PĀ GƏ̄ 99:1 - Bibəl ta Sar̄

¹ Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!

Bible sar

¹ Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ *de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!

PĀ GƏ̄ 99:1 Referans Kwoze

PĀ GƏ̄ 97:1

Kɔ́ɔ̄ɓē i mban̄g. Ādə̄ dɔ nang tḭ́ḭ̄ bal walya, ādə̄ de gə̄ malang ń ndin̄ ta kaw̄ nú ní rāān̄ rɔ̄nel̄!

Teē Ngán Israel gə̄ 25:22

M-ā m-ə́ngeī i loo ń noō tə́. M-ā m̄-ndi i dɔ ta sandúkə́ tə́ dɔɔ́, dɔ dán de kə́ jōó gə̄ kə́ dɔ rā̰ tə́ kə́ ngé ngɔ̄m̄ loo gə̄ ń ndin̄ dɔ ta sandúkə́ tə́ ní, yā kədaīneé najə̄ gə̄ malang ń kadə̄ ə́dá ngán Israel gə̄ ní.

PĀ GƏ̄ 97:4

Tel̄ man̄ yān gə̄ rāān̄ adə̄ loo kə́ dɔ nang tə́ malang unjə̄ kow. Dɔ nang a̰a̰ anī ndebə.

PĀ GƏ̄ 93:1

Kɔ́ɔ̄ɓē i mban̄g. Kɔsə gɔn utə̄ gidə rɔ̄n malang. Tɔ́gə gīr̄ gidən tītə̄ ndāŕ kəhɔ ɓōdə̄ beé. Rɔ̄kum, dɔ nang ra ngan̄g, yá̰a̰ a yéȳn alé.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

JEJU TEĒ KUM JA̰A̰ 11:17

Nin̄-ədan̄ na: Kɔ́ɔ̄ɓē Nə́ɓā kə́ bo kə́ tɔ́gí i ngá̰ý, ḭ̄ ń ī-ndi ngɔlaā ō, ī-ndi kété ō ní, jə-ndadə̄ j-adī tɔdɔ̄ ó̰o̰ ɓē kə ta kūl̄ tɔ́gí kə́ ngá̰ý.

JEJU TEĒ KUM JA̰A̰ 6:14

Dɔ rā̰ aw̄ kɔ̄ɔ́ tītə̄ makətūbə̄ kə́ deē ɓír̄ gidə naā tə́ beé ō, mbal̄ bo gə̄ malang ō, dor̄ loo gə̄ malang ō, ndɔ́tə̄n̄ kɔ̄ɔ́ loo ndadə́ gə̄ tə́ ō.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.

Najə̄ kə́ Majə yā Jeju ń Luk ndang ní 19:12

Ni ədadə́ tītə̄ ń toō beé na: Deē kógə̄ḿ kə́ gír kaan i ngār aw̄ dɔ ɓē kógə̄ḿ kə́ sa̰y tə́ yā taā ndū ko̰o̰ ɓē tá yā tél reē ko̰o̰ ɓē ɓáý.

JEREMI 50:46

Dan ń taān̄ ɓē kə́ Babilon kɔ̄ɔ́ ní anī, dɔ nang ndebə ō, kɔŕ ɓār̄ ɓororo dáń nápar de gə̄ tə́ ō.

JEREMI 49:21

Əsōn̄ kəsō kə́ to ɓōĺ ngá̰ý adə̄ dɔ nang ndebə. Kōōdə́ ɓār̄ bátə́ ugə̄ bā tə̄ɓā gə̄ tə́.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

JEREMI 4:24

M-á̰a̰ mbal̄ gə̄ anī, m-á̰a̰ kadə̄ a ndewn̄ ō, kadə̄ ngán mbal̄ gə̄ malang a yéȳn̄ ō.

IJAI 19:14

Kɔ́ɔ̄ɓē rāādə́ adə̄ dɔdə́ ndi kə gōó alé. A̰á̰ā̰, ngār gə̄ ń noō ndɔ́rə̄n̄ ɓē kə́ Ejiptə aw̄n̄ seneé dɔ róbə́ kə́ majaĺ tə́, tū yá̰a̰ rāān gə̄ tə́ malang. Ɓē kə́ Ejiptə to i tītə̄ nge kasə rāā kə́ njan əhɔ dɔ nang alé loo tōmbə̄ tə́.

PĀ GƏ̄ 96:10

Ə́daī nápar de gə̄ malang na Kɔ́ɔ̄ɓē i mban̄g, adə̄ dɔ nang a ndi ngan̄g, yá̰a̰ a yéȳn alé. Ni-gān̄g sarya yā gír de gə̄ i kə gōó.

PĀ GƏ̄ 18:10

Kɔ́ɔ̄ɓē tetə ta dɔ rā̰ kə̄ nang tə́ ba risə. Kil̄ man̄ kə́ ndul ndḭ́ ndḭ́ i gír njan tə́.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

PĀ GƏ̄ 82:5

Banī sḭḭ̄ ī-gerī yá̰a̰ aĺ ō, ī-gerī kum najə̄ aĺ ō, ī-ndiī i ndɔ̄ɔ́, ā ī-mámī i loo n ā ī-njə̄rāińeé ní, adə̄ gír ngəra dɔ nang malang i kə́ sóngə̄lō kɔ̄ɔ́.

2 SAMUEL 6:2

Nin̄-dānə̄n̄ Dabid aw̄n̄ seneé Baala gō sandúkə yā Nə́ɓā tə́. Baala i ɓē kə́ gō nang yā Juda tə́. Ba sandúkə ń aw̄n̄ gō tə́ ní i sandúkə yā Nə́ɓā ń əndān̄ rī Kɔ́ɔ̄ɓē dɔ tə́ na i Kɔ́ɔ̄ɓē kə́ bo kə́ tɔ́gən i ngá̰ý, nge ndi dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́ ní.

1 YÁ̰A̰ GƏ̄ 16:30

De gə̄ malang kə́ dɔ nang tə́, ī-ndebiī ta kumən tə́. Dɔ nang ra ngan̄g, yá̰á̰ yéȳn alé.

PĀ GƏ̄ 80:2

Nge ngɔ̄m̄ Israel, ī-nēl̄ mbīí ōō. Ḭ̄ ń ā ɔ́r no gír deē yāí gə̄ tītə̄ loo kɔr no ɓūtə̄ yá̰a̰ kul̄ gə̄ ní, ḭ̄ ń kōr̄ kāgə̄ mbang yāí ndi i dɔɔ́ dɔ de kə́ dɔ rā̰ tə́ gə̄ tə́ ní, ɔ́jə kə̄ ndágá kadə̄ ī-ndi noó.

PĀ GƏ̄ 96:9

Dan ń Kɔ́ɔ̄ɓē ɔjə kadə̄ ni i de kə́ táĺ ta kumsí tə́ adə̄ á̰a̰niī anī, ɔ́siī nosí nang tə́ non tə́. De gə̄ malang kə́ dɔ nang tə́, ī-ndebiī ta kumən tə́.

EJEKIEL 43:7

Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.