PĀ GƏ̄ 96:8 - Bibəl ta Sar̄

⁸ Ī-reē ɔ́siī gɔn rīn, ī-reēī kə yá̰a̰ ndējə̄ yāsí gēé údiīneé ndágə loo kə́ gīr̄ gidə kújə yān tə́.

Bible sar

⁸ Ī-reē ɔ́siī gɔn rīn, ī-reēī kə *yá̰a̰ ndējə̄ yāsí gēé údiīneé ndágə loo kə́ gīr̄ gidə kújə yān tə́.

PĀ GƏ̄ 96:8 Referans Kwoze

PĀ GƏ̄ 100:4

Ī-rāāniī kə́ra loo ń ā údiī kə̄ kem kújə yān tə́ ní. Ī-ɓōkə́nī tɔ̄ȳ dan ń ā údiī kə̄ kem ndogə̄ yān tə́ yā kaw̄ ra ndágə loo kə́ gīr̄ gidə kújə yān tə́ ní. Ɔ́siī gɔnən, ī-tɔ̄yī rīn.

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

PĀ GƏ̄ 45:12

Ādə̄ nel̄ mban̄g seí tām̄ mandií tə́! I ni n i kɔ́ɔ̄í ní. Ɔ́sə noí nang tə́ ī-rɔȳnneé.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

1 PIYER 2:5

Ī-ndɔ́tī kə̄ ngɔr tītə̄ mbal̄ gə̄ kə́ ndin̄ kə kumdə́ beē ādə̄ ɔyn̄sí rāān̄neé kújə ndi Ndíl. Loo ń noō tə́ ā ī-téliī ɓūtə̄ ngé tun̄ yá̰a̰ gə̄ kə́ nin̄-ɔrə̄n̄ kam̄də́ tām̄ yā Nə́ɓā tə́, yā kadə̄ əndān̄ kəla ndējə̄ Nə́ɓā yá̰á̰ kə́ tun̄ gə̄ yā Ndíl dɔsí tə́. Yá̰a̰ kə́ tun̄ gə̄ yā Ndíĺ ní, a nel̄ Nə́ɓā i kə ta kūl̄ Jeju Kərist.

HEBƏRO 13:13

I beé ní, ādə̄ jə-tə́gāī tají gíŕ yá̰á̰ kə́ to rɔ̄sɔl̄ gə̄ tə́ tītə̄ yān, ba jə-teē j-awī gōn tə́ gidə ɓē tə́ ndágá.

PILIPƏ 4:18

Yá̰á̰ ń ə́laīneé ādə̄mī ní, m-ə́nge malang. Yá̰á̰ ní mān̄ dɔ yá̰á̰ ń ndoōn rāām̄ ní gə̄gē ɓáý. Dan ń Epapəroditə adə̄m̄ yá̰a̰ yāsí gə̄ ń ə́laniīneé ní, yá̰a̰ malang ń ndoōn rāām̄ ní m-ə́nge. Yá̰a̰ gə̄ ń ādə̄mī ní, ton̄ i tītə̄ yá̰a̰ ndējə̄ kə́ tɔ̄l̄ ba tun̄ kadə̄ Nə́ɓā, kə́ sēēn otə nel̄ ō, i tītə̄ yá̰a̰ tun̄ kə́ Nə́ɓā ndigə ō, nel̄ kemən ō beé.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

PĀ GƏ̄ 111:9

Ni-gān̄g dɔ gír deē yān gə̄. Ni-adə̄də́ ndūn kə́ a to ngándáńg dɔ madə̄ naā yān tə́. Ni i Nə́ɓā kə́ táĺ ō, kə́ to ɓōĺ ngá̰ý ō.

PĀ GƏ̄ 29:2

Ɔ́siī gɔn Kɔ́ɔ̄ɓē ō, ī-tɔ̄yī rīn ō. Ɔ́siī nosí nang tə́ non tə́ ndágə loo kə́ táĺ yān tə́.

PĀ GƏ̄ 116:19

ndágə loo kə́ gīr̄ gidə kújə yān tə́ tə́, kemií ḭ̄ ɓē kə́ Jerusalem tə́ tə́! Aleluya!

EJEKIEL 46:3

Tām̄ ndɔ̄ sabat tə́ ō, ndɔ̄ teē nāā tə́ ō ní, ngán Israel gə̄ kə́ dɔ nang kə́ Israel tə́ a reēn̄ rɔȳm̄ mā Kɔ́ɔ̄ɓē tə́ i ta róbə́ ní tə́.