PĀ GƏ̄ 97:3 - Bibəl ta Sar̄

³ Hor kógə̄ḿ njə̄rā non tə́, o̰o̰ madə̄ ba̰ā̰n gə̄ kə gō gidəneé.

Bible sar

³ Hor kógə̄ḿ njə̄rā non tə́, o̰o̰ madə̄ ba̰ā̰n gə̄ kə gō gidəneé.

PĀ GƏ̄ 97:3 Referans Kwoze

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

PĀ GƏ̄ 18:8

Loo ń noō tə́ wōn̄g rāā Kɔ́ɔ̄ɓē adə̄ dɔ nang yéȳ ō ndebə ō. Ngəra mbal̄ gə̄ ndāmə̄n̄ ngin ngin ō yéȳn̄ ō.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

DANIEL 7:10

Hor kógə̄ḿ kə́ to tītə̄ bā beé a əɓa non tə́ ō, a nūgə́ non tə́ ō. De gə̄ dūbú nja dūbú ra a rāān̄ kəla yān. De gə̄ dūbú kutə nja dūbú kutə ran̄ non tə́. Sarya əla gír adə̄ teēn̄ makətūbə̄ gə̄.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

HABAKUK 3:5

Mo̰y ngāl̄bɔ̄gīí kógə̄ḿ njə̄rā kété non tə́ ō, moy gajə kógə̄ḿ kə́ a əla hor dɔ deē tə́, njə̄rā gōn tə́ ō.

JEJU TEĒ KUM JA̰A̰ 11:5

Ba ré deē kógə̄ḿ sāā rāādə́ yá̰á̰ kə́ tōr̄ anī, hor kógə̄ḿ teē tadə́ tə́ ba o̰o̰ madə̄ ba̰ā̰də́ gə̄. Náā nəkɔ́ ń sāā rāādə́ yá̰á̰ kə́ tōr̄ ní, a oy i tītə̄ ń noō.

NDŪ NAJƏ̄ 5:4

Tasí a̰a̰ naā kə Kɔ́ɔ̄ɓēé n ɔrə̄ń najə̄ sesí dɔ mbalá kum hor tə́ ní.

NDŪ NAJƏ̄ 4:36

Ndū ń ndi dɔ rā̰ tə́ rāā adə̄ ōōī ní i yā kɔjəńsí yá̰a̰. Ba dɔ nang tə́ ɓáa ni-rāā adə̄ á̰a̰ī hor yān kə́ bo ō, ōōī ndūn loo kɔr̄ najə̄ tə́ kum tə́ ō.

NDŪ NAJƏ̄ 4:11

Adə̄ ndɔ̄ ń noō tə́ ní sḭḭ̄ ī-ndɔ́tī kə̄ ngɔr ba ī-raī kə njasí dɔɔ́ nja mbal̄ Horeb tə́. Mbal̄ ní əɓa hor, adə̄ ndo̰ hor gə̄ aw̄n̄ ugə̄n̄ ɓōdə̄ rā̰ tə́ dɔɔ́, dan kil̄ man̄ kə́ ndul ndí ndḭ́ tə́ ō, kum loo kə́ risə til nding tə́ ō.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

PĀ GƏ̄ 18:9

Sa kógə̄ḿ teē kó̰ń Kɔ́ɔ̄ɓē tə́, hor kə́ o̰o̰ bəlim bəlim ō, yā̰l̄ hor ō teēn̄ tan tə́.

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.