PĀ GƏ̄ 97:1 - Bibəl ta Sar̄

¹ Kɔ́ɔ̄ɓē i mban̄g. Ādə̄ dɔ nang tḭ́ḭ̄ bal walya, ādə̄ de gə̄ malang ń ndin̄ ta kaw̄ nú ní rāān̄ rɔ̄nel̄!

Bible sar

¹ Kɔ́ɔ̄ɓē i mban̄g. Ādə̄ dɔ nang tḭ́ḭ̄ bal walya, ādə̄ de gə̄ malang ń ndin̄ ta kaw̄ nú ní rāān̄ rɔ̄nel̄!

PĀ GƏ̄ 97:1 Referans Kwoze

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!

PĀ GƏ̄ 93:1

Kɔ́ɔ̄ɓē i mban̄g. Kɔsə gɔn utə̄ gidə rɔ̄n malang. Tɔ́gə gīr̄ gidən tītə̄ ndāŕ kəhɔ ɓōdə̄ beé. Rɔ̄kum, dɔ nang ra ngan̄g, yá̰a̰ a yéȳn alé.

JEJU TEĒ KUM JA̰A̰ 11:17

Nin̄-ədan̄ na: Kɔ́ɔ̄ɓē Nə́ɓā kə́ bo kə́ tɔ́gí i ngá̰ý, ḭ̄ ń ī-ndi ngɔlaā ō, ī-ndi kété ō ní, jə-ndadə̄ j-adī tɔdɔ̄ ó̰o̰ ɓē kə ta kūl̄ tɔ́gí kə́ ngá̰ý.

MARK 11:10

Ādə̄ Nə́ɓā rāā majə kə ɓē ko̰o̰ ń a reē tə́ ní, adə̄ i kə ɓē ko̰o̰ yā kaají Dabid tə́! Kɔsə gɔn i yā Nə́ɓā dɔ rā̰ tə́!

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

IJAI 49:13

Dɔ rā̰, ə́nda jīí! Ba ḭ̄ dɔ nang, ī-rāā rɔ̄nel̄! Mbal̄ bo gə̄, ə́gaī kɔŕ rɔ̄nel̄! Kɔ́ɔ̄ɓē tél adə̄ gír deē yān gə̄ kəndā kem dɔ tə́ gogə́, kumən o̰o̰n kə de gə̄ ń yá̰á̰ kə́ tōr̄ teē dɔdə́ tə́ ní.

TA KƏLA 10:5

De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

MATIYE 6:13

Ī-lōō kaw̄ sejí ta yá̰a̰ nāā gə̄ tə́, ba ɔ̄r̄jí kɔ̄ɔ́ jī nge nāājí tə́. Tɔdɔ̄ ko̰o̰ ɓē ō, tɔ́gə ō, kɔsə gɔn ō i yá̰a̰ yāí gə̄ kə́ njɔ́ḿ gə̄ tə́. Adə̄ i tītə̄ ń noō!

MATIYE 6:10

ādə̄ Ɓē ko̰o̰ yāí reē ugə̄ ō, ādə̄ de gə̄ rāān̄ yá̰á̰ ń kemií gḛy ní dɔ nang tə́ tītə̄ ń a rāān̄neé dɔ rā̰ tə́ ní ō.

MATIYE 3:3

Ijai nge koō ta ɔr̄ najə̄ yā Ja̰a̰ ngeé ń toō kété əda na: Deē kógə̄ḿ un ndūn kə̄ dɔɔ́ ɔrə̄ń najə̄ kem dəla loo tə́ əda na: Ī-rāāī róbə yā Kɔ́ɔ̄ɓē, ī-rāāī ngáń róbə yān gə̄ ādə̄ ran̄ súmūú.

ABƏDIAS 1:21

Nin̄ a tetən̄ rɔ̄ɔ̄ ō, a alə̄n̄ dɔ mbal̄ Siyo̰ tə́ ō. Nin̄ a ndin̄ i loo ń noō tə́ n a o̰ō̰n̄neé ɓē dɔ ɓē kə́ Edom tə́ ní. Kɔ́ɔ̄ɓē a ndi mban̄g!

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 51:5

Kajə ń m̄-reēń ní, dɔ i ngɔr, teē ɓəloó a reē noó. M-ā m̄-gān̄g sarya kə ngangá ngá̰ý dɔ gír de gə̄ tə́. Gír de gə̄ ń ndin̄ sa̰y ní, a əndān̄ kemdə́ dɔḿ tə́. Nin̄ a əndān̄ kemdə́ dɔ kasə kə́ m-ásə rāā yá̰á̰ tə́.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

IJAI 41:5

Yá̰á̰ ń rāā yá̰á̰ ní gír de gə̄ ń ndin̄ sa̰y ní a̰a̰n̄ ō, ɓōĺ rāādə́ ō. De gə̄ ń nin̄ ndin̄ i ta ngóy dɔ nang tə́ ní, nin̄ ndɔ́tə̄n̄ kə̄ kété i kə rɔ̄ ndeweé.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

PĀ GƏ̄ 2:11

Ī-rāāī kəla ādī Kɔ́ɔ̄ɓē kə ɓōló ō, ī-rāāī walya kə rɔ̄ ndebeé ō.

JAKARI 14:9

Kɔ́ɔ̄ɓē a ndi mban̄g dɔ dɔ nang malang tə́ kə taá. Ndɔ̄ ń noō tə́ ní, i Kɔ́ɔ̄ɓē ngóy n de gə̄ a rɔȳnən̄ tītə̄ Nə́ɓā beé ō, de gə̄ a ndɔ̄ȳn̄ i kə rīn nií ngóy ō.