á̰ kə́ majaĺ kə deē kógə̄ḿ dandə́ tə́ alé.