PĀ GƏ̄ 99:3 - Bibəl ta Sar̄

³ Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ táĺ!

Bible sar

³ Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ *táĺ!

PĀ GƏ̄ 99:3 Referans Kwoze

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

NDŪ NAJƏ̄ 28:58

Ré ī-ɓōĺ rī kə́ to kɔsə gɔn ō, to ɓōĺ ō ń i Kɔ́ɔ̄ɓē Nə́ɓā yāí ní alé, adə̄ ə̄ndā kumií gíŕ yá̰á̰ kə́ yā rāā gə̄ ń ndū najə̄ yā Nə́ɓā əda malang á ndangən̄ kem makətūbə̄ ń toō tə́ ní ī-rāā aĺ anī,

PĀ GƏ̄ 111:9

Ni-gān̄g dɔ gír deē yān gə̄. Ni-adə̄də́ ndūn kə́ a to ngándáńg dɔ madə̄ naā yān tə́. Ni i Nə́ɓā kə́ táĺ ō, kə́ to ɓōĺ ngá̰ý ō.

JEJU TEĒ KUM JA̰A̰ 4:8

Yá̰á̰ kə́ kə kumuú kə́ sɔ́ gə̄ ní, bɔ̄gə̄də́ gə̄ i mehḛ́ mehḛ́ kə dɔdə́ gēé. Kumdə́ i ngá̰ý gidə bɔ̄gə̄də́ gə̄ ní tə́ ō, kemeé ō. Kadaá gē ndɔ̄ɔ́ gē ní, nin̄-ədan̄ kanjə̄ taā koō na: Kɔ́ɔ̄ɓē Nə́ɓā ń i de kə́ bo kə́ tɔ́gən i ngá̰ý ní, ni i kə́ táĺ táĺ táĺ. Ni i Nge ń ndi kété ō, ndi ngɔlaā ō, a reē ō ní.

JA̰A̰ 17:11

Mā i dɔ nang tə́ to̰ alé, banī nin̄ i dɔ nang tə́ ō mā m-ā m-āw̄ kə̄ rɔ̄í tə́ ō. Bɔbə́ḿ kə́ táĺ, ī-ngɔ̄m̄də́ kə ta kūl̄ rīí ń ādə̄m̄ ní, yā kadə̄ nin̄ i kógə̄ḿ tītə̄ ń mā ō ḭ̄ ō jḭḭ i kógə̄ḿ ní.

PĀ GƏ̄ 145:17

Kɔ́ɔ̄ɓē i de kə́ súmūú tū yá̰a̰ rāān gə̄ tə́ malang, ni i de kə́ nge ra dɔ ndūn tə́ tū kəla rāān gə̄ tə́ malang.

PĀ GƏ̄ 66:3

ə́daī Nə́ɓā na kəla rāān gə̄ na ton̄ ɓōĺ ngá̰ý ō, dan ń madə̄ ba̰ā̰n gə̄ na a̰a̰n̄ tɔ́gən kə́ ngá̰ý al̄ naā anī, na lōn̄ gír kɔsə rɔ̄də́ kə̄ dɔɔ́ tə́ ō,

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

NEHEMI 1:5

m-ə́da na: Á, Kɔ́ɔ̄ɓē Nə́ɓā kə́ dɔ rā̰ tə́, Nə́ɓā kə́ bo ō, kə́ to ɓōĺ ngá̰ý ō! Ngé gə̄ ń tár̄nī ō, rāān̄ gō míndə gə̄ ń ə̄ndā dɔdə́ tə́ kadə̄ rāān̄ ní ō ní, ḭ̄ ə́ya̰ madə̄ naā yāí ādə̄ to gotoó sedə́ ō, ī-ra dɔ ndūí tə́ sedə́ ō.

JOJUE 24:19

Tā anī Jojue əda de gə̄ na: Ā ásiī rāā kəla yā Kɔ́ɔ̄ɓē alé, tɔdɔ̄ ni i Nə́ɓā kə́ táĺ ō, Nə́ɓā kə́ nge rāā jang ō. Ni a tə́gā tan dɔ mbātə́ najə̄ yāsí gə̄ tə́ aĺ ō, dɔ majaĺ yāsí gə̄ tə́ aĺ ō.

NDŪ NAJƏ̄ 7:21

Ī-lōōī ndebə ta kumdə́ tə́, tɔdɔ̄ Kɔ́ɔ̄ɓē Nə́ɓā yāsí ń i Nə́ɓā kə́ bo ō, to ɓōĺ ngá̰ý ō ní i sesí.

PĀ GƏ̄ 76:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Asap. Pā.

1 SAMUEL 2:2

De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

PĀ GƏ̄ 76:12

Ə̄nīī ndūsí ādī Kɔ́ɔ̄ɓē Nə́ɓā yāsí ō, ī-rāāī yá̰a̰ gə̄ ń ə́daī rī rāā kadə̄n ní ō. Sḭḭ̄ malang ń ī-ndiī ī-gīrī gidə Nə́ɓā kə́ to ɓōĺ ngá̰ý ń toō ní, ī-reēī kə kadə̄ karī yāsí gēé ādə̄niī.

NEHEMI 9:32

Ba ngɔlaā ní Nə́ɓā yājí, Nə́ɓā kə́ bo ō, kə́ tɔ́gí i ngá̰ý ō, kə́ ī-to ɓōĺ ngá̰ý, ḭ̄ ń ā ī-ra dɔ ndūí kə́ ə̄nī tə́ ō, ā ī-rāā háĺ kə́ sew ō ní, ko̰y gə̄ malang ń jḭḭ ō, mban̄g yājí gə̄ ō, ngār yājí gə̄ ō, ngé tun̄ yá̰a̰ yājí gə̄ ō, ngé koō ta yājí gə̄ ō, kaají gə̄ ō, gír deē yāí gə̄ malang ō, j-əla gír kənge ɓāl̄ yā mban̄g gə̄ kə́ Asiri tə́ bátə́ ɓōólaā ní, ī-lōō rāā yá̰á̰ kə́ sḛ́ý beē tə́.

NEHEMI 9:5

Gō tə́ anī Yesua ō Kadəmiel ō Banī ō Hasabəneya ō Serebia ō Hodia ō Sebania ō Petahia ō ń i ngán Lebi gə̄ ní ədan̄ na: Ḭ́ḭī dɔɔ́ ɔ́siī gɔn Kɔ́ɔ̄ɓē Nə́ɓā yāsí! Əlan̄ gír kɔsə gɔnən i jóó ngá̰ý ō, a to i ta kaw̄ jóo ō! Kɔ́ɔ̄ɓē, ādə̄ de gə̄ ədan̄ rīí kə́ majə! Rīí to kɔsə gɔn ō, bo tɔȳ najə̄ kə́ majə gə̄ malang ń de gə̄ asən̄ kəda d ɔ tə́ ní ō,

PĀ GƏ̄ 100:4

Ī-rāāniī kə́ra loo ń ā údiī kə̄ kem kújə yān tə́ ní. Ī-ɓōkə́nī tɔ̄ȳ dan ń ā údiī kə̄ kem ndogə̄ yān tə́ yā kaw̄ ra ndágə loo kə́ gīr̄ gidə kújə yān tə́ ní. Ɔ́siī gɔnən, ī-tɔ̄yī rīn.

PĀ GƏ̄ 103:1

Pā yā Dabid. Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ. m̄-ndigə ɓōkə́ Nə́ɓā kə́ táĺ tɔ̄ȳ kə ngarā̰ kemḿ malang.